Luke 16:25 - BAṈARA KO VAIRU AMA LEVELEVEO

²⁵ “Melai Ebarahami ta o vati tiorikake ni eri kiolake, ‘Kerukeruto, mabuzu, so keru ṉoṉo jaeve keru ta ṉo qoe kubo ṉoko lomaloma uri ama, so keru Lazarasi o ṉeamuke keru ruqe ama lomaloma poso. Melai erisaṉa vota o patuka ni o zoleiva koi, ni ṉota ṉo eva tola kale.

Luke 16:25 Σταυροειδείς Αναφορές

Matiu 27:63

ni eri kikelake, “Lekasa, eṉeta ṉebe kerukerueko nea lipalipa kala maba kiovevo vo saevola keru, ako eri nio kiovevo sole, ‘Aṉata mata a jaevou zouke ala ṉaniu kale,’ kiovevo sole,” kikelake.

Luke 16:20

Ni inevoana mata kala ozaoza kala maba o ṉi ta Lazarasi, vota potupotu ala, vo ke vati olani mati vo batiro ala maba ko pade veutu tona,

Luke 16:23

ni o evosikake voko vilu heli kale, o koake sai matuma tola, ni o tadatake nio o veake vo Ebarahami matu vaṉa vasi, Lazarasi ta voko papara obeta evake.

Luke 16:26

Ni mata kama pado quli ta komi. Eṉe ni meko tiania ta ikoana kama pado rosia saqoroma soqili, so sole se keka zariani pakeo tu zio mekasi koi kazo ta pui kepa roveovou, ni sai kazo pakeo kala tu kilo eṉe kasi melai koa omadeuvo jari,’ kiolake.

Luke 6:24

“Melai ruqe ama quli kio ko melai barolou me erisaṉa batiro me evani mela, ako meta lula me qoa meko patukato sole, ti kota kota korota inio, puliama mata kama meba kovou!

Jone 16:33

Aṉata so kiala mekasi tu meta me qovou ko bule meko saevo omadeu kati elo kale aṉako saevo. Komia ruqe ama peuru ma peuru kale ama maba poso ta ke katimelou me ko duki ni riṉoteṉote. Melai meta parani putomo! Ako aṉata lula koqo a ika komia ruqe ama peuru ma peuru ko pizato sole!” ma kiolake vo Jisu.

Iruruputo 14:22

Ni nioqako ziokale nioqata qo pizatimake seke liliziovini maba poso ni qo zuvarimake tu seta tuvevoa noqoilo ke elo seko oqu kale so sole eri kiqolake. “Animeta me doraekou kubo tapata poso koa keve kale, koko odiemelo ama anime vo Baṉara ko lekasa puo kale,” kiqolake.

Romu 8:7

So sole voa maba vo o vaekani voko kerukeru komia tupu ko saevo kale ama zario tona ta vo Baṉara vo kana ota eva, ako vota pui o zorika vo Baṉara ko bazu sole, ni tuvevo avole vota pui o rovea zoriko ko kikolani sole.

Pilipai 3:19

Ako koa kalo se kekai saevako ta ko odiema sole se heli kale ama noqola tolailo kale, seta pui keva nabuluputa sole vo Baṉara melai seta ke ereka sole seko tupu kokai zariako quli. Ni kekai raurarauraiva sole koa qurato sama quli, ni kiada keru viluloqu kekai eva komia miduku kale ama quli.

1 Tesalonaika 3:3

tu puliala me azo ta o vaekou voko oqu komia niumaniumato poso kale avo. Meta me uria paqumuka me ṉavi koa niumaniumato soama ta vo Baṉara ko vatolo ikio tu anime kaqe.

Hiburu 11:25

Vota o pitoekake tu vota o zomanou tolailo vo Baṉara ko mabamu sate, ko kobe kai qulepako o koako zoleilo puju ama taku kale ruqe ereko kale.

1 Jone 2:15

Meta pui roqueko komia erisaṉama peuru ma peuru ni ko quli koko evako komia peuru ma peuru kale. Ako vo o roqueko ala komia peuru ma peuru, ta vo Baṉara ko roquano ta pui kopa elou vo tona.

Kelokelozato 7:14

“Tanala, aṉata pui amai nianiia,” va kialake. Nio vota eri kiolake aṉa kasi, “Ni nio sea maba madu se lula ke pakiziani koa matu tapata kama niumaniumato ko poro kale azo. Seta lula vairu ke ika seko rosia sabosabo poso ni seta lula tapo ke ika vo Sipi Meqora ko vou ko dara kale.