Luke 16:24 - BAṈARA KO VAIRU AMA LEVELEVEO

²⁴ So sole vota o nokaeke, Taite Ebarahami! Roquela aṉa, tu soroeva vo Lazarasi tu o dulueko voko seseu jukale tu opa talai tibiatiko a lenio tu saroro kola iko, ako aṉata ada matu tolaiva komia uza ko poro kale sole!’ kiolake.

Luke 16:24 Σταυροειδείς Αναφορές

Matiu 25:41

“Melai aṉata eri kiavou aṉako made ranamu kasi, ‘Meta levelevezia mela Baṉara kasi, tu olamo koa noqola kama uza kale vo Baṉara ova inainaekema vo Setani ni voko mateana madu!

Matiu 3:9

Ni meta pui eri kio me ṉavio kude, ‘Ebarahami nio eṉevo taite kio, ni so inio eṉeta ṉeda ka lapasou koko kilo ama koqotato,’ pui so kimevou. Aṉata a bazuemela me, vo Baṉara ta o roveo nio varieko vo Ebarahami ko vikuvikula komia lado kale sole!

Matiu 5:22

Melai aṉata a bazuemela me, kala ta ovai korakorailou vovo lolo ta vo Baṉara inio o titizivou vo, ni kala ta o ruqe kasevou vovo lolo ta vota o titiziovou vo Baṉara ko matu raura kama titizato kale. Melai kala ta ovai korakorailou vovo lolo, ni vota ovai kuirikou ta vota kutumana kala, ta vo o korakoraivani ta o male tu ko qoloevou ko heli ko uza.

Luke 16:30

Nio voa batiro ala maba ta o tiorizatake ni eri kiolake, ‘Kota pui ko male, taite Ebarahami! Melai kala ta o saevou voukale azo ta omai ziovou se tea, seta ke vaekou nio seko ruqe ama kalo poso,’ kiolake.

Luke 19:9

Nio Jisu ta eri kiolake vo ni sai ke evani kasi, “Pakio ta kokai baroa komia pade vairutu, ako nea maba melai kala pado vo Ebarahami ko vikuvikula kale ala sole.

Luke 3:8

Meta erekomo ko quli ko kasa ko iko ama ko meta lula meda lilizia meko sarueko poso kale azo kikovo ama quli, saita inio me qilou ni bapitaiso me elou. Ni meta pui tanieko eri kio me navio kude, ‘Ebarahami nio eṉevo taite kio, ni so inio eṉeta ṉeda ka lapasou koko kilo ama koqotato,’ pui so kimevou. Aṉata a bazuemela me, vo Baṉara ta o roveo nio varieko vo Ebarahami ko vikuvikula komia lado kale sole!

Jone 4:10

Nio Jisu ta o kati tiorikake, “Ṉota ṉoqai nianiia vo Baṉara oka zariako katiṉo ni ṉota ṉo nianiiela aṉa ju aṉai pasekani lala tea, ṉota ṉolai paseko inio aṉa, ni aṉata a qatiṉo inio ko saevo ko ju,” kiolake.

Jone 4:14

melai vo o nozueko ala koa ju ko aṉa a qativo ama vo ta ko koilou vuolovuolo jari vo tona kiada keru ni ko kativou ko noqola kama saevo,” kiolake.

Jone 7:37

Koa Kokukoku Ṉojola ko tovatovama ṉaniu ta matuma ṉaniu. Ni koa ṉaniu kale inio Jisu ta o lojoake ubutiania nio eri kiolake matuma kora kale “Vo o rokauvani ta o kilo aṉa kasi ju nozuekole.

Romu 4:12

Vo inio mata se movemove amu vo taite seke luluekani Ebarahami ko oqu ko keve, vo animevo taite, ko vo okai saevema oqu puliako vo moveilo.

2 Tesalonaika 1:8

ni uza ko urusana kale. Nio vota o koqotaemou se keta va lupaovani vo Baṉara ni se pui ke zorikani ko Uri ama Bazu vo animevo Lekasa Jisu Karisito ko.

Jemisi 2:13

Ako vo Baṉara ta pui opa katimou ko akoekato sama roquano voko titizimo keru, se pui ke katimani ko akoekato sama roquano edolomu, melai seke katimani ko akoekato sama roquano edolomu ta pui opa titizimou vo Baṉara.

Jemisi 3:6

Lenio ta omadeuvo kama pado uza jari. Kota kama pado quli kubo quli ko saruekako, kota ko ereka ko ruqe animeko tupu poso kale ni ko zaroeka ko ruqe animeko pado ama saevo kale. Omadeuvo ko uza ta ko bainaeka mata kama pado uza, so jari nio vo Setani, heli ko lekasa, ko iruruputo kale inio vo maba ta o kaseka ko ruqe voko lenio kale.

Kelokelozato 19:20

Ni seta ke noqoevake voa biaṉa ni ke noqoevake voa lipalipa kala poropita vo o erekani ko aqasiele ama iruruputo voa biaṉa ko tanama kale. (Koa aqasiele ama iruruputo omai lipalipaekema seke koeni vo biaṉa ko mamola ni keta va ilusikeni voko beku.) Ni voa biaṉa ni voa lipalipa kala poropita ta omadeu risaeko ke evake saevoa nioqa uza kolabale ni ke siqaekake nai sama uza kale.

Kelokelozato 20:15

Ni sea kiadamu se pui kota ma rikiziani seko ṉi saevo samu ko ṉi ko buka topi ta ke risaivake koa uza ko poro kale.

Kelokelozato 22:1

Ni vo mateana ta mata ola kasekake aṉa ko noqola kama saevo ko katimako orori ko ju, koko saqorako qelasi jaria simanamana kama Baṉara ni Sipi Meqora ko papupapu kasi azo,