Luke 16:15 - BAṈARA KO VAIRU AMA LEVELEVEO

¹⁵ Nio Jisu ta eri ma kiolake se, “Me inio ko me, me sidopu meqai rairiziani mela me ṉavi se maba poso ko vilu kasa, melai Baṉara ta obe paqumuka meko bulo poso kale ama ruqe. Ako koko matuma kio ni kalo sama ka kikelako se maba poso ta kuvaruvaru ama quli ikio vo Baṉara ko kelokelozato kale.

Luke 16:15 Σταυροειδείς Αναφορές

Matiu 23:5

“Seta ke ereka kiadama quli tu maba poso ta ke melo. Ni ke lupika Tabu ama Riki melai seko kape topi, tu seta raura kamu ke elo maba poso ko vilu kasa. Ni seta kekai aikaivani seko suma ko puzipuzi.

Matiu 6:16

Nio vo Jisu ta obeta olake bazubazuto ni eri kiolake sekasi, “Ni so keru meme dabutabuovou keru meko pui vuato kale, meta pui se kekai lipalipaitani ko sidopu ke kavani jari me qalou. Seko melo ta luapiluapi amu jari ke eva, tu kiadama maba ta ke melou se, ta seta keta tabutabua kio. Melai tuvevo avole aṉata a bazuemela me, seta puliama reketekete samu Baṉara kasi, ako seta lula ke koa seko reketekete maba poso kasi sole.

Matiu 6:2

“So sole so keru meme buarou keru tu me dauvemou se olaquamu meta pui meqai aikailou ko omadeuvo se kekai lipalipaitani ko sidopu ke kavani jari, meko ilusato ko pade kale ni matu keve tona. Seta so ke kava tu maba poso ta ke melo se tu ke rauraemo. Melai aṉata a bazuemela me, seko reketekete ta puliama Baṉara kasi, ako seta lula ke koa seko reketekete maba kasi sole.

Matiu 6:5

Nio vo Jisu ta obeta olake bazubazuto ni eri kiolake sekasi, “So keru meme vararaitou keru meta pui se kekai lipalipaitani ko sidopu jari me qalou, se keka matu zariani tu vararaito ilusato ko pade kale ni matu keve tona tu kiadama maba poso ta ke melo se. Aṉata a bazuemela me, seta puliama reketekete samu vo Baṉara kasi, ako seta lula ke koa seko reketekete maba poso kasi sole.

Luke 10:29

Melai voa Mosese ko Bazu okai nianiiekatani maba ta oka zariake kasa iko voko sidopu kiolake, so sole vota mata o kuimaevake vo Jisu ni eri kiolake, “Melai lave inio sea edolomu se aṉa a roquemo amu?” kiolake.

Luke 11:39

So sole vo Lekasa Jisu ta eri kiolake vokasi, “Mea Parese poso mela ta me busaeka ko kapa ni peleta koko kupekupe, melai meko omele ama saevo ta kokai sukata ko zuruzuruto ni kiadailo.

Luke 18:11

“Ni vo Parese ta o edoliake lojolo o kiada ni o vararaitake ni eri kiolake, ‘Aṉata a ilusiṉa ṉo, Baṉara, aṉata pui kuilokuiloa lala ni pui lipalipa kalala, pui a zavematani lala, kiadama maba poso jari. Aṉata a ilusiṉa ṉo aṉata pui voa takisi o koani jaria lala.

Luke 18:14

Nio Jisu ta eri kiolake, “Aṉata a bazuemela me, takisi o koani nio sidopu ala Baṉara ko kelokelozato kale so keru vo o vaite keru voko pade kasi, pui Parese. Ako vo Baṉara ta zara o ivou vo o raurarauraivani, melai vota raura o ivou vo o zarazaraivani,” kiolake.

Luke 18:21

Nio voa maba ta eri kiolake, “So keru aṉako siloa lala keru azo ti aṉata a zorikako ikio koa kiadama bazubazu,” kiolake.

Luke 18:9

Ni Jisu ta o kasekake komia podepodeti se ke ṉavi nio sidopu amu kikelani kasi seke perimani edolomu.

Luke 20:20

So sole sea lekasa poso ta ke vailikake kama keve, ni seta ke tabarimake kake tu kekai lipalipaito ko seta Mosese ko Bazu ke sidopua luluekani maba poso inio kio, ni seta ke soroemake se tu ke tulumuvo vo seko kuimakuimaevo kale vo, tu seta ke roveovou vai kuiriko kama ruqe ni ke roveovou vaevo Romu ama qavuna madu ko pizato kale.

Luke 20:47

Se inio keta ma bibizikani naboko poso ko pade poso seko ubeubemo kale, ni koko tova se inio kekai lipalipaitani ko rosi ama vararaito ubutiania tu maba madu ta ke melou pala! Melai seko koqotailo ta matu palopaloasi ama kota elou!” kiolake.

Jone 2:25

Puliala obe vai bazuemou se maba poso vo Jisu melai vota o uria paqumukake maba ko bulo kale ama kerukeru.

Jone 21:17

Ni zouke ama pado taku kale Jisu ta so kiolake vokasi, “Saimone, Jone vo meqora ṉa, ṉota ṉo roquela aṉa kio?” kiolake. Sai nio Pita ta duki ota evake ako Jisu ta ovai kuimaekake ko zouke taku “Ṉota ṉo roquela aṉa, kio?” sole, sole vota eri kiolake, “Lekasa, ṉota ṉoqai nianiia kiadama quli, ni ṉota ṉoqai nianiia aṉako tuvevoa roqueṉo ṉo kio!” kiolake. Ni Jisu ta eri va kiolake vo, “Ṉota niaeka aṉako sipi poso.

Iruruputo 1:18

(Vo Jiudasi o koema seleni voko ruqe ama iruruputo kale ta o tatabaraekake kama pado miduku, sai vo o vovikoi ni o piavekoi, vota ota podokake ni kiadama siapa kota va saqorake.

Iruruputo 1:24

Nio seta ke vararaitake, “Lekasa, ṉota ṉoqai nianiia kiadama maba poso ko bulo kale ama kerukeru, sole ṉota ṉela kaseva eṉe lala pado nioqia omuqa maba azo inio ṉota lula ṉo bitoeva

Iruruputo 15:8

Ni vo Baṉara vo okai nianiiani maba ko kerukeru, ta kasa oma ike se pui Jiu amu voko mai zoleilo se, ako vota o katimake sole se vovo Tabu ala Auvana, omadeuvo vo o katimele anime Jiua mela jari.

Romu 3:20

Ako puliala ta o rovea sidopu puilo vo Baṉara ko kelokelozato kale ko Bazu kikolani ko lulueko kale; melai ko Bazu ko nianiiekato kale inio vo maba ta o vakakuka voko sarueko.

Romu 8:27

Ni vo Baṉara vo o keani kiadama animeko bulo kale ama quli, ta o paqumuka vo Tabu ala Auvana ko kerukeru, ako vo Tabu ala Auvana inio o melati zomanani vararaito anime o ṉavi Baṉara ko vaki mela sole, ni vota o vararaita o ṉavi Baṉara ko vatolo kikolani jari.

1 Koriniti 4:5

So sole meta pui me ditizatou puliako koko tutututuki ama taku baro. Ko tuvevo ama titizato ta ko ereilou so keru animevo Lekasa o kilou keru. Vo inio zakaremu o iko ala se maba poso ko mutamuta kale ama kerukeru ni vatolo. Ni animea kiada mela ta meqai okotou kovo animeko male ama ilusato Baṉara kasi azo.

1 Pita 3:4

Ako meko tuvevo ama ileile ta pui meko tupu ko kupekupe ama, melai kota meko inobe ama ni olomoiza kama auvana poso ko ileile ikio, ko pui kopa paloaso ama. Ni koa ileile kio qulepo ama vo Baṉara kasi.

1 Pita 5:5

Ni koa omadeuma keve kale mea vairu ama maba poso mela ta zorimomo meko qole ama maba poso. Ni mea kiada mela ta me dauvekiniou muli seke zarazaraivani nabulu poso jari. Ako ko Tabu ama Riki kikovevo ta eri nio sole, “Vo Baṉara ta omai kaikuapou seke aikaivani, melai o katimou ko pakiezato sama roquano seke zarazaraivani.”

Kelokelozato 2:23

Ni aṉata a ruvurimou se seke luluekani koa reko ko kalo. So inio kiadama lotu qoqono ta kelai nianiiovou ko aṉa inio aqai nianiiani lala se maba poso ko kerukeru ni zario poso ni aṉata a qatimelou me koko vaitotola ma koko reketekete omaomadeu kale kude ko me lula me erekako quli kale avo.