Luke 15:24 - BAṈARA KO VAIRU AMA LEVELEVEO

²⁴ Ako nea meqora aṉavo ta lula ota vovini jari nio, melai vota mata o saeva erisaṉa, vota lula ota mumaini melai vota mata o purata sole,’ kiolake. Nio ko ṉojola ta ko tanitake.

Luke 15:24 Σταυροειδείς Αναφορές

Matiu 8:22

Melai Jisu ta eri kiolake vokasi, “Ṉota luluela aṉa. Vaema se pui kekai baroani ko auvana kale ama saevo tu ke mutamo seko vouma maba poso,” kiolake.

Maka 8:22

Ni so keru seke baroa keru Betiseida peuru kale, kake maba poso ta ke vati olake kala leqa kala maba Jisu kasi. Ni seta ke pasevake vo tu ovai iviko voko ṉase tu o urikivo.

Luke 10:19

Viqomo! Aṉata lula a qatimela ko pizato tu meta meda roveovou lojo dole poso topi ni sikupetala poso topi ni me rovea koqotaeko kiadama Setani ko pizato, sole pulia quli ta tapata kopa imelou me.

Luke 15:23

Ni olamo tu pa vouvaekomo ko posu ama bulumakau ko meqora tu me vati vuato ni me vati zoleilo!

Luke 15:25

“Ni koa taku kale ta vo kaka kala meqora ta kiaro kale obeta evake. Ni voko vaito kale sipole okai baro ko pade kio keru, inio vota o viqake ko kera ni pekao.

Luke 15:32

Uri kio animeta me ereka ko ṉojola ni me zoleiva, ako ṉovo visi vo lula ota vovini jari ala ta mata o saeva erisaṉa, vo lula ota mumaini melai vota mata o purata,’ kiolake.”

Luke 15:4

“Kala me azo ta omadeu paizana sipi sala ni kala pado se azo ta ota va mumailou, ta vota noni o kalou? Vota o vaemou sea siakava toni siakava sipi sai seke vuatakoi zama zaekale ni vota o kailou vailivole vo o mumaivani pado ni vota opa vati inotou vo.

Luke 19:10

Ako aṉa maba a eveni lala ta a quevi vailimole ni pakiemole seke mumaivani,” kiolake.

Luke 9:60

Ni Jisu ta o tiorizatake ni eri kiolake, “Vaema se pui kekai baroani ko auvana kale ama saevo tu ke mutamo seko vouma maba poso. Melai ṉota pa kai bazubazute vo Baṉara ko lekasa puo,” kiolake.

Jone 11:25

Nio Jisu ta eri kiolake kokasi, “Aṉa inio ko tuvevo ama saevo ni voukale azo ama mata saevo lala. Vo o tuvevo puelani aṉa ta o saevou, vota o vouvou melai mata o saevou,

Jone 5:21

Omadeuvo vo Mama ta o saevima se lula ke vovini, so jari pado inio aṉa vovo Meqora lala ta a jaevima se aṉa ama zariani.

Romu 11:15

Ako Baṉara omai kedui keru se Jiu amu so keru inio peuru ma peuru kale amu ta ke koe ko odouvo. Sole loma ikio ko ereilou se Jiu amu ke kovou keru ko odouvo! Se voumu ko mata saevo voukale azo jari ama aqasiele ta ko elou!

Romu 12:15

Mati zomanomo zoleilo seke zoleivani, ni zomanomo zialo seke ziani sase.

Romu 6:11

Sokale avo meta kerukeruekomo ko meta vou mela jari inio sarueko vasia rana, melai mata omadeu saevo me eva vo Baṉara sase vo Jisu Karisito ko saevimelo kale me.

Romu 6:13

Meko pado ama saevo ta pui katiko ko sarueko tu koa sarueko ta kokai iruruputo ruqe ama kerukeru ni kalo kale. Melai meta katiziomo me ṉavi vo Baṉara kasi ako meta mata me jaevani mela sole voukale azo, ni meta katikomo meko pado ama saevo tu kai iruruputomo ko vo Baṉara ko sidopu ama kerukeru ni kalo kale.

Romu 8:2

Ako vo Tabu ala Auvana ko bazu, ko anime omadeu saevo ko imelako vo Jisu Karisito sase, ta lula ko rupasile aṉa sarueko ni vou ko bazu kale azo.

1 Koriniti 12:26

So inio kala pado tupu ko kata ta o tolailou, nio kiadama koa tupu ko kata poso ti ko lainikou muli koa tola. Kala lotu maba ta o raurailou, nio koa pado ama lotu qoqono ta keta zoleilou muli.

Epesasi 2:1

Ni koko paloasako taku kale meko auvana ta vouma meko boutare ni pui zoripato kale.

Epesasi 2:5

so sole anime mebeta vouva keru auvana kale animeko pui zoripato kale, inio vota o katimele anime vairu ama saevo vo Karisito kale. Nio voko pakiezato sama roquano kale inio animeta me bakiovi.

Epesasi 5:14

Ni koa kiadama quli ko uria kasa ko evako quli ta zakaremu kota eva. So inio komi kikolani ta eri: “Toirate ṉo maroṉani ṉa! Ni saeve voukale azo, nio Karisito ta zakaremu o elou ṉokasi.”

Kolosi 2:13

Lulavo meta pui saevo mela auvana kale, ako so keru meta sarueko poso samela sole, ni meta pui Baṉara ko toutou Izireli kale amu mela, Baṉara ko Bazu pidea mela koko katiziovima Mosese kale kude. Melai erisaṉa vo Baṉara ta o saevimela me Karisito sase, Baṉara ta lula ota mela akoeka kiadama animeko sarueko poso.

1 Timoti 5:6

Melai koa naboko koko pauvezatako ta kota lula kota vouva jari so keru ko kobeta saeva keru.

Jiudi 1:12

Sea maba poso ta kaqa keta mela ika meko bairumuo vuato ako kokale seta qurato pide ke utu zoleiva ke ṉavi sole ni seta ke kerukeruiva ke ṉavi pala. So inio seta nioro pide ama lei, koko alazikako ko ururu jari amu. Ni seta epa pide ama ore jari amu, so keru koko epako ko taku keru melai epa pide ama, seta ko rabuivako ni ko vouvako ore jari amu.

Kelokelozato 3:1

“Ṉota eria rikito eve sai Sadisi ama lotu qoqono ko mateana kasi: Eri nio koa bazu koko kuevako vokasi azo vo okai lekasa puani koa sikeura auvana vo Baṉara ko ni koa sikeura suti sala. Aṉata aqai nianiia ko me lula me erekako quli ni aṉata a melai nianiia ta meta saevo mela jaria mela lelo, melai meko tuveano ta meta vou mela inio!