Luke 14:24 - BAṈARA KO VAIRU AMA LEVELEVEO

²⁴ Aṉata a bazueṉa ṉo, puliala kala pado sea kiadamu seke koeni ko kuleto ama taipazato ta opa kai zomanou kuo aṉako ṉojola ko sailao!’ kiolake voa lekasa.”

Luke 14:24 Σταυροειδείς Αναφορές

Matiu 21:43

Ni Sokale avo inio aṉata a bazuemela me, vo Baṉara ko lekasa puo ko mauruto ta ota mela kovou me ni o katimou sea qoqono, seke zoriko amu voko soru.”

Matiu 22:8

Ni vota o nokaemake mata kake voko nabulu madu, ni eri kiolake sekasi, ‘Aṉata lula a inainaeka ko rorotato ko ṉojola, melai sea maba madu aṉa lula a daipazimalani ta ruqe amu sole pui ke kueva.

Luke 14:23

Nio vo lekasa ta mata eri kiolake vovo nabulu kasi, ‘Ola peuru kupekupe ama matu keve poso kale ni silo ama keve poso kale ni pa bazubazuema sai ke evani maba poso tu ke sukatiko ko pade!

Luke 14:25

Ni so keru matuma vaki ko lulueve keru vo Jisu, inio vota o vabaliake ni eri kiolake sekasi,

Jone 3:19

Nio eri nio koa titizato: vo zakaremu ta o kuevi komia peuru ma peuru kale, melai se maba madu ta ke matu roqueke ko kutumana voko zakaremu kasi azo, ako seta boutare samu sole.

Jone 3:36

Vo tuvevo o ivani vo Meqora ta noqola kama saevo sala, melai vo pui o zorivani vo Meqora ta pui opa kovou ko saevo, melai vo Baṉara ko korakorailo ta noqola ko elou vo tona kiada keru.

Jone 8:21

Nio Jisu ta mata eri kiolake sekasi, “Aṉata a vaemelou ni ada ziovou, ni meta me vaililou aṉa, melai meta pui meba lelou aṉa ni meda vouvou meko sarueko poso sate. Meta maba pui meba roveovou zio sai aṉa a ziovoa koi,” kiolake.

Jone 8:24

Sokale avo inio aṉata a bazuemela ta meta meda vouvou meko sarueko poso sate. Ako meta pui me duvevo puekou ko ‘Aṉa inio ko Aṉa lala’ kio, ta meta meda vouvou meko sarueko poso sate,” kiolake.

Iruruputo 13:46

Melai Paula ni Banabasi ta matu parani putole qo pesiake ni eri kiqolake, “Ko male ikio tu mekasi nio kuleto ko kaseilo vo Baṉara ko bazu, melai meta meda ka lupaova viqo ko ti lula kuiripato saṉa meda eva me ṉavi ni pui me malezika ko noqola kama saevo, so sole eqeta qe vaemelou me ni qeta ziovou pui Jiu amu kasi.