Luke 14:15 - BAṈARA KO VAIRU AMA LEVELEVEO

¹⁵ Ni so keru kala pado maba o viqa keru koa pesio seke zomanani koa ṉojola kale ala, vota eri kiolake Jisu kasi, “Maurumauru ala tisoiko voa maba vo okai zomano ala vo Baṉara ko lekasa puo kale ama ṉojola!” kiolake.

Luke 14:15 Σταυροειδείς Αναφορές

Matiu 25:10

Nio sea sarube ama sinaqu rusu poso ke olake tatabaraekole ko oela, se savasi maqa inio vo obe vairua rorotani maba ta ota baroake. Nio sea sike sinaqu rusu ke inainaovini ta keta amaqeake vo sate rorotato ko bau vuato kale, ni ke tibulikake ko veutu.

Matiu 8:11

Ni aṉata a bazuemela me, matu kubo maba madu ta ke kilou komia peuru ma peuru kale ama zae poso kale azo ni kekai zomanou Baṉara ko ṉojola Ebarahami, Aisake ni Jekopi sate, voko lekasa puo kale.

Luke 12:37

Ni keta zoleilou sea nabulu poso sevo tanala o kilou keru, vo o toraemou keru se toiratoirati amu kebeta tarevani vo! Aṉata a bazuemela me, vota o ivikou voko topia sabosabo, ni o bazuemou se tu ke papu, ni o niaemou se.

Luke 13:29

Ako maba poso ta ke kilou ṉaniu ko peatakoi vasi azo ni ko sulupakoi vasi azo, ni made rana vasi azo ni palo rana vasi azo, komia peuru ma peuru kale azo seta ke kilou ni ke papuvou vo Baṉara ko lekasa puo kale ama ṉojola kale.

Luke 22:16

“Aṉata a bazuemela me, aṉata pui aba kuovou mata koa Alokato ko sailao ti kobeta barolou koko maba tuvevo ama kio ni kalo vo Baṉara ko lekasa puo kale,” kiolake.

Luke 22:30

Ni meta me vuatou ni me nozutou aṉako tevolo topi aṉako lekasa puo kale, ni meta me bapuvou lekasa ko papupapu topi ni mema lekasa puovou koa toni omuqa toutou Izireli,” kiolake.

Kelokelozato 19:9

Ni vo mateana ta eri kiolake aṉa kasi, “Rikieka ko eri kio: Maurumauru amu se lula ke taipaziani vo Sipi Meqora ko bau vuato kale,” kio. Ni vo mateana ta o paqulikake koa pesio, ni eri kiolake, “Komi poso ikio vo Baṉara ko tuvevo ama pesio poso,” kiolake.