Luke 13:34 - BAṈARA KO VAIRU AMA LEVELEVEO

³⁴ “Me Jerusalema mela! Meta me daima ni me vouvaemani mela se poropita madu se vo Baṉara o soroemani mekasi! Latau taku inio aṉata a mela zaria padoemelo me tu a melati vailo, omadeuvo ko kokorako ta ko padoeka koko meqora poso koko zabu vima jari, melai meta meda lupaova!

Luke 13:34 Σταυροειδείς Αναφορές

Matiu 22:3

Nio vota o soroemake voko nabulu madu tu kepa nokaemo se maba madu vo lula o taipazimeni tu ke zio koa ṉojola kale. Melai seta pui keka zariake zio.

Matiu 22:6

Ni kake sea maba madu ta ke noqoemake voa lekasa ko nabulu madu ni ke pazomake ni ke vouvaemake se.

Luke 15:28

“Sai nio voa kaka kala meqora ta ota matu korakoraivake so sole vota pui oka zariake amaqeo koa pade ko poro kale, nio vovo mama ta o saqorake kupele tu o odievo vo kiolake tu o amaqeo pade ko poro kale.

Luke 19:44

Ni seta ke biresukou meko lado otu ni ke ruvurimelou me, ni pulia quli ta kopa elou sai meko peuru ko evakoi, ako meta pui me nianiieka komia taku so keru vo Baṉara oka zaria keru pakiemelo me sole,” kiolake.

Luke 23:28

Nio Jisu ta o lilitake sekasi ni eri kiolake, “Jerusalema ma rekoreko poso mela! Meta pui la zialo aṉa, melai ka ziamo me ṉaviko saevo ni meko meqora poso.

Iruruputo 7:52

Sea lulavo ama poropita madu ta maba sea kiadamu ti ke toraeke ko niumaniumato meko taite poso kasi, ni se Baṉara ko bazu ke kati kuevini maba madu ta ke vouvaeme, seke kasekeni lulavo vovo sidopu ala Nabulu ko kilo. Ni erisaṉa meta lula me jaiqoriva vo ni me vouvaeva vo.

Iruruputo 7:59

Ni se kebeta ola keru taivo vo Sitiveni vota matuma kora kale ovai petaoke vo Lekasa ni eri kiolake, “Lekasa Jisu, tala koa aṉako auvana!” kiolake.

Iruruputo 8:1

Ni voa Saula ta oka zoleike Sitiveni ko vouvaevo. Ni koa ṉaniu kale inio Jerusalema ama lotu qoqono ta ko tanitake tapata elo ruqe ama naqunaquto kale. Ni kiadamu seke tuvevo putani ta azama buara keta evake koa pado ama Jiudia ni Sameria ma peuru poso kale, melai se apositolo madu ke kiada ta Jerusalema kebeta evake.

Kelokelozato 11:8

ni nioqako tupu ta ko tekuvou koa matu peuru ko keve tona, sai nioqavo Lekasa o vovikoi korosi topi. Koa peuru ko ṉi koko mamola puekako koko ruqe ta Sodomo ni Ijipi.