Luke 13:14 - BAṈARA KO VAIRU AMA LEVELEVEO

¹⁴ Nio koa Jiu amu ko ilusato ko pade ko vilua pikopiko ta ota korakoraivake ako Jisu ta ota urikatake Sabati ṉaniu kale sole, so sole voko matuma kora sate vota eri kiolake sea maba poso kasi, “Varimuja ṉaniu ta ikoana ko anime meqai iruruputo ama, so sole uri tu kilo koa ṉaniu poso kale tu uriko, melai pui Sabati ṉaniu kale!” kiolake.

Luke 13:14 Σταυροειδείς Αναφορές

Matiu 12:2

Nio se Parese madu ta meake se disaipeli madu ke kajorika ko vuiti Sabati ṉaniu kale, ni seta eri kikelake Jisu kasi, “Keatini, meta me bazoka inio vo Mosese ko Bazu, ako ṉoko disaipeli madu ta keta kajora sole ko vuiti Sabati ṉaniu kale!” kikelake.

Maka 5:22

Ni kala ilusato ko pade ko vilua pikopiko, o ṉi ta Jaerasi, ta o olake sai ni o veake vo Jisu ni ota iqeiqeake voko kiti raki kasi,

Luke 6:11

Melai sea tanatanamu ta keta matu korakoraivake, ni seta kekai pesipesitake se kevai ereko ama quli vo Jisu.

Luke 6:7

Nio kake se Mosese ko Bazu kekai nianiiekatani maba poso ni Parese poso ta keka zariake kama keve kale tava kelo ko saruilo Jisu ko, tu kuiripato saṉa ke ivo kokale kikelake, sole seta keta vati matu vailake tu keta va kelo esa vota o urikatou Sabati ṉaniu kale.

Luke 8:41

Ni kala maba Jaerasi va kikelani ta o kuevake. Vota saizama ilusato ko pade ko kuleto amu kale ala. Ni vota o iqeiqeake Jisu ko kiti raki kasi ni vota ova titiake vo tu vota o zio voko pade kasi,

Iruruputo 13:15

Ni kala ta o tiromikake Mosese ko Bazu ni se poropita madu ko riki kale ama tiromo saita inio koa ilusato ko pade ko vilua pikopiko madu ta kekai soroekake nioqa ko bazu eri kikovema, “Baerebaere kidi, eṉeta ṉe baseqela qe tu qeta qe pesiovou se maba poso kasi, zuvarato ko bazubazu qe borikani qela tea, tu ko zuvarimo se,” kikelake.

Iruruputo 18:17

So sole seta ke noqoevake vo Sosotenisi, se Jiu amu ko ilusato ko pade ko vilua pikopiko ni ke pazovake vo koa titizato ko zae ko taqo kale. Melai Qalio ta pui oka lilitake ko.

Iruruputo 18:8

Ni Kurisipasi koa Jiu amu ko ilusato ko pade vilua pikopiko ota kai evani, ni kiadama voko saidi ta keta tuvevo puevake vo Lekasa Jisu, ni matu kubo Koriniti ke evani maba poso seke viqeni ko Uri ama Bazu, ta keta tuvevo putake, ni bapitaiso keta evake.

Romu 10:2

Aṉata tuvevo a ima seta pizaka luluevomu vo Baṉara; melai seko ilusato ta pui sidopu ama.