Luke 12:37 - BAṈARA KO VAIRU AMA LEVELEVEO

³⁷ Ni keta zoleilou sea nabulu poso sevo tanala o kilou keru, vo o toraemou keru se toiratoirati amu kebeta tarevani vo! Aṉata a bazuemela me, vota o ivikou voko topia sabosabo, ni o bazuemou se tu ke papu, ni o niaemou se.

Luke 12:37 Σταυροειδείς Αναφορές

Matiu 24:42

“Sole meta vailomo, ako meta pui meqai nianiia aṉa mevo Lekasa lala a vaitou keru sole.

Luke 12:36

omadeuvo se nabulu poso ke tarevani sevo tanala vo o vaitani bau vuato kai zomano kale azo. So keru vo o kueva ni o tubitubita keru, koa taku kale inio seta lula keta inainaova tu keva veuko ko tibulu.

Luke 12:43

Voa nabulu ta ota zoleilou vovo lekasa o vaitou keru ni o kelou keru voko uri ama iruruputo vo obe erekako.

Luke 17:8

Maba pui so pa kiṉovou! Melai eri nio va kiṉovou, ‘Ṉota la inainaeka aṉako sailao ni kiaka bulebule ama sabosabo saita inio ṉo qati kilou aṉako sailao ni ju tu a vuato, koko tova vasi nio ṉoṉo vuatou,’ kiṉovou.

Luke 21:36

So sole meta vailomo ni ka vararaitomo kiada keru ko pizato tu meta me bakiovou kiadama ko quli ko ereivako quli kasi azo, tu meta me lojolou aṉa maba a eveni lala ko kuleto,” kiolake.

Luke 22:27

“Lala inio vo raura kala, vo o papuani ni o vuatani, ma vo ova nabuluputani vo? Meta meqai nianiia, vo o papuani inio. Melai aṉata a nabuluputani lala inio mekasi a eva keru,” kiolake.

Jone 12:26

Vo oka zariani la nabuluputo aṉa ta o luluelo aṉa, tu voa aṉavo nabulu ta o elou aṉa sase sai aṉa a eloa koi. Ni aṉavo Mama ta o rauraevou vo vo ola nabuluputo ala aṉa,” kiolake.

1 Koriniti 2:9

Sokale avo inio ko Tabu ama Riki ta so kikola, “Aqasiele ama quli ko puliala kala pado maba lula o keako ni o viqako quli, ni ko puliala kala pado maba lula o kerukeruekako ikio ko quli lula Baṉara oma inainaekake tu o katimo se vo ke roquevani,” kikola.

Pilipai 1:21

Ako ko matu qulepo ama quli aṉa kasi ta omadeu vati saevo vo Karisito ikio. So inio abe vouvou melai aṉata a doraekou koa matuma mauruto vo Lekasa Jisu Karisito kasi.

Pilipai 1:23

Ako kota matu tapata aṉa kasi tu a bitoeko sole koa omuqa quli. Aṉako zario ta a zio ni Karisito sase a elou, ako ko ikio ko matu qulepo ama quli sole.

2 Pita 1:11

Kokale inio meta me qovou matuma baroekato vo Lekasa animevo Pakio Jisu Karisito ko lekasa puo kale. Ni koa lekasa puo ta paito pide ama ko elo ama.

2 Pita 3:14

So sole lolo poso, me darekou keru koa ṉaniu ta matu madoekomo tu bulebule ni sarueko pide emo vo Baṉara ko vilu kasa ni vati odouvikiniomo vo Baṉara.

Kelokelozato 14:13

Ni mata a viqake kama pado kora ko kuevako aukale azo ko eri kikolako, “Rikieka ko eri kio: Maurumauru amu inio seke vouvani se erisaṉa azo ke vouvani se omadeu ke vati evani vo Lekasa Jisu!” Ni Tabu ala Auvana ta eri kiola, “Tuvevo avole maurumauru amu inio. Keta zoleilou inio seke mamazani seko matuma iruruputo kale azo, ako seta ke kovou seko nabuluputo ko reketekete sole,” kiolake.

Kelokelozato 16:15

Eri kiola animevo Lekasa, “Viqomo! Aṉata a qilou kala kuilokuilo ala maba jari! Maurumauru ala voa maba vo toiratoirati obeta evani, ni o kati vailani voko suma poso, nio vota pui opa taliovou lava pide ubutiania tu vota o qurato!”

Kelokelozato 3:21

Nio seke koqotaeko amu ko ruqe ta a zariemou tu seta ke papuvou lekasa puilo aṉa sase aṉako papupapu topi, omadeuvo aṉa lula a qoqotate jari ni abeta papua lekasa puilo a Mama ko papupapu topi.

Kelokelozato 7:17

ako voa Sipi Meqora, vo obeta papuani tianiama papupapu topi, ta sevo vailo ko maba oma elou, ni vota o odiemou se noqola kama saevo ko katimako ju sama orori kasi. Ni vo Baṉara ta ota ma zautekou seko vilu kale ama deumu.”