Luke 12:19 - BAṈARA KO VAIRU AMA LEVELEVEO

¹⁹ Nio aṉata eri kiavou a ṉaviko saevo kasi, Qulepo ala maba ṉa! Ṉota ṉo ṉeamuka kiadama uri ama lomaloma ko ṉoko saevo ko maleziko ama kubo sabere poso. So sole rurukaovi, vuate, nozute ni zolei!’

Luke 12:19 Σταυροειδείς Αναφορές

Luke 12:18

Eri nio a qalo avo,’ kiolake, ‘Aṉata a biresukou aṉako pade poso aṉa sailao aqai vaekako, ni matuma a erekou. Sai nio aṉa a badoekoa koi ko vuiti ni kiadama aṉako lomaloma poso.

Luke 16:19

Ni Jisu ta obeta olake pesio ni eri kiolake, “Kala batiro ala maba ta obeta evake vo okai saboivani ko matu ileile ama sabosabo matu tatabara kama ni kiadama ṉaniu o matu uria vuatani.

Luke 21:34

Ni Jisu ta mata eri kiolake, “Meta vailomo! Pui kai mumuasa puilo ko ṉojola ni nozueko ko piza kama ju ni tiṉoliṉoli kai elo komia taku ama saevo ko quli, ako pui uri tu koa matuma ṉaniu ta taukavole ko melai baro

1 Koriniti 15:32

Aṉata a mati kanaekinie se ruqe ama maba poso se piru ama biana poso jaria pazokinio ke lati eveni Epesasi peuru kale, melai puliama mata saevo ko elou nio loma ikio aṉata aqai kovou? Se voumu ta pui mata ke rovea saevo voukale azo tea, animeta mebeta zio kai saqao ko saevo, ako lea nio meda vouvou muli sole.

Pilipai 3:19

Ako koa kalo se kekai saevako ta ko odiema sole se heli kale ama noqola tolailo kale, seta pui keva nabuluputa sole vo Baṉara melai seta ke ereka sole seko tupu kokai zariako quli. Ni kekai raurarauraiva sole koa qurato sama quli, ni kiada keru viluloqu kekai eva komia miduku kale ama quli.

1 Timoti 5:6

Melai koa naboko koko pauvezatako ta kota lula kota vouva jari so keru ko kobeta saeva keru.

1 Timoti 6:17

Bazuema se batiro kekai evani erisaṉama saevo ko lomaloma tu seta pui kekai raurailo, ni seta pui kekai keruvou soama batiro, ako koa batiro ta kapiavole ko roveako paito sole, melai seta kevai keruvou vo Baṉara inio, vo puaropuaroa katimelo o evani kiadama uri ama quli koko zolemelako anime.

2 Timoti 3:4

seta pui kerula kamu, ni puliako kerukeruto ke erekani ko ruqe, utu aikailo ko maba madu, ni ke roquekani ko utube ama zoleilo ko quli vo Baṉara ko roquevo kale azo;

Jemisi 5:5

Meko saevo kale komia miduku kale ama ta uri ama elo ni kubo utube zoleilo. Meta omadeuvo sipi jari lula meda posuposu-kaita meko vouvailo ko ṉaniu kaqe.

1 Pita 4:3

Ako lula koko paloasako taku kale meta me niumaeke matu kubo taku kutumana kamu ke erekako kalo kale. Meta meqai ṉamuke ko taku ko pauvezato, ni tupu kale ama viluloqu, ni kiada keru me japosapoita ko piza kama ju. Ni meta me ereke ko olavo ama ni ruqeruqe ama kalo ni me ilusike ko beku meko kuvaruvaru ama kalo kale.

Kelokelozato 18:7

Katikomo ko matuma tapata ni upotuqu tu ko besieko koa raurailo ni olavo ko kalo ko ṉaviko erekako kale. Ako kota ko raurarauraiva ko ṉavi, ni eri kikola, Aṉata matu sinaqu a bapuani lala aṉako lekasa puo ko papupapu topi! Aṉata pui nabokoa lala, aṉata pui aba buniubuniuovou!