Luke 11:54 - BAṈARA KO VAIRU AMA LEVELEVEO

⁵⁴ Ako seko kuimakuimaevo kale vo inio keva zariake tu ke madoevo tu o ereko kama sarueko sama pesio tu ke noqoevo vo sole.

Luke 11:54 Σταυροειδείς Αναφορές

Matiu 22:15

Ni se Parese madu ta ke padoivake omadeukoi ni ke vatovatoekake kama vatovatolo tu ke madoevo zaraevo vo Jisu seko kuimanao kale.

Matiu 22:18

Melai Jisu ta lula obe tamai nianiia seko ruqe ama vatolo, sole vota eri ma kiolake, “Me meqai lipalipaitani mela ko sidopu! Meta mela zaria pala inio madoelo aṉa.

Matiu 22:35

Ni kala se azo ta vo Mosese ko Bazu okai nianiiekatani sole vo inio ovai zariake tu zaraevo ni madoevo vo Jisu voko kuimanao kale ni eri kiolake,

Maka 12:13

Ni kake Parese madu ni kake vo Herodi ko poqala zuvarato ko maba madu ta ke soroemake tu ke madoeko zaraevo vo Jisu seko kuimaevo kale.

Maka 3:2

Ni kake maba poso ta inisiana sai se kevai zariani vai kuiriko ko ruqe vo Jisu. So sole seta ke vati vailavailaike vo Jisu tu keta va kelo esa vota o urikatou Sabati ṉaṉiu kale.

Luke 11:53

Ni so keru vo Jisu o vaeke keru koa zae, inio se Mosese ko Bazu kekai nianiiekatani ni se Parese madu ta ke luluevake vo ni ke tanitake vai kuiriko kubo ruqe ama quli, ni kevai kuimakuimaekake matu kubo quli.

Luke 20:20

So sole sea lekasa poso ta ke vailikake kama keve, ni seta ke tabarimake kake tu kekai lipalipaito ko seta Mosese ko Bazu ke sidopua luluekani maba poso inio kio, ni seta ke soroemake se tu ke tulumuvo vo seko kuimakuimaevo kale vo, tu seta ke roveovou vai kuiriko kama ruqe ni ke roveovou vaevo Romu ama qavuna madu ko pizato kale.

Luke 20:26

Seta pui ke roveake vai kuiriko ko sarueko voko pesio kale maba madu ko tanama kale, so sole seta moiza keta evake, ako aqasiele kekai evake voko opato sole.

Iruruputo 23:21

Melai ṉota pui ṉoda ma viqou se, ako ariku toni va maba madu ta keta va mutailou ni ke tarevou vo sole. Seta lula ke ereka ko kejo tu seta pui ke vuatou ni pui ke nozutou ti kebe vouvaevou vo sole. Seta kevai iṉupa ni kebe tareka inio ṉo kiṉovo avo sole,” kiolake.