Luke 11:29 - BAṈARA KO VAIRU AMA LEVELEVEO

²⁹ Ni so keru sea vaki kebe zaitiva keru vo Jisu, inio vota obeta olake bazubazuemo se, ni eri kiolake, “Mea maba poso komia taku kalea mela ta matu ruqea mela, melai meta meqa zaria kelo kama pado aqasiele ama iruruputo! Omadeu pado aqasiele ama iruruputo ko kiada ikio me qelou, koa omadeuma vo poropita Jona kova ereima jari lulavo.

Luke 11:29 Σταυροειδείς Αναφορές

Matiu 3:7

Nio so keru vo Jone o meve keru matu kubo Parese madu ni se Sadiusi madu seke kuevini vokasi bapitaiso elole, sai nio vota eri ma kiolake, “Meta dole jaria ruqea mela! Noi sole inio meta eri kimela, ‘Eṉeta bapitaiso ṉe elou inio eṉeta ṉeda ka lapasou koa koqotato vo Baṉara o soroeko ama,’ kimela?

Maka 8:38

Ako voa maba vo ota la qurato ala aṉa ni aṉako nianiiekato se oqu pide amu ni boutare sama maba poso kasi komia taku kale amu, ta aṉa maba a eveni lala melai ada va zoliovou voa maba so keru aṉa a vaitou keru aṉavo Mama ko ṉaṉaidara kale ni voko mateana madu sase.”

Luke 11:16

Ni mata kake se pui ke tuvevo puevani ta keka zariake sipativo vo Jisu so sole seta ke bazuevake vo tu vota o ereko kama pado aqasiele ama iruruputo tu o puratiko vo Baṉara ko pizato vokasi ama kikelake.

Luke 11:50

So sole se erisaṉama maba poso ta o koqotaemou vo Baṉara se poropita madu ko vouvaemo ko kio kale seke vouvaemeni peuru ma peuru ko tanitanila keru azo,

Luke 12:1

So maqa inio kubo vuro maba ta ke padoivake, ni seta keta matu ibaibaekiniake ni keta jutujutuekiniake, nio eri kiolake vo Jisu kuleto voko disaipeli madu kasi, “Tama balauvomo se Parese madu, ako seta lipalipa kamu sole.

Luke 9:41

Ni vo Jisu ta o vati tiorikake vo, ni eri kiolake, “Mea maba poso komia taku kalea mela ta puliama oqu samela ni sarusarua mela. Noi tinia tu keu nio a elou mekasi? Aṉata aqai aquria meko bulo ko zokele sole!” So sole vota eri kiolake voa maba kasi, “Vati kua ṉovo meqora koi,” kiolake.

Jone 2:18

Nio se Jiu ama tanatanamu ta pui kekai zoleike koa iruruputo vo o erekako, ni kevai liliziake nio ke kuimaevake vo, “Nonia aqasiele ama iruruputo ikio ṉo erekou inio eṉeta ṉeqai nianiiovou vo Baṉara ko kai zoleilo ṉoko butuemo nia maba poso?” kikelake.

Jone 6:30

Nio seta eri va kikelake, “Noni ama aqasiele ama iruruputo ikio ṉota ṉo erekou tu eṉeta ṉe qelou ni ṉe duvevo pueṉou ṉo? Loma ikio ṉo ereko ama?

Jone 8:44

Meta vo Setani ko meqora poso mela inio, nio meta meqa zaria lulueko voa mama ko vatolo. Koko tanitanila keru azo vota o vouvaeke ko maba. Ni vota pui o vinaiva tuveano kale, ako vo tona ta puliama tuveano sole. So keru vo o lipalipata keru vota okai pesia maba o ṉaviko pesio ako vota kiadama lipalipato ko raki sole.

1 Koriniti 1:22

Se Jiu amu ta keka zaria kelo ko aqasiele ama iruruputo tu ke tuvevo puto, ni se pui Jiu amu ta ke vailivailila ko nianiio,