Luke 10:37 - BAṈARA KO VAIRU AMA LEVELEVEO

³⁷ Ni voa Mosese ko Bazu okai nianiiekatani maba ta eri kiolake, “Voa maba vo o tauveveni vo, vo inio vo o roqueveni,” kiolake. Ni Jisu ta o opatake, ni eri kiolake, “So sole ṉota ola, ni pa ereka so jari,” va kiolake.

Luke 10:37 Σταυροειδείς Αναφορές

Matiu 20:28

Omadeuvo jari aṉa maba a eveni lala ta pui aba kuevi tu maba poso ta kela iruruputo, melai aṉata a quevi tu aṉa inio nabulu ama elo maba poso, ni aṉata ama vouvou tu a bakiemou se,” kiolake vo Jisu.

Matiu 23:23

“Matu ruqe ama quli kio ko melai barolou me, me Mosese ko Bazu meqai nianiiekatani mela ni me Parese madu mela, me meqai lipalipaitani mela ko sidopu! Ako meta me qati matu vaita ni me qativa vo Baṉara meko papapapa poso kale azo me qoako toni ama, ni koa silo ama paza kama papapapa poso kale azo me qajorikako quli melai me qativa koko toni ama, melai meta me vaeka ni pui me zorika koko matu qulepo ama nianiiekato vo Mosese ko Bazu, ko ikio ko sidopu, ni baiseo ni kerula kama kalo ereko. Kiadama komia matuma quli kio ko male tu me luluekou, ni pui ukaka me qati ikou koa silo ama quli melai.

Luke 10:36

“Sole sea zouke azo ta lala inio vo o roqueveni voa maba se kuilokuilo amu ke toraeveni ta be kiṉola?”

Luke 10:38

Nio Jisu ni voko disaipeli madu ko talio kale, vota okai baroake kama pado peuru sai kama pado rekoreko Mata ṉi sama ko baroekivekoi vo koko pade kasi.

2 Koriniti 8:9

Meta me baqumuka animevo Lekasa Jisu Karisito pakiezato sama roquano; ako vota kiadama aukale ama batiro sala, melai vota ozaoza ota eve o ṉavi meko kio kale avo, tu vota o katimelou aukale ama batiro voko ozaoza elo kale.

Epesasi 5:2

Ni saevomo roquano kale, ni roquemomo edolomu, omadeuvo vo Karisito ta o roquemele anime jari ni vota pui opa kaitiziovi tu o vou anime kaqe. So inio vota matu uria tui ala katizato ni siqasiqa o eveni Baṉara kasi.

1 Pita 2:21

Ni ko ikio vo Baṉara o melati nokaekema tu me erekou, ako vo Karisito ta o mela tolai me sole Ni vota o katimele kama podepodeti tu meta me luluekou vo o kaevo.

Kelokelozato 1:5

ni vo Jisu Karisito kasi azo ama, vo kerula kala bazubazuto ko maba, ni kaka kala Meqora vo kuleto o saeveni voukale azo, vo peuru ma peuru kale ama aikovakova poso azo raura kala. Vota o roquemela anime, ni voko voukale vota lula o rupasimela anime animeko sarueko kale azo