Jone 9:34 - BAṈARA KO VAIRU AMA LEVELEVEO

³⁴ Sai nio seta ke vati tiorikake vo seko korakorailo kale, “Ṉota ṉo alile ni ṉo rapukeni ṉa ṉoko niania ko sarueko sate, melai ṉota ṉoqa zaria nianiiekiṉelo eṉe kio?” kikelake. Nio seta ke kupevake vo ilusato ko pade kale azo.

Jone 9:34 Σταυροειδείς Αναφορές

Luke 11:45

Nio kala pado vo Mosese ko Bazu kekai nianiiekatani kale ala maba ta eri kiolake vokasi, “Tanala, soama pesio ṉo ereka ṉo ta maba eṉe melai ṉo matu niumaeṉela se sate!” kiolake.

Luke 14:11

Ako vo Baṉara ta zara o ivou vo o raurarauraivani, melai vota raura o ivou vo o zarazaraivani sole,” kiolake.

Luke 18:17

Meta kerukeruekomo komi! Se meqora poso pui kubo kerukeru kale ke koani ko puaro jaria kovo me elou vo Baṉara ko lekasa puo pado inio me roveovou amaqeo voko lekasa puo kale tu kai zomanole voko mauruto,” kiolake.

Luke 6:22

Meda zoleiva tisoiko so keru se maba madu ke melai kideipou keru, ni ke kupemelou keru me, ni ke maulumauluemelou keru, ni ruqea mela mela kikevou keru meko luluelo kale avo aṉa maba a eveni lala!

Jone 6:37

Sea kiadamu aṉavo Mama o katilo amu aṉa ta ke kilou aṉa kasi. Ni aṉata pui aba butuemou seke kilo amu aṉa kasi,

Jone 8:41

Meta mebe ereka inio ko quli mevo mama o erekako quli,” kiolake. “Baṉara inio omadeu pado eṉevo Mama, eṉe inio voko tuvevo ama meqora poso ṉela, pui buniu meqora ṉela,” kikelake.

Jone 9:2

Nio voko disaipeli madu ta ke kuimaevake vo, “Tanala, lalako sarueko kale inio voa maba ta leqa alilo ota eve? O ṉaviko ma o mama ni niania kanioqa ko sarueko kale kio?” kikelake.

Jone 9:22

Voko mama ni niania ta so kiqolake, ako nioqata qota ma ṉake se Jiu ama tanatanamu sole. Ako se inio lula ke nakatikani vo Jisu ta vo Baṉara o soroevani Pakio kio okai eraeraovo ala ta keta va kaitikou voko zomano ilusato ko pade kale kio sole.

Jone 9:35

Ni Jisu ta o viqake se Parese madu ko kupevo voa maba nio vota opa veake ni o kuimaevake vo, “Ṉota tuvevo ṉo iva vo maba o eveni kio?” kiolake.

Jone 9:40

Nio kake Parese madu, seke eveni sai vo sate, ta keta va viqake soama pesio nio seta ke kuimaevake vo, “Noko so kio ta eṉe melai leqa kaṉela inio ṉo ṉela kiṉola kio?” kikelake.

Qelesia 2:15

“Ako aniqeta pui Jenitailoa qela qepa alile sole, se Jiu amu kutumana kamu ma kikelani seko pui lulueko vo Mosese ko Bazu kale avo. Melai aniqeta Jiua qela qe alile.

Epesasi 2:3

Melai koko paloasako taku kale animea kiada mela ta se kekai saevako saevo jaria saevo me eve. Ni animeko elo kale animeta meqai zariovi zoleko animeko saevo boutare kale, ni animeta me lulueke animeko tupu ni kerukeru kokai zariako quli. Ni animeta meda tolailo nio vo Baṉara ko korakorailo kale me ṉaviko kalo kale sole, omadeuvo sea ruqe ama maba poso jari.

1 Pita 5:5

Ni koa omadeuma keve kale mea vairu ama maba poso mela ta zorimomo meko qole ama maba poso. Ni mea kiada mela ta me dauvekiniou muli seke zarazaraivani nabulu poso jari. Ako ko Tabu ama Riki kikovevo ta eri nio sole, “Vo Baṉara ta omai kaikuapou seke aikaivani, melai o katimou ko pakiezato sama roquano seke zarazaraivani.”

3 Jone 1:10

Melai so keru a ṉavi a qilou keru, inio avai kuirikou vo Daeoterapesi o erekako quli. Ako vota o lipalipata ni o ruqe kasela sole aṉa. Ni pui koko kiada ikio o erekako, melai vota ota lupaova tu tauvemo se pakepakeo maba madu se keva iruruputani vo Karisito. Ni so jari vota o dokolima sea maba madu se kekai zariani tauvemo se, ni o kupema lotu qoqono kale azo.

3 Jone 1:9

Aṉata a rikieve kala riki se lotu qoqono madu kasi. Melai vo Daeoterapesi ta ota lupaoke viqo aṉa kialani, ako vo inio o raurarauraivani sole tu mevo vilua pikopiko o elou.

Kelokelozato 13:17

Puliala maba ta opa tatabaraekou ma opa kai tatabaraovou puliama koa mamola sala. Koa mamola ta voa biaṉa ko ṉi ma voko ṉi ko naba.