Jone 9:16 - BAṈARA KO VAIRU AMA LEVELEVEO

¹⁶ Ni kake Parese madu ta eri kikelake, “Voa maba vo o erekalani ta maba pui o kuevani Baṉara kasi azo, ako vota pui o zorikani ko Sabati ko bazu sole,” kikelake. Melai mata kake ta eri kikelake, “Vo sarueko sala maba ta pui opa roveovou ereko eri ama aqasiele ama iruruputo poso,” kikelake. So sole seta omuqa pitasa keta evake seko kerukeru kale.

Jone 9:16 Σταυροειδείς Αναφορές

Matiu 12:10

Ni inevoana sai kala lepu ama ṉase sala maba. Kake maba poso melai iniseana sai se keva zariani vai kuiriko vo Jisu ruqe ama iruruputo, so sole seta ke kuimaevake vo, ni eri kikelake, “Noi nio? Ko zariziako ikio vo Mosese ko Bazu kale tu vo maba ta o urikatou Sabati keru, kio?” kikelake.

Matiu 12:2

Nio se Parese madu ta meake se disaipeli madu ke kajorika ko vuiti Sabati ṉaniu kale, ni seta eri kikelake Jisu kasi, “Keatini, meta me bazoka inio vo Mosese ko Bazu, ako ṉoko disaipeli madu ta keta kajora sole ko vuiti Sabati ṉaniu kale!” kikelake.

Luke 13:14

Nio koa Jiu amu ko ilusato ko pade ko vilua pikopiko ta ota korakoraivake ako Jisu ta ota urikatake Sabati ṉaniu kale sole, so sole voko matuma kora sate vota eri kiolake sea maba poso kasi, “Varimuja ṉaniu ta ikoana ko anime meqai iruruputo ama, so sole uri tu kilo koa ṉaniu poso kale tu uriko, melai pui Sabati ṉaniu kale!” kiolake.

Jone 10:19

Sai nio se Jiu amu ta mata omuqa pitasa keta evake seko kerukeru kale koa voko pesio tava viqo kale.

Jone 14:11

Meta tuvevo ilomo aṉa ko aṉata a Mama tona lala kio ni vo Mama ta aṉa tonala, melai kota tapata mekasi tea, tuvevo puelomo aṉa koa iruruputo aṉa a erekako kale.

Jone 15:24

Aṉata pui aba ereke koa iruruputo sekasi ko puliala maba opa roveovima ereko tea, puliama ikio seko sarueko. Melai seta lula ke kea aṉa a erekako quli melai inio seta ke qelai kideipa aṉa ni a Mama.

Jone 2:11

Jisu ta o erekake koa kuleto ama voko aqasiele ama iruruputo Kena peuru kale sai Qalili, ni koa kalo kale vota uria kasa o ikake voko ṉaṉaidara, ni voko disaipeli poso ta ke tuvevo puevake vo.

Jone 3:2

Ni vota o kuevake Jisu kasi ipu kale nio eri kiolake vokasi, “Eṉeta ṉeṉai nianiia, ṉota kala pado Titisa ṉa ṉo joroini ṉa Baṉara kasi azo. Ako ṉota pui ṉoba roveovou ereko ko aqasiele ama iruruputo ṉoṉo erekako, puliama Baṉara ko pizato salaṉa tea,” kiolake.

Jone 5:10

So sole se Jiu ama tanatanamu ta ke keake ko quli ni seta eri kikelake voa maba kasi, “Vairutu ta Sabati ṉaniu sole Mosese ko Bazu ta pui ko zarieṉa tu ṉo boriko ṉoko kobo,” kikelake.

Jone 5:36

Melai aṉata mata kama pado quli salala ko kolai bazubazutake aṉa, ko kokai paloasako vo Jone ota lai bazubazutema aṉa, ko ikio koa iruruputo poso aṉa a erekako. Ko ikio koa iruruputo poso aṉavo Mama o katilema tu aṉata a ereko, ni ko ikio mata ko tuvevo puela aṉa tu ko puratiko vo Mama inio o soroeleni kio.

Jone 6:52

Ni Jisu ko soama pesio kale nio se Jiu amu ta keta tanitake ṉuruṉuruo ke ṉavio kude. “Noni o roveovou nio o katimelou voko marabau nio animeta me quovou?” kikelake.

Jone 7:12

Ni koa padopadoilo maba poso melai moizavole kebe kasevake vo Jisu. Kake ta “Vota sidopu ala maba,” kikelake, melai mata kake ta “Pui. Vo inio o lipalipaemani se maba poso,” kikelake, sole seta omuqa kerukeru kevai koake vo.

Jone 7:23

Sokale meta me moveva kala lasive meqora Sabati ṉaniu kale tu Mosese ko Bazu ta pui ko niumailo, so sole noi sole inio meta melai korakoraiva aṉa, aṉako urikivo kale kala maba voko vere kale azo Sabati ṉaniu kale?

Jone 7:43

So sole sea matu padopadoilo ta keta pitasiake voko kerukeruevo kale.

Jone 9:24

Nio omuqama taku kale sea tanatanamu ta ke nokaevake voa leqa alilo o eveni maba nio eri kikelake vokasi, “Tuvevo ama quli kaseka Baṉara ko tanama kale! Ako eṉeta ṉevai nianiia ta voa maba ta sarueko sala sole,” kikelake.

Iruruputo 14:4

Ni sea maba poso koa peuru kale amu ta keta pitasiake seko kerukeru kale: kake ta uria kerukeru kema evake se Jiu amu, kake ta uria kerukeru keka evake nioqa apositolo kidi.