Jone 8:31 - BAṈARA KO VAIRU AMA LEVELEVEO

³¹ So sole Jisu ta eri kiolake se Jiu amu kasi seke tuvevo puekeni voko pesio, “Meta tuvevo avole me zorikou aṉako nianiiekato inio meta aṉako tuvevo ama disaipeli poso mela me elou,

Jone 8:31 Σταυροειδείς Αναφορές

Matiu 24:13

Melai vo o pizato ala, ti obeta barolo ala koa taku ko paitopaito kale, vo inio o pakiovou.

Jone 1:47

Ni so keru Jisu o vea keru vo Nataniala obeta kueva keru vokasi, inio vota eri kiolake vokale avo, “Nei nio vo ṉisa Izireli ala maba, puliama vai vailizato sala!” kiolake.

Jone 2:2

ni Jisu ni voko disaipeli madu melai ke koake koa bau vuato ko taipazato sole se melai sai.

Jone 6:55

Ako aṉako marabau ta ṉisa sailao, ni aṉako dara ta ṉisa ju.

Jone 8:36

So sole vo Meqora ta o rupasimelou me, inio meta tuvevoa ruparupasia mela me elou.

Iruruputo 13:43

Ni se maba poso lula ke aere saita, nio kubo Jiu amu ni kubo madu seke liliziovini ni Jiu amu jaria Baṉara ke ilusivani maba ke eveni ta ke luluekake Paula ni Banabasi. Nio nioqa apositolo kidi ta qo katimake se zuvarato sama pesio tu seta kebeta elou Baṉara ko vailo ni roquano kale.

Iruruputo 14:22

Ni nioqako ziokale nioqata qo pizatimake seke liliziovini maba poso ni qo zuvarimake tu seta tuvevoa noqoilo ke elo seko oqu kale so sole eri kiqolake. “Animeta me doraekou kubo tapata poso koa keve kale, koko odiemelo ama anime vo Baṉara ko lekasa puo kale,” kiqolake.

Iruruputo 26:22

Melai vo Baṉara ta o tauvelake aṉa ti kobeta baroa komia ṉaniu, so sole aṉata abe lojoa ni avai bazubazuta vo Jisu mea kiada mela kasi, silo ni matu. Ko quli aṉa a qasekako quli ta koa ijama quli se poropita madu ni Mosese ke kasekema ta kota elo ama quli ka kikevema ikio, ko eri;

Romu 11:22

Kokale inio animeta me qea vo Baṉara ko roquemo se maba madu ni voko tapata imo se. Vota tapata o ima seke vaevani vo, melai voko roquano ta me tona—meqai noqoilou koa roquano tea. Melai meta pui me noqoilou tea, me melai meda kobuilou.

Romu 2:7

Seke erekani ko uri ta koa kalo kale inio seta ke zuatika ko ṉaṉaidara, ni raurailo, ni noqola kama saevo, ni se inio vo Baṉara o katimo amu koa noqola kama saevo.

Kolosi 1:23

So sole meta vinavina tuvevo puekomo ko Uri ama Bazu tu pizaka lojomo ni pui epeilo kerukerueko koa uri ama quli meme qovo ama ko lula meme viqema Uri ama Bazu kale, koa Uri ama Bazu aṉa Paula lala aqai iruruputako tu aqai bazuto kiadama maba kasi.

1 Timoti 2:15

Melai se rekoreko ta ke pataitou seko oqu kale ama elo ni roquano ni tabu elo, ni seko inobe ama kalo kale, nio seta ke pakiovou seko kovo kale ko meqora.

1 Timoti 4:16

Ṉota balauve ṉoko saevo ni nianiiekato kale. Ṉota vinai komi quli poso ko ereko kale, ako ṉota so ṉo qalou, inio ṉo ṉavi ni seke viqani ta meda pakiovou.

2 Timoti 3:14

Melai ṉo ṉavi ṉota pizaka noqoeka koa tuveano ko lula ṉo ṉoqai nianiiako ni ṉo matu tuvevo puekako. Ako ṉota ṉomai nianiia sole sea kerula kamu se kekai nianiiekiṉeni koa tuveano,

Hiburu 3:14

Kerukeruekomo erisaṉa ta animea kiada mela ta vo Karisito kalea mela, pizaka noqoeko me elou ta koa kuleto ama tuvevo puto ti mebe kai barolou saevo ko paitopaito keru.

Hiburu 8:9

Koa leveleveo ta pui aṉa meko taite poso kasi a erekema jari ama koa taku so keru aṉa a odieme ni a jaqorime keru se Ijipi peuru kale azo. Seta pui kepa lulueke koa leveleveo ko korotato aṉa a erekema sekasi, so sole aṉata a vaemake ni pui ama lilitake se,” kiolake vo Baṉara.

Jemisi 1:25

Melai vo o vinaivani sidopu ama bazu kale, maba poso ko rupasimako, ni vo pui o lalamatani ereko ko, ni pui o utu viqani ni o ukaka puekani, ni vo okai iruruputani, vo inio voa maba vo Baṉara mauru o ivo ala vo o erekako quli kale.

1 Jone 2:19

Ni se vo Karisito ko kana madu ta animeko poqala kale ke eveni inio. Melai seta lula ke vaemele ni seko vaemelo ta kasa ko ika ta seta pui maba anime kale amu inio. Ako seta tuvevo avole animeko poqala kale amu tea, seta anime kasi nio kebeta elo. Melai ke vaemele sole meqai nianiia ta sea kiadamu ta pui maba anime kale amu kepa eve.

1 Jone 2:24

So sole meta tukiekomo koa bazu meko bulo kale ko meme viqema koko tanitanila kale. Ni meta me dukiekou koa bazu, ta meta vo Meqora ni Mama satea mela inio kiada keru.

2 Jone 1:9

Ako animeta mebeta ziovou lulueko vo Karisito ko nianiiekato ko kiada. Melai vo okai paloaso ala vo Karisito ko nianiiekato kasi azo, ta vota pui vo Baṉara sate ala inio. Melai vo obeta ziovo ala lulueko vo Karisito ko nianiiekato, vo inio vo Mama ni Meqora sate ala.