Jone 8:12 - BAṈARA KO VAIRU AMA LEVELEVEO

¹² Ni Jisu ta mata eri kiolake sea maba madu kasi, “Aṉata peuru ma peuru ko zakaremu lala. Vo o luluelo ala aṉa ta o ṉeamukou ko saevo ko zakaremu ni vota pui opa taliovou kutumana kale,” kiolake.

Jone 8:12 Σταυροειδείς Αναφορές

Matiu 5:14

Meta kiadama maba peuru ma peuru kale amu ko zakaremu mela. Ko sopu kale ama peuru ta pui kopa mutailou.

Luke 2:32

Vota kala zakaremu tu kasa o ikou ṉoko vatolo kiadama peuru ma peuru kale ama qoqono poso kasi ni vota o kati kilou ko ṉaṉaidara ṉoko mabamu Izireli mu kasi!” kiolake.

Jone 12:35

Nio Jisu ta o opatake ni eri kiolake, “Zakaremu ta ko elou mekasi kama puju ama taku, so sole koa zakaremu palate, meta talimo zakaremu kale, tu ko ipu ta pui ko melai barolou me. Ako vo o taliani kutumana kale ta pui okai nianiia sai vo o ziovoa koi sole.

Jone 12:36

Ko zakaremu mekasi palate, meta tuvevo puekomo koa zakaremu, tu meta zakaremu ko maba mela me elou,” kiolake. Nio Jisu ko so kio ko tova inio vota ota olake edolokoi ni vota ota daipaivake sekasi azo.

Jone 12:46

Aṉata a queva peuru ma peuru ko zakaremu jari, tu vo o tuvevo puelo ala aṉa ta pui opa elou kutumana kale.

Jone 14:6

Nio Jisu ta o vati tiorikake vo, “Aṉata keve, tuveano, ni saevo lala. Puliala ta o rovea baro a Mama kasi edoloma keve kale, melai aṉa kale inio.

Jone 3:19

Nio eri nio koa titizato: vo zakaremu ta o kuevi komia peuru ma peuru kale, melai se maba madu ta ke matu roqueke ko kutumana voko zakaremu kasi azo, ako seta boutare samu sole.

Jone 7:17

Vo oka zariani ereko vo Baṉara oka zariako quli ta okai nianiiovou aṉako nianiiekato ta ko kuevako Baṉara kasi azo kio ma aṉata a qaseka a ṉaviko pizato kale pala kio.

Jone 9:5

Ana peuru ma peuru abeta eva keru ta aṉa inio peuru ma peuru ko zakaremu lala,” kiolake.

Iruruputo 13:47

Ako komi kio koa bazu vo Baṉara eqe lula o katiqelema ko eri kikolako, ‘Aṉata lula se pui Jiu amu ko juke jari a iṉe ṉo tu peuru ma peuru kale amu ta ke pakiovou,’ kikolako,” kiqolake.

Iruruputo 26:23

vo Baṉara o soroevani Pakio ta o vouvou ni vo inio kuleto ala maba vo o saevo ala voukale azo, tu o katimo ko pakio ko zakaremu se Jiu amu ni pui Jiu amu,” kiolake.

2 Pita 2:17

Nia lipalipa kama nianiiekato ko maba poso ta omadeuvo tabarioma sukuru jari amu ni ko lei jari amu, koko puzekako ururu kale ni ko alokata pala, ako puliala ta ota ma koa uri ama quli. Sole vo Baṉara ta lula oma inainaeke seko zae pata kutumana kama.

2 Pita 2:4

Ako Baṉara ta pui opa utu zarieme se mateana madu boutare ke erekeni, melai vota o soroeme se heli kale ni sai nio seta piripiri amu kutumana kale ke tarekani titizato ko ṉaniu.

1 Jone 1:6

Ni animeta eri kimevou, animeta me vati lolopareani mela vo Baṉara, kimevou, saita inio mebeta saevou kutumana kalo kale, ta animeta lipalipa kamela pui me luluekani mela ko tuveano.

Jiudi 1:13

Seta omadeuvo ko ivere kale ama tovoko poso jari, ni seko qurato sama kalo ta ko purata koko supalala jari. Seta omadeuvo koa suti poso ko pui ko luluekako ko ṉaviko keve jari, se inio vo Baṉara lula oma inainaekani kama pado matu kutumana kama zae tu seta noqola elo ke elou sai.

Jiudi 1:6

Ni kerukeruekomo kake mateana madu ta pui kepa kai zolei seko koidi ni pizato vo Baṉara o katimema, ni seta ke vaekake seko ṉisa peuru, nio sea mateana madu ta ke piriziake noqola kama piri kale kutumana kale ti kobeta barou koa matuma ṉaniu kale seke titiziovou keru.

Kelokelozato 21:24

Peuru ma peuru kale ama qoqono poso ta ke taliovou koko zakaremu kale, ni se peuru ma peuru kale ama aikovakova poso ta ke kati amaqeovou seko batiro koa matu peuru kale.