Jone 7:37 - BAṈARA KO VAIRU AMA LEVELEVEO

³⁷ Koa Kokukoku Ṉojola ko tovatovama ṉaniu ta matuma ṉaniu. Ni koa ṉaniu kale inio Jisu ta o lojoake ubutiania nio eri kiolake matuma kora kale “Vo o rokauvani ta o kilo aṉa kasi ju nozuekole.

Jone 7:37 Σταυροειδείς Αναφορές

Matiu 11:28

Kuemo mea kiada mela aṉa kasi, meme jairokani mela meko boriko meko duki ama bouro poso, tu aṉata a qatimelo ko mamazo.

Matiu 3:3

Jone Bapitaiso inio voa maba vo poropita Aisea o kaseveni vo eri va kioveni, “Kala maba ta o velavelaova lealea kama zaekale matuma kora kale, ‘Meta va inainaekomo vo Baṉara ko keve, ni sare ikomo koa keve sai vo o taliovoa koi,’ ” ka kiovema.

Matiu 5:6

“Keta zoleiva tisoiko se kekai matu zariani ereko vo Baṉara okai zariako quli, ako vo Baṉara ta o tauvemou se matuvole sole.

Jone 1:23

Nio Jone ta o tiorizatake, ni eri kiolake, “Aṉa inio vo vo lala, ko eri va kikovema: ‘Kala ta o velavelaova lealea kama zaekale matuma kora kale: Va inainaekomo vo Lekasa ko keve sai vo o taliovoa koi!’” kiolake. Ko ikio vo poropita Aisea o kasekema lulavo.

Jone 14:6

Nio Jisu ta o vati tiorikake vo, “Aṉata keve, tuveano, ni saevo lala. Puliala ta o rovea baro a Mama kasi edoloma keve kale, melai aṉa kale inio.

Jone 4:10

Nio Jisu ta o kati tiorikake, “Ṉota ṉoqai nianiia vo Baṉara oka zariako katiṉo ni ṉota ṉo nianiiela aṉa ju aṉai pasekani lala tea, ṉota ṉolai paseko inio aṉa, ni aṉata a qatiṉo inio ko saevo ko ju,” kiolake.

Jone 4:11

Nio koa rekoreko ta eri kikolake, “Koe, tanala, ṉota puliama tobeto ko lomaloma salaṉa tu ṉota ṉo dobekou ko ju, ako soqili ju ta matu saqoroma sole. Ni lai kazo inio ṉo qovou koa saevo ko ju ṉoṉo qasekako?

Jone 4:14

melai vo o nozueko ala koa ju ko aṉa a qativo ama vo ta ko koilou vuolovuolo jari vo tona kiada keru ni ko kativou ko noqola kama saevo,” kiolake.

Jone 5:40

melai meta pui meqa zaria tuvevo puelo aṉa tu meta me qovou ko saevo!

Jone 6:35

Nio Jisu ta eri kiolake sekasi, “Aṉata saevo ko bereti lala, sole vo o kilo ala aṉa kasi ta pui opa luapou, ni vo o tuvevo puelo ala aṉa ta pui opa rokauvou.

Jone 6:37

Sea kiadamu aṉavo Mama o katilo amu aṉa ta ke kilou aṉa kasi. Ni aṉata pui aba butuemou seke kilo amu aṉa kasi,

Jone 6:55

Ako aṉako marabau ta ṉisa sailao, ni aṉako dara ta ṉisa ju.

Jone 7:28

Ni Jisu ta obeta nianiiekatake Jelepade kale nio vota o opatikake seko pesio ni eri kiolake matuma kora kale, “Meta uria lai nianiio me eva aṉa, ni meqai nianiia sai aṉa a quevikoi kazo, kio? Melai aṉata pui a queva a ṉaviko pizato kale, melai vo tuvetuve ala inio o soroeleni aṉa. Melai meta pui mevai nianiia vo,

1 Koriniti 10:21

Meta pui meba nozuekou koa vaini ko ju ko anime mevai ilusikako animevo Lekasa Jisu ni mata koa vaini ko ju ko se kekai ilusikako ko ziolo poso; ni meta pui meba kuovou vo Baṉara ko bereti ni mata ziolo poso ko bereti.

1 Koriniti 10:4

ni sea kiadamu inio ke nozuekake koa omadeuma ju vo Baṉara o katimema. Ako seta ke nozuekake koa ju vo Baṉara o reretikema koa lado kale koko luluemema se, ni koa lado ta o ṉavi Karisito.

1 Koriniti 11:25

Ni so jari mata, koa vuato ko tova vota o katimake ko kapa vaini ko ju sama, ni so kiolake, “Komia kapa vaini ko ju sama ta ko mamola pueka vo Baṉara ko vairu ama leveleveo, ko pizato saṉa ko evako aṉako dara kale. Kiada keru meme nozuekou keru ko, meta erekomo aṉako kerukeruelo kaqe,” kiolake.

1 Koriniti 12:13

So sole so keru anime bapitaiso me eva keru inio voa omadeula Auvana ta omadeu pado qoqono o imele animea kiada mela; Jiua mela melai, pui Jiua mela melai, mabaku mela melai, pui mabakua mela melai. So inio animeta omadeuvo voko tupu jaria mela, ako voa omadeu pado Auvana inio o puariziovini animea kiada mela kasi sole, tu animeta me bizato vokale.

Epesasi 5:18

Ni meta pui doilili kai elo ko piza kama ju. Ako ko doilili elo ta ko niumaemelou me sole. Melai meta sukatomo Tabu ala Auvana kale.

Kelokelozato 21:6

Ni vota eri lati kiolake, “Kiadama quli ti kota paita muli! Aṉata kiadama quli ko tanitanila ni koko paitopaito lala. Aṉa inio a daniekani lala ni a baikani lala koa kiadama. Seke rokauvani ta a qatimou ko ju tabara pide ama, ko noqola kama saevo ko katimako orori kale azo ama ju.

Kelokelozato 22:1

Ni vo mateana ta mata ola kasekake aṉa ko noqola kama saevo ko katimako orori ko ju, koko saqorako qelasi jaria simanamana kama Baṉara ni Sipi Meqora ko papupapu kasi azo,

Kelokelozato 22:17

Vo Tabu ala Auvana ni vo Jisu ko reko ta eri kiqola, “Kua, Lekasa Jisu!” Ni uri tu kiadamu ke viqani komi ta mata “Kua, Lekasa Jisu!” kikevou. Kua, ṉoṉo rokauvani ṉa tu pa koa ko noqola kama saevo ko katiṉo ama ju tabara pide ama.