Jone 7:17 - BAṈARA KO VAIRU AMA LEVELEVEO

¹⁷ Vo oka zariani ereko vo Baṉara oka zariako quli ta okai nianiiovou aṉako nianiiekato ta ko kuevako Baṉara kasi azo kio ma aṉata a qaseka a ṉaviko pizato kale pala kio.

Jone 7:17 Σταυροειδείς Αναφορές

Matiu 6:22

“Ṉoko vilu ta ṉoko tupu ko zakaremu. Ni ṉoko vilu ta uri ama ko elou ta ṉoko pado ama tupu ta matu zakaremu, melai ṉoko vilu ta ruqe ko elou ta ṉoko tupu ta matu kutumana ikio. So sole ṉoko tupu tonama zakaremu ta kutumana ko elou ta matu kutumana kota elou.”

Luke 8:15

Ni koa rui koko piako uri ama miduku kale ta ko mamola puema sea poso seke viqani ko bazu ni ke uria tukiekani ko seko uri ama zoripato sama bulo kale, ni seta ke pataita seko oqu kale ti seta ke epamata,” kiolake.

Jone 3:21

Melai seke erekani ko uri ama iruruputo ta ke kueva voa zakaremu kasi ni voa zakaremu ta uria kasa ota ma ika seko zorivo vo Baṉara,” kiolake vo Jisu.

Jone 8:43

Noi sole inio meta pui me baqumuka aṉa kialani? Tuvevo avole meta pui me baqumuka ko, ako meta meda lupaova didieko aṉako bazubazu sole.

Jone 8:44

Meta vo Setani ko meqora poso mela inio, nio meta meqa zaria lulueko voa mama ko vatolo. Koko tanitanila keru azo vota o vouvaeke ko maba. Ni vota pui o vinaiva tuveano kale, ako vo tona ta puliama tuveano sole. So keru vo o lipalipata keru vota okai pesia maba o ṉaviko pesio ako vota kiadama lipalipato ko raki sole.

Jone 8:47

Vo Baṉara vo maba ta o viqa vo Baṉara ko pesio. Meta pui Baṉara ko mela sole pui meba tava viqou voko pesio,” kiolake.

Iruruputo 17:11

Ni saizama maba poso ta uri ama kerukeru samu pui se Tesalonaika mu jaria ruqe amu. So inio seta ke matu uria didiekake ko bazubazu, ni kiadama ṉaniu seta ke tiromikake ko Tabu ama Riki tu keta ka kelo vo Paula ni Sailasi kiqolani koko tuveano kikelake sole.