Jone 7:12 - BAṈARA KO VAIRU AMA LEVELEVEO

¹² Ni koa padopadoilo maba poso melai moizavole kebe kasevake vo Jisu. Kake ta “Vota sidopu ala maba,” kikelake, melai mata kake ta “Pui. Vo inio o lipalipaemani se maba poso,” kikelake, sole seta omuqa kerukeru kevai koake vo.

Jone 7:12 Σταυροειδείς Αναφορές

Matiu 10:25

So sole vo o sikuluputani ta ota zoleilou, ruqe ke ivou ma uri kebe ivou melai, omadeuvo vovo nianiiekato ko maba ke ivani jari, ni vo nabulu ta ota zoleilou, ruqe ke ivou melai, omadeuvo vovo lekasa ke ivani jari. Sea maba poso se kelai kaikuapani aṉa inio kelai nokaeka aṉa Setani aṉa mevo odikato ko maba lala, sole me aṉako maba poso mela ta ke melai kuirikou matu ruqe ama ṉi meko kana madu.

Matiu 21:46

Sole seta kekai zariake tu noqoevo vo, melai seta keta ma ṉake sea matuma vaki, ako sea vaki ta ke tuvevo pueva vo Jisu ta poropita inio sole.

Matiu 27:63

ni eri kikelake, “Lekasa, eṉeta ṉebe kerukerueko nea lipalipa kala maba kiovevo vo saevola keru, ako eri nio kiovevo sole, ‘Aṉata mata a jaevou zouke ala ṉaniu kale,’ kiovevo sole,” kikelake.

Luke 18:19

Nio Jisu ta eri kiolake, “Noi sole inio uri ala la kiṉola? Puliala ta uri ala melai Baṉara o kiada inio uri ala.

Luke 23:47

Ni se solodia madu vo kuleto ala ta o keake koko ereima quli, ni vota o ilusivake vo Baṉara ni eri kiolake, “Koe, tuvevo avole nea maba ta sidopu ala!” kiolake.

Luke 23:50

Ni kala maba ta sai obeta evake o ṉi ta Josepa vo o kuevini Arimatia peuru kale azo, kota kama pado peuru se Jiu amu ko. Vota kala uri ala maba ni sidopu ala maba, vo o tarekeni vo Baṉara ko lekasa puo ko kilo. Vota kala se Jiu ama tanatanamu ko Kauniseli kale o zomanani vo pui opa ka zariovini se Kauniseli madu ko pitoto ni iruruputo.

Luke 6:45

Omadeuvo so jari nio vo uri ala maba ta o ereka ni o rukueka ko uri ama quli voko bulo kale ko evako uri ama kerukeru kale, ni vo ruqe ala maba ta o ereka ni o rukueka ko ruqe ama quli voko bulo kale ko evako ruqe ama kerukeru kale. Ako vo maba ta o rukueka voko suto kale ko quli ko sukatako voko bulo kale sole,” kiolake.

Luke 7:16

Ni sea kiadamu ta keta matu ṉake, ni seta ke rauraevake vo Baṉara ni eri kikelake, “Matula poropita ta o purata anime kasi!” kikelake, ni mata “Baṉara ta lula o kueva tu o pakiemo voko maba poso!” kikelake.

Jone 6:14

Sai ke evani maba poso ta ke keake koa aqasiele ama iruruputo vo Jisu o erekako, nio eri kikelake, “Matu tuvevo, nei nio voa Poropita vo o kaseini tu o kilo peuru ma peuru kale!” kikelake.

Jone 7:32

Ni se Parese madu ta keta ma viqake sea matu padopadoilo vai vazavazao vo Jisu, ta vota vo Baṉara o soroeveni Pakio nio kio, so sole sea Parese madu ni se raura kama siama madu ta ke soroemake se Jelepade ko vailo ko maba madu tu kepa noqoevo vo Jisu kikelake.

Jone 7:47

Nio sea Parese madu ta eri kikelake sekasi, “Me melai lula o lipaemela, kio?

Jone 7:52

Nio seta ke vati tiorikake vo, “Ṉo melai Qalili rana lana, kio? Lezumuka ko Tabu ama Riki ni ṉota ṉo baqumukou ko puliala poropita ta o purata Qalili kio, nea maba o kuevikoi kazo,” kikelake.

Jone 9:16

Ni kake Parese madu ta eri kikelake, “Voa maba vo o erekalani ta maba pui o kuevani Baṉara kasi azo, ako vota pui o zorikani ko Sabati ko bazu sole,” kikelake. Melai mata kake ta eri kikelake, “Vo sarueko sala maba ta pui opa roveovou ereko eri ama aqasiele ama iruruputo poso,” kikelake. So sole seta omuqa pitasa keta evake seko kerukeru kale.

Iruruputo 11:24

Banabasi ta kala uri ala maba, vota piza kama oqu sala ni ovai sukatani vo Tabu ala Auvana ni so inio o lilimake kubo madu vo Lekasa kasi.

Romu 5:7

Tapata ikio tu kala maba ta ova vou kala sidopu ala maba. Melai esa kala parani ala maba ta ota roveovou va vou kala uri ala maba.

Pilipai 2:14

Ni meta me erekou kiadama quli ṉuruṉuruo pide ni aivekinio pide,