Jone 7:1 - BAṈARA KO VAIRU AMA LEVELEVEO

¹ Ni koko tova inio Jisu ta o taliake Qalili rana, ni vota pui oka zariake talio Jiudia rana, ako se Jiu ama tanatanamu ta kebe tarevake vo sai tu ke vouvaevo sole.

Jone 7:1 Σταυροειδείς Αναφορές

Matiu 10:23

Ni seke melai kaikuapou keru me matu peuru kale, meta me joqoilou mata kala zavaṉa kale. Tuvevo avole aṉata a bazuemela me, puliako okotiko meko iruruputo kiadama Izireli matu peuru poso kale inio aṉa maba a eveni lala ta ada vaitou.

Matiu 21:38

Melai so keru se kekai iruruputani koa vaini kiaro ke vea keru voa meqora, seta eri kikelake, ‘Nei nio komia kiaro sala vo meqora, vo o besievo ala vovo mama tu kiaro ko raki ota ka elo. Ariamo tu me vouvaevo, nio komia vaini kiaro vo kovai vikuvo ama ta animeko ko elou!’

Maka 11:18

Ni se raura kama siama madu ni se vo Mosese ko Bazu kekai nianiiekatani keta va viqa keru vo, seta ke taniekake vailiko kama keve tu ke vouvaevo vo Jisu. Melai seta keta ma ṉake sea vaki, ako sea vaki ta keta va vuzeike sole voko nianiiekato.

Jone 1:19

Se Jiu ama tanatanamu Jerusalema peuru kale ke eveni ta ke soroemake kake se siama madu ni se Livai toutou kale amu Jone kasi, tu kepa vai kuimaeko ko eri, “Bazueṉela, lala ṉa inio ko ṉo?”

Jone 4:3

Nio Jisu o viqe keru soama bazu inio vota o vaekake ko Jiudia rana ni ota vaitake Qalili rana.

Jone 4:54

Ko ikio koa omuqama aqasiele ama iruruputo vo Jisu o erekema Jiudia ranʼazo o kuevi keru Qalili rana.

Jone 6:1

Ni koko tova inio Jisu ni voko disaipeli madu ta ke pakekake ko Qalili toupa vaka kale ko Taibiriasi kekai nokaekema.

Jone 7:11

Ni se Jiu ama tanatanamu ko kerukeru kale ta vo Jisu ta ota kilou kikelake so sole seta ke vailivake vo ṉojola kale, “Lai nio vo vo?” kikelake.

Jone 7:13

Melai puliala ta ovai pesipesitake vo ubutiania keta ma ṉake se Jiu ama tanatanamu sole.

Jone 7:19

Mosese ta o katimele me vo Baṉara ko Bazu, ma pui opa katimele? Melai puliala kala pado me azo ta o zorika koa Bazu. Sole noi sole inio meta meqa zaria vouvaelo aṉa?” kiolake.

Jone 7:25

Sai nio kake se Jerusalema amu ta eri kikelake, “Pui nei nio voa maba vo sea tanatanamu ke vouvaevo va kikelani, kio?

Jone 7:35

Nio se Jiu ama tanatanamu ta eri kikelake ke ṉavio kude, “Lai nio vo o ziovoa koi inio animeta pui meba roveovo avo velo vo? Ota ziovou nio se Quriki amu ko matu peuru kale sai Jiu amu ke evakoi, tu opa nianiiekimo se Quriki ama maba poso kio?

Jone 8:37

Aṉata a melai nianiia meta vo Ebarahami ko vikuvikula mela inio kio, melai meta mebe la abamata tu me vouvaelo aṉa, ako meta pui meba ṉeamukou aṉako nianiiekato sole.

Jone 8:40

Kiadama quli ko aṉa a melai bazuekako ta koa tuveano lula aṉa a viqako vo Baṉara kasi azo, melai meta mebe la abamata aṉa tu me vouvaelo kimela. Ebarahami ta pui opa ka zariovi koa kalo!

Iruruputo 10:38

Meta meqai nianiia vo Baṉara ko vai raibiko vo Tabu ala Auvana ko pizato vo Nazareti ala Jisu Karisito tona. Vota o keve kiadama zae poso kale, ni vota o ereke uri ama iruruputo, ni o urikime kiadamu se Setani ko pizato kale ke eveni, ako vo Baṉara ta o eve vo sate sole.