Jone 6:2 - BAṈARA KO VAIRU AMA LEVELEVEO

² Ni matuma vaki ta ko luluevake vo, ako seta lula ke keve voko aqasiele ama iruruputo se vere amu ko urikimo sole.

Jone 6:2 Σταυροειδείς Αναφορές

Matiu 12:15

Ni vo Jisu ta okai nianiiake seko korokorotato, so sole vota ota vatutake koa zaekale azo, ni matu kubo vaki ta ke luluevake vo. Ni vota o urikimake muli sea vere ama maba poso.

Matiu 13:2

Ni matuma vaki ta ko aramuvake vo, so sole vota ota zazuke vaka topi ni ota papuake sai ni koa matuma vaki ta ke lojoake keta kale.

Matiu 14:14

So keru se maba poso ke viqa keru voko bazu, seta ke vaekake seko peuru poso ni ke luluevake vo ketaino kale. Sole vo Jisu ta o saqorake vaka topi azo, ni vota o meake sea matuma vaki, ni vota o matu roquemake se, ni vota o urikimake se vere amu.

Matiu 8:1

Nio vo Jisu ta o saqorake sopu kale azo ni matuma vaki ta ko luluevake vo.

Maka 1:45

Melai so keru voa maba o vaita keru, vota o taniekake kai bazubazuto koa kiadama zae poso kale. Ni Sokale avo inio Jisu ta pui o roveake talio maba ko vilu kasa koa peuru poso kale. Melai vota o evake koa peuru poso ko kupekupe, sai maba poso pui ke evakoi, melai sai melai sea maba poso ta kebe vai olaolaitake seke kuevani azaazama peuru poso kale azo.

Maka 6:33

Melai matu kubo maba madu ta ke meake seko zolailo, ni kemai nianiiake se. So sole seta ke vaekake seko peuru poso ni keta rereake ketainole koa olomoiza kama zaekale, ni se inio kuleto keta baroake koa zaekale puliako Jisu ni voko disaipeli madu barolo.

Jone 11:47

So sole se Parese madu ni se raura kama siama poso ta ke padoivake se Jiu ama lotu tanatanamu ko Kauniseli madu sase seko padoilo kale nio eri kikelake, “Loma ikio animeta me erekou? Keatini nea maba ta o ereka kiadama aqasiele ama iruruputo sole!

Jone 12:18

Sokale avo inio koa matuma vaki ta ko toraevake vo, ako seta lula ke viqake ta vota lula o erekake koa aqasiele ama saevizato ko iruruputo sole.

Jone 12:37

Vota obe erekake kiadama koa aqasiele ama iruruputo poso seko vilu kasa melai seta pui ke tuvevo puevake vo,

Jone 2:11

Jisu ta o erekake koa kuleto ama voko aqasiele ama iruruputo Kena peuru kale sai Qalili, ni koa kalo kale vota uria kasa o ikake voko ṉaṉaidara, ni voko disaipeli poso ta ke tuvevo puevake vo.

Jone 2:23

Ni vo o eve keru Jerusalema Alokato ko Ṉojola kale, inio kubo madu ta ke tuvevo puevake vo, so keru seke keve keru vo o erekema aqasiele ama iruruputo poso.

Jone 20:30

Ni Jisu ta o ereke mata matu kubo aqasiele ama iruruputo poso voko disaipeli poso ko vilu kasa, ko pui aba rikiekema komia buka topi.

Jone 3:2

Ni vota o kuevake Jisu kasi ipu kale nio eri kiolake vokasi, “Eṉeta ṉeṉai nianiia, ṉota kala pado Titisa ṉa ṉo joroini ṉa Baṉara kasi azo. Ako ṉota pui ṉoba roveovou ereko ko aqasiele ama iruruputo ṉoṉo erekako, puliama Baṉara ko pizato salaṉa tea,” kiolake.

Jone 6:14

Sai ke evani maba poso ta ke keake koa aqasiele ama iruruputo vo Jisu o erekako, nio eri kikelake, “Matu tuvevo, nei nio voa Poropita vo o kaseini tu o kilo peuru ma peuru kale!” kikelake.

Jone 6:22

Ni koko raneo kale inio sea matuma vaki toupa kama pake kebeta evani ta ke nianiievake ta voa koaka ta vo tisoikoni sai kazo o vaekaziovini kio. Seta ke veveni lula voa koaka, nio seta ke paqumukake ta Jisu ta pui opa zazula koaka topi voko disaipeli madu sate, melai seta ke tadaovi ke kiada vo pide, kikelake.

Jone 6:26

Nio Jisu ta o mati tiorikake, “Tuvevo avole aṉata a bazuemela me, meta mebe vailivailila aṉa, ako meta me qie ko kubo bereti ni meta meda atape sole, pui meko vakakuke kale koko kalo aṉako aqasiele ama iruruputo.

Jone 6:30

Nio seta eri va kikelake, “Noni ama aqasiele ama iruruputo ikio ṉota ṉo erekou tu eṉeta ṉe qelou ni ṉe duvevo pueṉou ṉo? Loma ikio ṉo ereko ama?