Jone 5:44 - BAṈARA KO VAIRU AMA LEVELEVEO

⁴⁴ Meta meqa zaria rauraekinio me ṉavio kude, melai meta pui me erekani mela ko quli vo tuvevo ala Baṉara okai rauraemelo ama me, nio noni kale inio meta me roveovou tuvevo puelo aṉa?

Jone 5:44 Σταυροειδείς Αναφορές

Matiu 23:5

“Seta ke ereka kiadama quli tu maba poso ta ke melo. Ni ke lupika Tabu ama Riki melai seko kape topi, tu seta raura kamu ke elo maba poso ko vilu kasa. Ni seta kekai aikaivani seko suma ko puzipuzi.

Luke 19:17

Nio vovo lekasa ta eri kiolake, ‘Koe, matu uri ama koidi ṉo ereke, uri ala nabulu ṉa! Ṉota uria ereko ṉo eve ko silo ama quli, so sole aṉata lekasa a iṉou ṉo toni peuru kale.’

Jone 12:43

Ako seta keka zariake maba ko rauraemo ni pui vo Baṉara ko rauraemo sole.

Jone 17:3

Koa noqola kama saevo ko kio ni kalo ta maba poso ko ṉai nianiio ṉo, tuvevo ala Baṉara ṉa, ni seko lai nianiio aṉa Jisu Karisito lala, aṉa ṉoṉo joroeleni lala.

Jone 3:20

Ako kiadama maba poso se boutare ke erekani ta kevai kideipa voa zakaremu ni seta pui kepa kilou voa zakaremu kasi, ako seta pui kasa ke ika seko ruqe ama kalo poso sole.

Jone 5:41

“Aṉata pui nio aqa zaria rauraraurailo maba poso kasi.

Jone 8:43

Noi sole inio meta pui me baqumuka aṉa kialani? Tuvevo avole meta pui me baqumuka ko, ako meta meda lupaova didieko aṉako bazubazu sole.

Romu 2:10

Melai vo Baṉara ta o puarikou ko ṉaṉaidara, raurailo, ni bule se uri ke erekani kasi, Jiu amu kasi kuleto ni so jari se pui Jiu amu kasi.

Romu 2:29

Melai vo tuvevo ala Jiu ta vo Jiu o evani bulo kale inio, ni koa tuvevo ama moveilo sala voko bulo kale ni auvana kale, ni ko ikio vo Baṉara ko Auvana ko erekako, pui Mosese ko Bazu ko erekako. Voa maba soala inio o koa ko raurailo vo Baṉara kasi azo ama, pui maba kasi azo.

Romu 2:7

Seke erekani ko uri ta koa kalo kale inio seta ke zuatika ko ṉaṉaidara, ni raurailo, ni noqola kama saevo, ni se inio vo Baṉara o katimo amu koa noqola kama saevo.

1 Koriniti 4:5

So sole meta pui me ditizatou puliako koko tutututuki ama taku baro. Ko tuvevo ama titizato ta ko ereilou so keru animevo Lekasa o kilou keru. Vo inio zakaremu o iko ala se maba poso ko mutamuta kale ama kerukeru ni vatolo. Ni animea kiada mela ta meqai okotou kovo animeko male ama ilusato Baṉara kasi azo.

2 Koriniti 10:18

Ako vo Baṉara o rauraevani maba inio o zolevani vo Baṉara sole, pui voa maba vo o raurarauraivani o ṉavi inio.

Pilipai 2:3

Ni meta pui me erekou kama quli muino ni aikailo kale, melai meta zarazaraimo ni tama paṉaomo se edolomu saita inio me ṉavi.

1 Tesalonaika 2:6

Eṉeta pui ṉeba kai zariovi tu ṉe ilusio mekasi, ni mata pui ṉeba kai zariovi ilusio edolomu kasi.

1 Timoti 1:17

Me ilusivou ni ṉaṉaidara puevou vo noqola kala ni paito pide ala ni mutamuta kale ala Aikovakova, vo omadeu pado Baṉara latau ṉaniu ni ka ṉaniu! Emeni.

Hiburu 3:12

A lolo poso, meta balauvomo tu puliala me azo ta o ṉeamukou ko ruqe ama bulo ni pui tuvevo puto, koko lilimelo ama me vo tuvevo ala Baṉara kasi azo.

Jemisi 2:1

A lolo poso mela, meta mevai oquani mela vo animevo Lekasa Jisu Karisito, vo ṉaṉaidara kala Baṉara, so sole meta pui tama paṉao kake pala ni mai masapo kake seko kupekupe ama melo ko pitasimo kale.

1 Pita 1:7

Ako komia tapata poso ta ko kasa pueka sole meko oqu ko rurubiatana. Ni komia oqu ko bulebule ta kokai paloasa qolo ko bulebule. Ako qolo ta ko kasa puiva koko bulebule uza kale melai ko qolo ta kota niumailou. Melai meko oqu ko bulebule kale inio vo Baṉara ta o ilusimelou me ni o ṉaṉaidara puemelou ni o rauraemelou so keru Jisu Karisito mata o vaitou keru.

Jiudi 1:25

vo omadeu pado animevo Pakio Baṉara kasi, vo Jisu Karisito animevo Lekasa kale kude, ta ko elou ko ṉaṉaidara, raurailo, lekasa puo, ni naizato, koko tanitanila keru azo ama, ni erisaṉama, ni latau ṉaniu ni ka ṉaniu! Emeni.