Jone 5:16 - BAṈARA KO VAIRU AMA LEVELEVEO

¹⁶ Nio koa iruruputo ko kio kale seta ke taniekake vai kideipo vo Jisu, ako vota o erekake ko urikato Sabati ṉaniu kale sole.

Jone 5:16 Σταυροειδείς Αναφορές

Matiu 12:13

Nio vota eri kiolake vo lepu ama ṉase sala maba kasi, “Ṉota totozika ṉoko ṉase.” Ni vota o totozikake ni voko ṉase ta kota va pizatake kama rana uri ama ṉase jari.

Maka 3:6

Ni koa taku kale inio se Parese madu ta ke vaekake koa ilusato ko pade ni kemai zomanake kake se vo Herodi ko poqala kale amu, ni seta ke erekake kama korokorotato tu ke vouvaevo vo Jisu.

Luke 6:11

Melai sea tanatanamu ta keta matu korakoraivake, ni seta kekai pesipesitake se kevai ereko ama quli vo Jisu.

Jone 1:19

Se Jiu ama tanatanamu Jerusalema peuru kale ke eveni ta ke soroemake kake se siama madu ni se Livai toutou kale amu Jone kasi, tu kepa vai kuimaeko ko eri, “Bazueṉela, lala ṉa inio ko ṉo?”

Jone 10:39

Ni seta mata keva zariake noqoevo vo Jisu voko so kio kale avo, melai seta pui ke roveake.

Jone 15:20

Kerukeruekomo ko lula aṉa a melai bazuekako tuvevo ama quli, ko eri kikolako, ‘Puliala nabulu inio raura kala vovo lekasa kasi azo,’ kikolako. Se lula ke niumaniumaelani aṉa ta me melai ke niumaniumaemelou, se lula ke zorikani aṉako nianiiekato ta seta ke zorikou mata meko.

Jone 5:10

So sole se Jiu ama tanatanamu ta ke keake ko quli ni seta eri kikelake voa maba kasi, “Vairutu ta Sabati ṉaniu sole Mosese ko Bazu ta pui ko zarieṉa tu ṉo boriko ṉoko kobo,” kikelake.

Jone 5:13

Melai voa maba vo o urikeni ta pui ovai nianiiake unei nio vo Jisu kio, ako koa zaekale ta matuma padopadoilo sole, ni Jisu ta ota daipaivake koa vaki ko valuvalu sole.

Jone 5:15

Nio voa maba ta o nianiievake vo Jisu, ni vota o olake bazuemole se Jiu ama tanatanamu, “Vo aṉa o urikilalani ta Jisu inio voko ṉi,” kiolake sekasi.

Jone 5:17

Nio Jisu ta o mati tiorikake se, “Aṉavo Mama ta pui o lalamatani iruruputo, ni aṉa melai soa iruruputo inio a eva,” kiolake.

Jone 5:18

Nio koa pesio kale avo se Jiu ama tanatanamu ta keva matu zariake vouvaevo vo Jisu, pui voko niumaeko kale ko Sabati ko bazu kale ko kiada, melai voko kaseko kale vo Baṉara ta o ṉavivo Mama, ni voko kaseko kale ko vo ni Baṉara ta ijatinia kio kale.

Jone 7:21

Ni vo Jisu ta o tiorizatake, “Omadeu pado aqasiele ama iruruputo ikio lula abe ereka melai mea kiada mela ta meqai vuzeiva.

Jone 7:25

Sai nio kake se Jerusalema amu ta eri kikelake, “Pui nei nio voa maba vo sea tanatanamu ke vouvaevo va kikelani, kio?