Jone 5:14 - BAṈARA KO VAIRU AMA LEVELEVEO

¹⁴ Ni silo pala taku ko tova Jisu ta mata o toraevake voa maba Jelepade ko taqo kale o lipilipitani nio eri kiolake, “Keatini, ṉota ṉoda urika erisaṉa, so sole ṉota pui mata ṉo dova saruekou, ako so ta matuma tapata koṉai barou sole,” kiolake.

Jone 5:14 Σταυροειδείς Αναφορές

Matiu 12:45

Ni so keru koko vaita keru kota ko mati ola mata kama sikeura ziolo se kekai paloasani koko ruqe, ni seta ke ola ni ke eva voa maba tona. Ni koa taku voa maba ko saevo ta matu ruqe kota eva kokai paloasa kuleto ama taku o evevo. So jari pado inio mea ruqe ama maba madu mela komia taku kalea mela. Meko saevo ta ruqe kokai paloasa meko lulama saevo,” kiolake.

Maka 2:5

Nio vo Jisu ta ota mai nianiiake seko oqu, nio vota eri kiolake voa maba pui o roveani vezokato kasi, “Meqora! Noko sarueko poso ta kota ṉa akoiva,” kiolake.

Jone 5:13

Melai voa maba vo o urikeni ta pui ovai nianiiake unei nio vo Jisu kio, ako koa zaekale ta matuma padopadoilo sole, ni Jisu ta ota daipaivake koa vaki ko valuvalu sole.

Jone 5:5

Nio kala maba, vo zouke toni siotolu sabere vere ko voeni, vo melai inevoana obeta evake sai.

Jone 8:11

“Puliala, tanala,” kikolake. Nio Jisu ta o kati tiorikake ko, “Uri, aṉa melai pui aṉai kuirika ṉo, melai ola ni pui mata tova sarueko ṉo elou,” kiolake.

1 Pita 4:3

Ako lula koko paloasako taku kale meta me niumaeke matu kubo taku kutumana kamu ke erekako kalo kale. Meta meqai ṉamuke ko taku ko pauvezato, ni tupu kale ama viluloqu, ni kiada keru me japosapoita ko piza kama ju. Ni meta me ereke ko olavo ama ni ruqeruqe ama kalo ni me ilusike ko beku meko kuvaruvaru ama kalo kale.