Jone 4:38 - BAṈARA KO VAIRU AMA LEVELEVEO

³⁸ Aṉata a joroemele me kajorikole jari ko papapapa ko epa kiaro kale, sai me pui meba iruruputekoi, melai kake edolomu ke iruruputekoi, ni meta me badoeke seko iruruputo kale ama epa,” kiolake vo Jisu.

Jone 4:38 Σταυροειδείς Αναφορές

Matiu 4:23

Nio vo Jisu ta okai taliake kiadama zae poso Qalili rana ni vota o mati nianiiekikake se maba poso seko ilusato ko pade kale, ni okai bazubazutake ko Uri ama Bazu vo Baṉara ko lekasa puo ko, ni o urikimake se maba poso kiadama azaazama vere poso samu.

Jone 1:7

vo o kuevini ni omai bazueveni voa zakaremu ko kalo se maba poso. Vota o kuevi mai bazuevole se, tu sea kiadamu ta ke viqo koa bazu ni ke tuvevo puevo.

Jone 17:18

Aṉata lula a joroema se bazuemole komia peuru ma peuru ko maba poso, omadeuvo ṉoṉo ilenia soroelo jari komia peuru ma peuru kale.

Jone 4:37

Sole koa bazubazu kikolani ta tuvevo avo ikio, ‘Kala maba ta o papatani, ni edolola maba inio o kajorani,’ kikolako.

Jone 4:39

Ni matu kubo Sameriama maba madu koa peuru kale amu ta tuvevo ke ivake vo Jisu, koa rekoreko kokai bazutema kale, eri ka kikovema, “Vota olai bazuekala kiadama quli aṉa a erekema quli,” kio.

Iruruputo 2:41

Ni kubo madu ta ke tuvevo puekake voko bazubazu ni seta bapitaiso ke evake, ni zouke vuro maba madu ta ke amaqeake seke tuvevo puteni ko poqala kale koa ṉaniu kale.

Iruruputo 4:32

Nio sea kiadamu seke tuvevo puteni ta omadeu vatolo ni kerukeru ke evake seko bulo poso kale. Ni puliala se azo ta oka zariake kai kiadailo voko lomaloma melai seta kekai tauvekiniake kiadama seko quli.

Iruruputo 4:4

Melai kubo madu seke viqeni koa bazubazu ta ke tuvevo putake, ti seko ataataiti seke tuvevo puteni ko ta kokai baroi sike vuro madu.

Iruruputo 5:14

Ni matu ti matu kubo madu ta ke tuvevo puevake vo Lekasa Jisu ti ke amaqeake koa poqala kale—kubo lasive poso ni rekoreko melai.

Iruruputo 6:7

Nio vo Baṉara ko bazubazu ta kobeta olake pailailo. Ni seke tuvevo putani ko ataataiti Jerusalema ke eveni ta matu kubo kota evake, ni matu kubo siama madu ta ke tuvevo putake koa taku.

2 Koriniti 10:15

So sole eṉeta pui ṉeba kai rauraraurailou edolomu ko iruruputo vo Baṉara pui opa ṉelati soroekema eṉe. Melai eṉeko zario ta meta me rapukou meko oqu kale ni eṉeta ṉe roveovou ereko mata kubo iruruputo mekasi.