Jone 4:23 - BAṈARA KO VAIRU AMA LEVELEVEO

²³ Melai ko taku ta kobeta kueva, ni kota lula kota barola, se tuvetuve ama ilusato ko maba poso ta ke ilusivou vo Mama seko auvana kale ni tuveano kale. Se inio sea ilusato ko maba poso vo Mama oma zariani tu ke ilusivo vo.

Jone 4:23 Σταυροειδείς Αναφορές

Jone 1:17

Vo Baṉara ko lulama bazu ta ko katiziovi Mosese kale kude, melai roquano ni tuveano ta ko katiziake Jisu Karisito kale kude.

Jone 12:23

Nio Jisu ta o tiorizatake ni eri kiolake, “Erisaṉa ta kota baroa ko taku aṉa maba a eveni lala ko tu aṉata a qovo ko raura kama ṉaṉaidara.

Jone 16:2

Ako seta ke butuemelou me seko ilusato ko pade poso kale azo, ni ko ikio koa taku so keru mata se maba poso ke vouvaemelou keru me, ni seko kerukeru ta seko vouvaemelo me kale inio seta keva nabuluputa vo Baṉara kikevou.

Jone 16:32

Melai a bazuemela me ko eri: taku ta kobeta kueva, ni kota matu sipole erisaṉa, so keru mea kiada mela aza birebire me elou keru ni me joqoilou keru me ṉaviṉavi ko peuru kale, ni aṉata ojolou ada elou a qiada pado. Melai pui maba ojolou aba elou, ako a Mama ta o eva aṉa sase sole.

Jone 4:21

Nio Jisu ta o kati tiorikake ko, “Ṉoiza, ṉota tuvevo ila aṉa, ko taku ta kobeta kueva so keru se maba madu ta pui kepa ilusivou vo Mama komia sopu kale ni so jari Jerusalema.

Jone 5:25

Tuvevo avole aṉata a bazuemela me, taku ta kobeta kueva ni kota lula kota baroa so keru se voumu keta la viqou keru aṉa Baṉara vo Meqora lala ko kora, ni seke viqo amu koa kora ta ke saevou.

Jone 5:28

Meta pui aqasiele kai elo komi, ako ko taku ta kobeta kueva so keru se voumu niami kale ke evani ta keta la viqou aṉako kora kio,

Romu 1:9

Aṉata ava nabuluputa vo Baṉara aṉako pado ama bulo sate kai bazubazuto kale vo Baṉara vo Meqora ko Uri ama Bazu. Ni vo Baṉara ta o rovea zomano aṉa a qasekako quli kale. Vota okai nianiia aṉako kerukeruemelo me

Romu 8:15

Ako koa Auvana vo Baṉara lula o puarikema mekasi ta pui ṉalo ko mabaku ko imela, melai kota o ṉavi Baṉara ko meqora poso ko imela me, ni koa Auvana ko pizato kale inio animeta mevai zaivota vo Baṉara ni eri kimela, “Mama, a Mama!” kimela.

Romu 8:26

Koa omadeuma keve kale inio vo Tabu ala Auvana ta o tauvemela anime animeko lekuleku kale. Ako animeta pui meqai nianiiani mela ko vararaito ko kalo sole; melai o ṉavi Tabu ala Auvana ta o melati zomana vararaito vo Baṉara kasi koa voniu kozato ko anime pui me buratikako kale.

Qelesia 4:6

Ni meta vo Baṉara ko meqora poso mela. Sokale avo inio vo Baṉara ta o soroeke vovo Meqora ko Auvana animeko bulo poso kale. Ni voa Tabu ala Auvana kale inio meta eri kimela meko bulo ko vualavuala kale, “Mama, aṉavo Mama ṉa!” kimela.

Epesasi 6:18

Ni meta matu vararaitomo Tabu ala Auvana kale kiada keru, tu pasekomo vo Baṉara ko tauvezato. Ni kokale inio meta inaina kamela me elou kiada keru. Ni pui me epezou vararaito melai meta me mati vararaitou kiadama vo Baṉara ko maba madu.

Pilipai 3:3

Ako anime inio tuvevo avole vo Baṉara ko mela anime me ilusivani mela vo Baṉara voko Auvana kale ni anime meqai rauraivani mela animeko omadeu vati elo vo Jisu Karisito, ni pui me qerukeruekani mela ta Baṉara ta sidopu mela kiola animeko tupu kale ama saevo kale avo.

1 Pita 2:9

Melai me inio voko pitopito ama qoqono mela, ni voko siama madu mela meva nabuluputani mela vo Aikovakova Baṉara, voko tabu ama maba poso mela, ni o ṉaviko jiku mela. Ni me inio vo Baṉara o pitoemeleni mela tu meqai bazutou koa aqasiele ama quli vo o mela erekema. Ako vota o nokaemele sole me kutumana kale azo o ṉaviko aqasiele ama zakaremu kale sole.