Jone 4:14 - BAṈARA KO VAIRU AMA LEVELEVEO

¹⁴ melai vo o nozueko ala koa ju ko aṉa a qativo ama vo ta ko koilou vuolovuolo jari vo tona kiada keru ni ko kativou ko noqola kama saevo,” kiolake.

Jone 4:14 Σταυροειδείς Αναφορές

Matiu 25:46

Nio soama ruqe ama maba poso inio ke kovo amu ko noqola kama tolailo, melai se sidopu amu ta ke ziovou noqola kama saevo kale,” kiolake vo Jisu.

Matiu 5:6

“Keta zoleiva tisoiko se kekai matu zariani ereko vo Baṉara okai zariako quli, ako vo Baṉara ta o tauvemou se matuvole sole.

Jone 10:10

Vo kuilokuilo ala maba ta o kueva tu kuilole, vouvatole, ni niumaniumatole. Melai aṉata a queva tu seta ke kovou ko saevo, koa pado ama saevo, uri ama quli kokai sukatako.

Jone 11:26

ni vo o saevani ni o tuvevo puelani aṉa ta pui opa vouvou. Ṉota ṉo duvevo pueka komi, kio?” kiolake.

Jone 4:10

Nio Jisu ta o kati tiorikake, “Ṉota ṉoqai nianiia vo Baṉara oka zariako katiṉo ni ṉota ṉo nianiiela aṉa ju aṉai pasekani lala tea, ṉota ṉolai paseko inio aṉa, ni aṉata a qatiṉo inio ko saevo ko ju,” kiolake.

Jone 4:11

Nio koa rekoreko ta eri kikolake, “Koe, tanala, ṉota puliama tobeto ko lomaloma salaṉa tu ṉota ṉo dobekou ko ju, ako soqili ju ta matu saqoroma sole. Ni lai kazo inio ṉo qovou koa saevo ko ju ṉoṉo qasekako?

Jone 4:13

Nio Jisu ta o kati tiorikake ko, “Vo o nozuekani komia soqili ju ta mata kabare ota elou,

Jone 4:36

Voa maba vo o kajorikani ko epa ta lula o tabaria, ni koa epa vo o kajorikake ta maba poso inio, se kekai barolo amu ko noqola kama saevo. So sole vo papato ko maba ni vo kajoro ko maba ta omadeu zoleilo qo elou.

Jone 6:27

Meta pui ka iruruputo koko sapeovo ama sailao melai ka iruruputomo koa sailao koko melati barolo ama noqola kama saevo kale. Koa sailao ikio aṉa maba a eveni lala a qatimelo ama me, ako aṉa inio vo Baṉara voa Mama aṉa lula ola zoleini lala,” kiolake.

Jone 6:35

Nio Jisu ta eri kiolake sekasi, “Aṉata saevo ko bereti lala, sole vo o kilo ala aṉa kasi ta pui opa luapou, ni vo o tuvevo puelo ala aṉa ta pui opa rokauvou.

Jone 6:58

Aṉa inio voa bereti aṉa tuvevo avole a jaqoreni lala aukale azo, pui se meko taite poso kepa kiema bereti jaria lala. Ako seta ke kie ni pui noqola saevo kepa eve, melai vo o kuovo ala komia saevo ko bereti ta noqola saevo o elou,” kiolake.

Jone 7:37

Koa Kokukoku Ṉojola ko tovatovama ṉaniu ta matuma ṉaniu. Ni koa ṉaniu kale inio Jisu ta o lojoake ubutiania nio eri kiolake matuma kora kale “Vo o rokauvani ta o kilo aṉa kasi ju nozuekole.

Romu 5:21

So sole omadeuvo ko sarueko ta ko lekasa pui voukale, so jari nio mata vo Baṉara ko pakiezato sama roquano ta ko lekasa pua voko sidopu ko puariko kale, koa roquano koko odiemelako anime noqola kama saevo kale animevo Lekasa Jisu Karisito kale.

Romu 6:23

Ako ko sarueko ko reketekete ta vou; melai vo Baṉara ko tatabara pide ama katizato ta noqola kama saevo tu animeta omadeu me elou vo Jisu Karisito sase vo animevo Lekasa.

2 Koriniti 1:22

vo lula o mamola puemelani anime ta animeta voko mela, ni vo o katimelani anime voko Tabu ama Auvana animeko bulo kale tu kota omadeuvo koko mamola jari ko elo tu ko melai kerukerueko kiadama mauruto vo tova o katimelo ama anime.

Epesasi 4:30

Ni meta pui duki me ivou vo Tabu ala Auvana, ako vo inio vo Baṉara vo mamola me o melai ṉeamukani sole. Ni vo Baṉara ta o katimele me voa Auvana tu kasa o ikou ta vo Baṉara ta o rupasimelou me komi ko kuevako taku kale.

1 Pita 1:22

Meta lula bulebule me evani mela vo Baṉara ko tuveano ko zoriko kale, tu me roquemou meko lolo poso lipalipa pide ama roquano kale. So sole roquekiniomo muli tuvevo avole meko bulo kale.

1 Jone 5:20

Ni animeta meqai nianiia ta vo Baṉara vo Meqora nio o kuevini ni o katimeleni ko bokao tu animeta me mamuro, sole animeta mevai nianiia vo tuvevo ala Baṉara. Nio erisaṉa animeko saevo ta Baṉara tona ni o Meqora Jisu Karisito tona. Ni vo Jisu inio tuvevo ala Baṉara, ni vo inio o katimelani ko noqola kama saevo.

Kelokelozato 7:16

Seta pui mata kepa luapou ni kepa rokauvou, vo ṉaniu ko vualavuala ta pui kopa tolaemou se,

Kelokelozato 7:17

ako voa Sipi Meqora, vo obeta papuani tianiama papupapu topi, ta sevo vailo ko maba oma elou, ni vota o odiemou se noqola kama saevo ko katimako ju sama orori kasi. Ni vo Baṉara ta ota ma zautekou seko vilu kale ama deumu.”