Jone 4:11 - BAṈARA KO VAIRU AMA LEVELEVEO

¹¹ Nio koa rekoreko ta eri kikolake, “Koe, tanala, ṉota puliama tobeto ko lomaloma salaṉa tu ṉota ṉo dobekou ko ju, ako soqili ju ta matu saqoroma sole. Ni lai kazo inio ṉo qovou koa saevo ko ju ṉoṉo qasekako?

Jone 4:11 Σταυροειδείς Αναφορές

Jone 3:4

Nio Nikodimasi ta o vati tiorikake vo, “Sole noni o kalou nio vo qole ala maba ta mata o tova alilou? Tuvevo avole vota pui opa roveovou mata amaqeo voko niania ko siapa kale ni vota o alilou omuqama taku kale!” kiolake.

Jone 4:14

melai vo o nozueko ala koa ju ko aṉa a qativo ama vo ta ko koilou vuolovuolo jari vo tona kiada keru ni ko kativou ko noqola kama saevo,” kiolake.

Jone 7:37

Koa Kokukoku Ṉojola ko tovatovama ṉaniu ta matuma ṉaniu. Ni koa ṉaniu kale inio Jisu ta o lojoake ubutiania nio eri kiolake matuma kora kale “Vo o rokauvani ta o kilo aṉa kasi ju nozuekole.

Iruruputo 10:14

Melai Pita ta eri kiolake, “Koe maba pui, Lekasa! Aṉata maba pui a quako quli kio ko quli ako matu tabu tu kuo sole,” kiolake.

1 Koriniti 2:14

Voa maba vo pui o koani koa Auvana ta pui o rovea kovo koa pizato vo Baṉara ko Auvana kasi azo ko kuevako tu o ereko ko azaazama iruruputo poso. Soala maba ta pui o paqumukani koa azaazama iruruputo maba madu ke erekako koa pizato kale, ni sarube ama ka kiolani ko, ako koa iruruputo ta Auvana kale ko kiada inio ko paqumuivako sole.

Kelokelozato 21:6

Ni vota eri lati kiolake, “Kiadama quli ti kota paita muli! Aṉata kiadama quli ko tanitanila ni koko paitopaito lala. Aṉa inio a daniekani lala ni a baikani lala koa kiadama. Seke rokauvani ta a qatimou ko ju tabara pide ama, ko noqola kama saevo ko katimako orori kale azo ama ju.

Kelokelozato 22:1

Ni vo mateana ta mata ola kasekake aṉa ko noqola kama saevo ko katimako orori ko ju, koko saqorako qelasi jaria simanamana kama Baṉara ni Sipi Meqora ko papupapu kasi azo,

Kelokelozato 22:17

Vo Tabu ala Auvana ni vo Jisu ko reko ta eri kiqola, “Kua, Lekasa Jisu!” Ni uri tu kiadamu ke viqani komi ta mata “Kua, Lekasa Jisu!” kikevou. Kua, ṉoṉo rokauvani ṉa tu pa koa ko noqola kama saevo ko katiṉo ama ju tabara pide ama.

Kelokelozato 7:17

ako voa Sipi Meqora, vo obeta papuani tianiama papupapu topi, ta sevo vailo ko maba oma elou, ni vota o odiemou se noqola kama saevo ko katimako ju sama orori kasi. Ni vo Baṉara ta ota ma zautekou seko vilu kale ama deumu.”