Jone 3:6 - BAṈARA KO VAIRU AMA LEVELEVEO

⁶ Ako tupu kale ama alilo ta tupu ko pala, melai vo Baṉara vo Auvana kale ama alilo ta Auvana ko.

Jone 3:6 Σταυροειδείς Αναφορές

Jone 1:13

Seko Baṉara ko meqora poso elo ta pui dara ni tupu kale ama alilo kale pala, ni pui kala miduku kale ala mama ko alilimo kale, melai vo Baṉara inio sevo Mama.

Jone 3:7

Ṉota pui aqasiele kai elo ko aṉako eri ṉa kio ṉo ‘Ṉota mata tova alile’ ṉa kio.

Romu 7:18

A vakakuka ta ko sidopu ta puliama aṉako tupu kale ama saevo kale. Ako sidopu ko ereko ko vatolo ta kobe elou aṉa tona melai, aṉata pui a roveovou ereko ko.

Romu 7:25

Ilusiva vo Baṉara, vo lula o pakielani aṉa vo animevo Lekasa Jisu Karisito kale! Sole eri nio. A ṉavi a qiada aṉata a zorika vo Baṉara ko bazu kerukeru kale pala, melai aṉako tupu kale ama saevo ta ko zorika ko sarueko ko bazu.

Romu 7:5

Ako puliako anime lilizio sarueko kale azo, inio koa sarueko, ko Mosese ko Bazu ko pizatikema, ta ko irurupute animeko saevo kale, ni animeta me uria ka nabulupute ko vou.

Romu 8:13

Ako meta soa saevo me elou, ta meta meda vouvou. Melai vo Baṉara ko Auvana kale meta me vouvaekou ko sarueko ko iruruputo, ta meta meda saevou.

1 Koriniti 6:17

Melai vo omadeu o evani o ṉavi vo Lekasa Jisu sase ta omadeu auvana o eva vo sase.

2 Koriniti 5:17

So keru kala maba omadeu o vati eva keru vo Karisito inio vota kala pado vairu ala maba o eva; ko tana kama saevo ta kota paloasa, ni vairu ama saevo ta ko besieka.

Qelesia 5:24

Ni anime vo Jisu Karisito ko maba madu mela ta lula me vaekani mela animeko bulo kale ama ruqe ama kerukeru kokai zariako kalo ni saevo, omadeuvo animeta me batoeka jari koa kalo ni saevo korosi topi.

Epesasi 2:3

Melai koko paloasako taku kale animea kiada mela ta se kekai saevako saevo jaria saevo me eve. Ni animeko elo kale animeta meqai zariovi zoleko animeko saevo boutare kale, ni animeta me lulueke animeko tupu ni kerukeru kokai zariako quli. Ni animeta meda tolailo nio vo Baṉara ko korakorailo kale me ṉaviko kalo kale sole, omadeuvo sea ruqe ama maba poso jari.

Kolosi 2:11

Meko omadeu vati elo kale vo ta meta lula me qoa meko auvana kale ama mamola. Karisito inio lula soa mamola puemelo o eva voko rupasimelo kale me sarueko ko pizato kale azo. Koa mamola ta omadeuvo se Jiu amu ke erekako moveilo ko mamola jari, ko seke erekako seko tupu kale ama, melai koa mamola meko ta pui maba o erekako melai Karisito o erekako ikio.

1 Jone 3:9

Vo Baṉara ko meqora poso lula ke evani ta pui kiada keru ke erekani ko sarueko, ako koa vairu ama saevo vo Baṉara o katimako ta se tona, ni seta lula Baṉara ko meqora poso ke evani sole.