Jone 3:31 - BAṈARA KO VAIRU AMA LEVELEVEO

³¹ Vo o kuevini aukale azo ta raura kala kiadakiadamu azo; melai vo miduku kale ala ta miduku vo pala inio, ni vota o kaseka miduku ko quli pala. Melai vo o kuevini aukale azo ta raura kala kiadama maba poso azo.

Jone 3:31 Σταυροειδείς Αναφορές

Matiu 28:18

Ni Jisu ta sipole o imake se ni eri ma kiolake, “Baṉara ta o katile aṉa ko pizato tu aṉa inio lekasa aqa elou kiadama quli aukale ama ni miduku kale ama.

Jone 1:15

Ni Jone Bapitaiso ta ovai bazutake vo. Ni vota o velavelaoke, ni eri kiolake se maba poso kasi, “Nei nio vo vo, aṉa a melai bazueveni, ‘Vo aṉako tova o kilo ala, vo inio raura kala aṉa kasi azo, ako vota lulavo o eveni aṉa puliako alilo sole,’ ” kiolake.

Jone 1:27

vota obeta kueva aṉako tova, melai aṉata pui a male tu vovo mabaku va elo tu ava rupasiko voko buti ko raitoraito,” kiolake.

Jone 1:30

Nei nio vo vo aṉa a qaseveni so keru aṉa eri kiave keru, ‘Kala maba ta obeta kueva aṉako tova obe luluela, melai vota raura kala aṉa kasi azo, ako vota o eveni lulavo aṉa puliako alilo sole.’

Jone 3:30

Vota raura o elou, melai aṉata zara a elou,” kiolake.

Jone 6:33

Ako koa bereti vo Baṉara o puarikake ta ko kueva aukale azo ni kota ko katima ko saevo peuru ma peuru kale amu,” kiolake.

Jone 6:51

Aṉata noqola kama bereti lala a jaqoreni lala aukale azo. Vo o vuovo ala voa bereti ta noqola saevo o elou. Koa bereti aṉa a qativo ama voa maba ta aṉako marabau kio, ko aṉa a qatimo ama peuru ma peuru kale amu aṉako voukale tu seta ke pakiovou,” kiolake.

Jone 8:23

Ni Jisu ta o mati tiorikake, “Meta koi miduku kalea mela, melai aṉata a quevini lala aukale azo. Meta komia peuru ma peuru kalea mela, melai aṉata pui komia peuru ma peuru kalea lala.

Iruruputo 10:36

Meta meqai nianiia koa bazubazu vo o soroekema se Izireli amu kasi, bule ko kasekema Uri ama Bazu vo Jisu Karisito kale kude ko kuevima, vo kiadamu vo Lekasa.

Romu 9:5

Seta se Hiburu qoqono ko taite poso ko vikuvikula kale amu inio, ni seko vikuvikula kale inio vo Baṉara o soroeveni Pakio ta o puratake. Animeta me ilusivou vo raura kala Baṉara vo o kati vailani kiadama quli latau ṉaniu ni ka ṉaniu. Emeni.

Hiburu 9:1

Kuleto ama leveleveo kale ta ikoana ko ilusato ko bazu poso ni maba ko erekema tepe pade ko bazu sai ke ilusivakoi vo Baṉara.

1 Pita 3:22

ni vota ota koivi aukale ni vota vovo Mama ko palo rana o eva. Ni sai nio vota oma lekasa pua aukale ama mateana madu ni kiadama pizato sama auvana poso.

1 Jone 4:5

Ni sea lipalipa kama poropita madu ta komia peuru ma peuru ko puratimeni inio, ni seke kasekako quli melai komia peuru ma peuru ko quli, so sole komia peuru ma peuru ko ruqe ama maba poso ta ke didiema se.

Kelokelozato 19:16

Voko rosia sabosabo ni kiti topi ta ko rikiziovi koa ṉi: “Piza kala Aikovakova kiadama aikovakova madu azo ni Piza kala Lekasa kiadama lekasa poso azo,” ikio koa ṉi.