Jone 3:2 - BAṈARA KO VAIRU AMA LEVELEVEO

² Ni vota o kuevake Jisu kasi ipu kale nio eri kiolake vokasi, “Eṉeta ṉeṉai nianiia, ṉota kala pado Titisa ṉa ṉo joroini ṉa Baṉara kasi azo. Ako ṉota pui ṉoba roveovou ereko ko aqasiele ama iruruputo ṉoṉo erekako, puliama Baṉara ko pizato salaṉa tea,” kiolake.

Jone 3:2 Σταυροειδείς Αναφορές

Matiu 22:16

Nio seta ke soroemake Jisu kasi ke ṉaviko maba madu, ni kake Herodi ko poqala zuvarato ko maba madu, ni eri kikelake, “Tanala, eṉeta ṉeṉai nianiia ta ṉota sidopua laṉa ni ṉota ṉo mati nianiiekikani ṉa maba madu Baṉara ko tuvevo ama kalo, ni ṉota pui ṉoqai bazutani ṉa ko maba poso ko zolemako quli pala.

Matiu 23:7

Ni seta keka zariani tu maba poso ta ke rauraemo se tatabarao ko zaekale ni kemai nokaekou se seko tanamu ni titisa.

Matiu 23:8

“Melai meta pui meqa zariovo tu maba poso ta ke mela nokaekou me titisa ni tanamu. Ako meta omadeu tamania mela sole ni omadeu pado inio mevo Titisa ni Tanala sole.

Maka 12:14

Nio seta eri kikelake, “Tanala, eṉeta ṉeṉai nianiia ta ṉota sidopua laṉa ni ṉota ṉo mati nianiiekikani ṉa maba madu Baṉara ko tuvevo ama kalo, ni ṉota pui ṉoqai bazutani ṉa ko maba poso ko zolemako quli pala. Sole ṉota ṉela bazueka ṉoko kerukeru. Uri kio ko animea Jiu mu mela ta me dabariko ko takisi Romu ala Matu Lekasa kasi, ma pui? Noni kikola animeko Bazu?” kikelake.

Jone 1:38

Ni Jisu ta o lilitake ni o keake nioqata qope luluevake, nio o kuimaekake, “Loma ikio qeqe vailika?” kiolake. Nio nioqata qo vati tiorikake, “Titisa, lai nio ṉoṉo evakoi?” kiqolake.

Jone 10:38

tu meko kelo kale koa iruruputo meta me uria paqumukou vo Mama ta aṉa tonala, ni aṉa melai vo Mama tona lala kio,” kiolake.

Jone 12:37

Vota obe erekake kiadama koa aqasiele ama iruruputo poso seko vilu kasa melai seta pui ke tuvevo puevake vo,

Jone 14:10

Ṉota pui tuvevo ṉo ika kio, Pilipi, ko aṉata a Mama tona lala ni vo Mama ta aṉa tona, kio? Ako koa bazubazu ko aṉa lula a melai bazuekako ta pui a qaseka a ṉaviko pizato kale, melai vo Mama vo obeta evani aṉa tona, vo inio ovai bazutani ko ni o erekani o ṉaviko iruruputo aṉa kale kude.

Jone 15:24

Aṉata pui aba ereke koa iruruputo sekasi ko puliala maba opa roveovima ereko tea, puliama ikio seko sarueko. Melai seta lula ke kea aṉa a erekako quli melai inio seta ke qelai kideipa aṉa ni a Mama.

Jone 2:11

Jisu ta o erekake koa kuleto ama voko aqasiele ama iruruputo Kena peuru kale sai Qalili, ni koa kalo kale vota uria kasa o ikake voko ṉaṉaidara, ni voko disaipeli poso ta ke tuvevo puevake vo.

Jone 20:16

Nio vo Jisu ta eri kiolake, “Mere!” kiolake. Ni kota taukavole ko lilitake vokasi, ni eri kikolake, “Raboni!” kikolake Hiburu pesio kale, se Jiu amu ko pesio. Koko kalo ta “Nianiiekato ko maba,” kio kio ko so.

Jone 3:26

Ni seta ke olake Jone kasi ni eri kikelake, “Titisa, ṉota ṉobe kerukerueva voa maba vo ṉo sase o evani Jodani sukuru koa pake, vo ṉoṉo qaseveni, kio? Vota ota bapitaiso puta, ni kiadama maba madu ta kevai ola vo sai!” kikelake.

Jone 4:31

So maqa inio se disaipeli madu ta kevai titiake vo Jisu, “Titisa, keazate ko sailao!” kikelake.

Jone 5:36

Melai aṉata mata kama pado quli salala ko kolai bazubazutake aṉa, ko kokai paloasako vo Jone ota lai bazubazutema aṉa, ko ikio koa iruruputo poso aṉa a erekako. Ko ikio koa iruruputo poso aṉavo Mama o katilema tu aṉata a ereko, ni ko ikio mata ko tuvevo puela aṉa tu ko puratiko vo Mama inio o soroeleni kio.

Jone 6:2

Ni matuma vaki ta ko luluevake vo, ako seta lula ke keve voko aqasiele ama iruruputo se vere amu ko urikimo sole.

Jone 7:31

Melai kubo madu koa padopadoilo kale amu ta ke tuvevo puevake vo, nio eri kikelake, “Nei tivoine voa Baṉara o soroevani Pakio o kuevini, vo puliala ota vai paloasani vo o erekako aqasiele ama iruruputo,” kikelake.

Jone 9:16

Ni kake Parese madu ta eri kikelake, “Voa maba vo o erekalani ta maba pui o kuevani Baṉara kasi azo, ako vota pui o zorikani ko Sabati ko bazu sole,” kikelake. Melai mata kake ta eri kikelake, “Vo sarueko sala maba ta pui opa roveovou ereko eri ama aqasiele ama iruruputo poso,” kikelake. So sole seta omuqa pitasa keta evake seko kerukeru kale.

Iruruputo 10:38

Meta meqai nianiia vo Baṉara ko vai raibiko vo Tabu ala Auvana ko pizato vo Nazareti ala Jisu Karisito tona. Vota o keve kiadama zae poso kale, ni vota o ereke uri ama iruruputo, ni o urikime kiadamu se Setani ko pizato kale ke eveni, ako vo Baṉara ta o eve vo sate sole.

Iruruputo 2:22

“Me Izireli amu mela, meta viqomo komia bazu! Vo Baṉara ko vai zoleilo ni kativo voko iruruputo Nazareti ala Jisu ta ko uria purata mekasi kiadama aqasiele ama urikato ni aqasiele ama iruruputo kale vo Baṉara o erekema vokale. Me ṉavi meta meqai nianiiani mela ko quli, ako kota kota erei koi mekasi sole.

Pilipai 1:14

Ni aṉako pirito pade kale elo ta kobe pizatima kubo madu seke tuvevo putani seko tuvevo puto kale sole seta pui ke ṉava kai bazubazuto vo Karisito ko Uri ama Bazu.