Jone 3:13 - BAṈARA KO VAIRU AMA LEVELEVEO

¹³ Ako puliala me azo ta opa koivi aukale, melai aṉa maba a eveni lala inio a jaqoreni aukale azo.

Jone 3:13 Σταυροειδείς Αναφορές

Matiu 28:20

ni nianiie-kimomo se tu ke zoriko kiadama quli aṉa a melai bazuekema. Ni aṉata a elou me sase kiada keru, ti kobeta barolou komia peuru ma peuru ko paitopaito ko taku,” kiolake vo Jisu.

Matiu 8:20

Melai Jisu ta o vati tiorikake vo, ni eri kiolake vokasi, “Ko miduku kale ama biaṉa poso ta ikoana koko mamazo ko zae poso, ni ko okale ama biaṉabiaṉa poso ta ikoana koko ere, melai aṉa maba a eveni lala ta puliama zae salala tu a mamazoa koi,” kiolake.

Jone 1:18

Puliala inio lula o veani vo Baṉara. Melai voa pado Meqora, omadeuvo vo Baṉara jari ala ni vo obeta evani vo Mama ko palo rana vasia rana, vo inio ovai nianiiani ni o mela kaseveni vo Baṉara.

Jone 13:3

Nio Jisu ta lula o paqumukake ta vovo Mama ta lula o kativa vo ko pizato tu o ereko kiadakiadama quli, ni vota o kuevi Baṉara kasi azo ni vota mata ota tova vaitou Baṉara kasi kio.

Jone 17:5

Erisaṉa Mama, ṉota ṉaṉaidara ila ṉoko tanama kale, koa omadeuma ṉaṉaidara kale aṉako ko evema ṉo sase puliako peuru ma peuru ereilo.

Jone 3:12

Meta pui tuvevo me ika so keru aṉa a melai bazueka keru komia peuru ma peuru kale ama quli, nio noni kale inio tuvevo me ikou so keru aṉa a melai bazuekou keru ko aukale ama quli?

Jone 3:31

Vo o kuevini aukale azo ta raura kala kiadakiadamu azo; melai vo miduku kale ala ta miduku vo pala inio, ni vota o kaseka miduku ko quli pala. Melai vo o kuevini aukale azo ta raura kala kiadama maba poso azo.

Jone 6:33

Ako koa bereti vo Baṉara o puarikake ta ko kueva aukale azo ni kota ko katima ko saevo peuru ma peuru kale amu,” kiolake.

Jone 6:38

ako aṉata a jaqore aukale azo tu a ereko vo aṉa o soroeleni ko vatolo.

Jone 6:42

Sai nio seta eri kikelake, “Pui nea maba inio vo Jisu, vo Josepa vo meqora? Vo eṉe ṉeda vai nianiiani voko mama ni niania kidi. Noi sole inio vota so kiola, vota o saqoreni aukale azo?” kikelake.

Jone 6:46

Puliala inio lula opa veveni vo Mama; melai aṉa a quevini lala Baṉara kasi azo, aṉa inio lula a veveni lala vo Mama.

Jone 6:51

Aṉata noqola kama bereti lala a jaqoreni lala aukale azo. Vo o vuovo ala voa bereti ta noqola saevo o elou. Koa bereti aṉa a qativo ama voa maba ta aṉako marabau kio, ko aṉa a qatimo ama peuru ma peuru kale amu aṉako voukale tu seta ke pakiovou,” kiolake.

Jone 6:62

Sole noi nio meme dova lelou keru aṉa maba a eveni lala ko tova koilo aukale sai aṉa a quevikoi kazo!

Jone 8:42

Nio Jisu ta eri kiolake sekasi, “Tuvevo avole Baṉara inio mevo mama tea, meta me roquelo inio aṉa, ako aṉata a quevi Baṉara kasi azo, ni erisaṉa aṉata koi. Aṉata pui aba kuevi a ṉaviko vatolo kale, melai vo inio o soroeleni aṉa.

Iruruputo 2:34

Ako Devita ta pui opa koivini nio aukale, melai vota o rukueke ko eri kio, ‘Vo Baṉara ta eri kiolake aṉavo Lekasa kasi: Papi koi aṉako palo rana vasi

Iruruputo 20:28

So sole meta kati vailomo meko saevo ni kati vailomo kiadama koa lotu qoqono vo Tabu ala Auvana lula o vaekako meko vailo kale. Omadeuvo vo sipi o kati vailani maba ta o kati vaila voko rovaṉa jari meta kati vailomo vo Baṉara ko lotu qoqono ko lula o ṉaviko o ikema vovo Meqora siqasiqa ma elo kale voko voukale.

Romu 10:6

Melai ko Tabu ama Riki ko kasekako oqu kale sidopu elo vo Baṉara ko kelokelozato kale ama ta eri nio: “Ṉota pui kuimailo ṉo ṉaviko kerukeru kale tu eri kio, lala inio o ziovo ala aukale?” — kota, tu vo Karisito ko saqorivo ikio.

1 Koriniti 15:47

Ni vo kuleto ala Adami ta miduku kale o erei. Melai omuqala Adami ta o kuevi aukale azo.

Epesasi 1:23

Ni koa lotu qoqono ta vo Karisito ko tupu, so sole ko lotu qoqono ta ko okotiva vo Karisito, ni vo Karisito inio o okotikani kiadama quli kiadama keve kale.