Jone 3:11 - BAṈARA KO VAIRU AMA LEVELEVEO

¹¹ Aṉata tuvevo avole a bazueṉa ṉo, eṉeta ṉe qaseka ko quli eṉe lula ṉeqai nianiiako, ni ṉeqai pesia ko quli eṉe lula ṉe qeako, melai meta pui tuvevo me ika eṉeko bazubazu.

Jone 3:11 Σταυροειδείς Αναφορές

Matiu 11:27

“Aṉavo Mama ta lula o katile aṉa kiadama nianiio ni pizato. Puliala ta olai nianiia aṉa vovo Meqora lala inio kio, melai aṉavo Mama o kiada inio olai nianiia aṉa, ni puliala ta ovai nianiia aṉavo Mama melai aṉa vovo Meqora lala inio avai nianiia vo ni sea poso aṉa vovo Meqora lala a bitoemani tu kasa a ivo vo.

Matiu 23:37

Nio Jisu ta mata eri kiolake, “Me Jerusalema mela! Meta me daima ni me vouvaemani mela se poropita madu se vo Baṉara o soroemani mekasi! Latau taku inio aṉata a mela zaria padoemelo me tu a melati vailo, omadeuvo ko kokorako ta ko padoeka koko meqora poso koko zabu vima jari, melai meta meda lupaova!

Luke 10:22

“Aṉavo Mama ta lula o katile aṉa kiadama nianiio ni pizato. Puliala ta olai nianiia aṉa vovo Meqora lala inio kio, melai aṉavo Mama o kiada inio olai nianiia aṉa, ni puliala ta ovai nianiia aṉavo Mama melai aṉa vovo Meqora lala inio avai nianiia vo ni sea poso aṉa vovo Meqora lala a bitoemani tu kasa a ivo vo,” kiolake.

Jone 1:11

Vota okai kuevi o ṉaviko kunia peuru, melai sea kiadamu o ṉaviko kuniale amu ta pui ke baroekivake vo.

Jone 1:18

Puliala inio lula o veani vo Baṉara. Melai voa pado Meqora, omadeuvo vo Baṉara jari ala ni vo obeta evani vo Mama ko palo rana vasia rana, vo inio ovai nianiiani ni o mela kaseveni vo Baṉara.

Jone 12:49

Ako tuvevo avole aṉata pui a bazubazuta a ṉaviko pizato kale, melai aṉavo Mama vo o soroeleni aṉa ta o bazuele tu aṉata a besio ni a qaseko ko.

Jone 14:24

Vo pui o roquelani maba ta pui o zorikani aṉako nianiiekato. Ni koa nianiiekato ko me lula meme viqema ta pui aṉako ko kiada pala, melai kota ko kuevako a Mama kasi azo, vo o soroeleni aṉa.

Jone 3:12

Meta pui tuvevo me ika so keru aṉa a melai bazueka keru komia peuru ma peuru kale ama quli, nio noni kale inio tuvevo me ikou so keru aṉa a melai bazuekou keru ko aukale ama quli?

Jone 3:13

Ako puliala me azo ta opa koivi aukale, melai aṉa maba a eveni lala inio a jaqoreni aukale azo.

Jone 3:3

Nio Jisu ta o vati tiorikake vo, “Tuvevo avole aṉata a bazueṉa ṉo, puliala maba ta opa roveovou kelo vo Baṉara ko lekasa puo puliako vo mata tova alilo,” kiolake.

Jone 3:5

Nio Jisu ta o vati tiorikake vo, “Tuvevo avole aṉata a bazueṉa ṉo, puliala kala pado maba ta opa roveovou kai amaqeo vo Baṉara ko lekasa puo vo pui nio o alilani ju ni Baṉara vo Auvana kale.

Jone 5:43

Aṉata a quevi a Mama ko vatolo kale, melai meta pui me baroekila aṉa, melai kala maba vo o kilo ala o ṉaviko vatolo kale ta me baroekivou vo.

Jone 7:16

Nio vo Jisu ta o mati tiorikake se, “Aṉako nianiiekato ta pui aṉa kasi azo ama ikio, melai kota ko kuevako vo Baṉara kasi azo, vo o soroeleni aṉa.

Jone 8:14

Ni Jisu ta o mati tiorikake, “Abe bazuilou a ṉavi melai, aṉa kialani ta tuvetuve avo, ako aṉata aqai nianiia sai aṉa a quevikoi kazo ni aqai nianiia sai aṉa a ziovoa koi sole. Meta pui meqai nianiia sai aṉa a quevikoi kazo ni pui meqai nianiia sai aṉa a ziovoa koi.

Jone 8:26

Kubo quli kio aṉata a melai kuirikou me ko sarueko kale avo. Melai vo o soroeleni aṉa ta kerula kala, ni aṉata ama kaseka se peuru ma peuru kale ama maba poso ko quli aṉa a viqema vokasi,” kiolake.

Jone 8:38

Aṉata a qaseka ko quli a Mama ola kasekema quli, melai meta mebeta erekala vo mevo mama melati kiovevo,” kiolake.

Iruruputo 22:18

ko aṉa avai kevema vo Lekasa so keru eri kiove keru aṉa kasi, ‘Taukavo vaeka ko Jerusalema, ako koi zama maba poso ta pui kepa ka zariovou ṉeamuko ṉoko lai bazubazuto aṉa sekasi sole,’ kiolake.

2 Koriniti 4:4

Seta pui ke tuvevo puta, ako seko kerukeru ta lula kutumana ota ma ika komia peuru ma peuru vo ruqe ala baṉara Setani sole. Vota ota ma tizaeka seko kelo koa zakaremu koko taloako se tona, koa zakaremu koko kuevako Jisu ko Uri ama Bazu kale azo, vo Karisito ṉaṉaidara sama, vo maba bea Baṉara.

Kelokelozato 1:5

ni vo Jisu Karisito kasi azo ama, vo kerula kala bazubazuto ko maba, ni kaka kala Meqora vo kuleto o saeveni voukale azo, vo peuru ma peuru kale ama aikovakova poso azo raura kala. Vota o roquemela anime, ni voko voukale vota lula o rupasimela anime animeko sarueko kale azo

Kelokelozato 3:14

“Ṉota eria rikito eve sai Leodisia lotu qoqono ko mateana kasi: Eri nio koa bazu vo Emeni kasi azo ko kuevako, vo kerula kala ni tuvevo ala bazubazuto ko maba, ni koko raki ota ka evani kiadama quli vo Baṉara o erekema.