Jone 2:18 - BAṈARA KO VAIRU AMA LEVELEVEO

¹⁸ Nio se Jiu ama tanatanamu ta pui kekai zoleike koa iruruputo vo o erekako, ni kevai liliziake nio ke kuimaevake vo, “Nonia aqasiele ama iruruputo ikio ṉo erekou inio eṉeta ṉeqai nianiiovou vo Baṉara ko kai zoleilo ṉoko butuemo nia maba poso?” kikelake.

Jone 2:18 Σταυροειδείς Αναφορές

Matiu 21:23

Ni Jisu ta mata ota vaitake Jelepade kale ni vota o nianiiekimake se maba poso. Sai nio se raura kama siama madu ni se lotu tanamu ta ke olake ni ke kuimaevake vo Jisu, ni eri kikelake, “Lala inio o zarieṉa inio ṉota ṉo ereka komi quli, ni lala inio o katiṉa ṉo koa pizato?” kikelake.

Maka 8:11

Ni kake Parese madu ta ke olake Jisu kasi ni kekai zariake madoevo vo, tu keta va kelo kama saruilo. So sole seta ke soroevake vo tu oma ereko kama aqasiele ama iruruputo, tu seta tuvevo ke iko ta vo Baṉara ta ovai zoleiva vo Jisu kio.

Luke 11:29

Ni so keru sea vaki kebe zaitiva keru vo Jisu, inio vota obeta olake bazubazuemo se, ni eri kiolake, “Mea maba poso komia taku kalea mela ta matu ruqea mela, melai meta meqa zaria kelo kama pado aqasiele ama iruruputo! Omadeu pado aqasiele ama iruruputo ko kiada ikio me qelou, koa omadeuma vo poropita Jona kova ereima jari lulavo.

Jone 1:19

Se Jiu ama tanatanamu Jerusalema peuru kale ke eveni ta ke soroemake kake se siama madu ni se Livai toutou kale amu Jone kasi, tu kepa vai kuimaeko ko eri, “Bazueṉela, lala ṉa inio ko ṉo?”

Jone 1:25

Ni seta ke olake ni ke kuimaevake vo Jone, “Ṉota pui vo Baṉara o soroevani Pakio, ma Ilaija, ma kala Poropita ṉa kiṉola, ta noi sole inio ṉota ṉo bapitaiso puta?” kikelake.

Jone 6:30

Nio seta eri va kikelake, “Noni ama aqasiele ama iruruputo ikio ṉota ṉo erekou tu eṉeta ṉe qelou ni ṉe duvevo pueṉou ṉo? Loma ikio ṉo ereko ama?

Iruruputo 4:7

Ni seta ke lojoekake koa omuqa apositolo seko kuleto ni ke kuimaekake nioqa ni eri kikelake, “Nonia ereko inio qe evalavo koa urikato? Loma pizato saqela inio ni lalako ṉi kio qekai iruruputako?” kikelake.

Iruruputo 5:28

“Eṉeta lula ṉe qatimela me matu piza kama bazu tu pui me nianiiekato nea maba Jisu ko ṉikale, melai keatini meta lula me ereka! Meta lula me aerikala meko nianiiekato kiadama Jerusalema peuru ko poro kale, ni meta meqai zaria tu kuiripato saṉa iṉelo voko voukale!” kikelake.