Jone 18:4 - BAṈARA KO VAIRU AMA LEVELEVEO

⁴ Ni Jisu ta lula o paqumukake kiadama quli koko ereilo ama vokasi, so sole vo o kea keru seko kilo vota omai olake ni eri kiolake sekasi, “Lala inio meme vailiva?” kiolake.

Jone 18:4 Σταυροειδείς Αναφορές

Matiu 16:21

Koa taku kale azo inio Jisu ta o taniekake mai uria bazubazueko o disaipeli madu voko talio, ni eri kiolake, “Aṉata a ziovou Jerusalema ni sai nio aṉata ke tolaelou kubo quli kale se lotu tanatanamu ni se raura kama siama madu ni Mosese ko Bazu kekai nianiiekatani. Ni seta ke vouvaelou aṉa, melai zouke ala ṉaniu kale inio aṉata mata a jaevou,” kiolake.

Matiu 26:2

“Meta lula meqai nianiia ta oqotiṉa inio Alokato ko Ṉojola ko matuma ṉaniu. So keru inio aṉa maba a eveni lala ta ke luavilou se aṉako kana madu kasi, ni ke vouvaelou aṉa korosi topi,” kiolake.

Matiu 26:21

Nio koa vuato keru, inio Jisu ta eri kiolake sekasi, “Aṉata a bazuemela me, kala me azo ta o saiqorilou aṉa,” kiolake.

Matiu 26:31

Nio Jisu ta mata eri kiolake sea disaipeli madu kasi, “Oduadu ipu kale mea kiada mela ta meda soqoilou ni ukaka me ilou aṉa, ako ko Tabu ama Riki kikovevo ta eri nio sole, ‘Vo Baṉara ta o vouvaevou vo sipi o kati vailani ni se sipi poso ta keta birebireilou.’

Luke 24:44

Ni vota eri kiolake sekasi, “Komi kio aṉa lula a melai bazuekema quli me so keru aṉa a melati eve keru me. Koa kiadama quli koko rikiziovima aṉa kolai ereivako Mosese ko Bazu kale, ni se poropita madu ko riki kale ni Devita ko kera kale ama ta tuvevo kota elou,” kiolake.

Jone 13:1

Ni so keru ko Alokato ko Ṉojola lea kota barou kio keru, inio koa raisiraisi nio Jisu ta o papuake ni o vuatake voko disaipeli madu sase. Jisu ta lula okai nianiiake ta taku ta lula kota baroa tu vota o vaeko komia peuru ma peuru tu o vaito o Mama kasi aukale ama peuru kale. Koko tanitanila keru azo Jisu ta o roqueme voko pitasa maba madu seke eveni vo sase peuru ma peuru kale, ni erisaṉa vota kasa oma ikake voko roquano ko matu.

Jone 13:11

(Ako Jisu ta lula ovai nianiiake voa maba vo o saiqorivo ala vo, Sokale avo inio vota so kiolake, “Mea kiada mela ta lula bulebule muli, melai omadeu maba me azo ta pui inio bulebule o eva,” kiolake).

Jone 18:5

Nio seta eri kikelake, “Nazareti ala Jisu inio ṉe vailiva,” kikelake. “Aṉa inio vo vo lala,” kiolake. Ni Jiudasi, vo o saiqorivani, ta obeta lojoake seko tiania.

Jone 18:7

Ni Jisu ta mata o kuimaemake se, “Lala inio meme vailivani?” kiolake. “Vo Nazareti ala Jisu inio,” kikelake.

Jone 19:28

Ni koko tova Jisu ta o paqumukake ta erisaṉa ta kota okota kiadama quli, sole eri kiolake, tu ko tuvevo pueko ko Tabu ama Riki kikovevo, “Kabare ada eva,” kiolake.

Jone 6:64

Melai kake mela meta pui me duvevo pueka koa pesio,” kiolake. Ako Jisu ta omai nianiiovi vima sase se pui kepa tuvevo puto amu, ni vo o saiqorivo ala vo.

Iruruputo 2:28

Ṉota ṉola kaseke ko keve saevo kale ko baroako, ni ṉoko zoleilo ta kolai sukatou ṉoko tanama kale,’ kiove.

1 Pita 4:1

Vo Karisito ta o tolai voko tupu kale, so sole me melai pizatomo koa omadeuma kerukeru vo Karisito ko jari ama kale, ako vo lula o tolaivani tupu kale ta pui opa erekou ko sarueko sole.