Jone 18:3 - BAṈARA KO VAIRU AMA LEVELEVEO

³ So sole vo Jiudasi ta o odiekake kama pado Romu ama pazokinio ko vaki nio ke olake koa ore bariki kasi, vo ni Jelepade ke kati vailani, se raura kama siama madu ni Parese madu ke soroemeni. Seta ke vakimuake ni ke borikake ko juke poso ni poru topi ama urusana juke ni pazokinio ko vakovako.

Jone 18:3 Σταυροειδείς Αναφορές

Matiu 25:1

Ni Jisu ta mata eri kiolake sekasi, “Eri nio ko kalo avo so keru aṉa maba a eveni lala a vaitou keru lekasa elole komia miduku kale. Iniseana toni sinaqu rusu seke borikeni seko juke tu kepa toraevo vo obe vairua rorotani maba.

Jone 13:2

Ni Jisu ni voko disaipeli poso ta kebeta papuake ni kebeta vuatake. Ni kala pado vovo disaipeli, Jiudasi va kikelani, Saimone Isikarioti vo meqora, vo Setani ta lula ota va niumaeka voko kerukeru tu vota o saiqorivo vo Jisu.

Jone 18:12

Sai nio sea pazokinio ko maba poso ni sevo kuleto ala ni Jiu ama vailo ko maba poso ta ke noqoevake vo Jisu, ni ke pirievake vo.

Jone 18:18

Ni koa ipu ta sanusanu kota evake, so sole sea nabulu poso ni se Jelepade ke kati vailani ta ke bainaevake kala pado uza, ni lojole ke qoloevake ni ke ṉadarake. Nio o olake vo Pita ni o zomanake lojo se sase ni o ṉadarake.

Jone 18:22

Ni so keru vo so kiove keru, kala pado sea vailo ko maba poso azo ta ota va pazokake Jisu ko loilo ṉase saresare kale nio eri kiolake vokasi, “Koa kalo kale inio ṉota ṉova opata vo Ṉisa Siama kio?” kiolake.

Jone 19:6

Ni so keru se raura kama siama madu ni se Jelepade ke kati vailani maba madu ke vea keru vo seta ke velavelaoke, “Patoevomo korosi topi! Patoevomo korosi topi!” kikelake. Ni vo Paelati ta eri kiolake sekasi, “Aṉata puliama sarueko ada va kea tu a vati tuamuko ko vou, sole meta vati olamo me ṉavi ni patoevomo.”

Jone 7:32

Ni se Parese madu ta keta ma viqake sea matu padopadoilo vai vazavazao vo Jisu, ta vota vo Baṉara o soroeveni Pakio nio kio, so sole sea Parese madu ni se raura kama siama madu ta ke soroemake se Jelepade ko vailo ko maba madu tu kepa noqoevo vo Jisu kikelake.

Iruruputo 1:16

“A baerebaere poso mela, Tabu ama Riki kale ko kaseima quli ta lula tuvevo kota eva Tabu ala Auvana o kasekema Devita kale kude, vo Jiudasi ko pidokivo kale, vilua pikopiko oma eveni se Jisu ke noqoeveni. Ni kota ko malezikake ni so ko kake, ako Tabu ama Buka kale ama pidokato ta ko puratika kiada keru koko epa sole.

Iruruputo 10:1

Ni kala pado maba ta obeta evake Sizaria peuru kale Koniliasi va kikelani, vota kala sirula Romu ama pazokinio ko maba poso vo. Voko vakimuo ko poqala ko ṉi ta “Itali ama vakimuo ko poqala” ikio.