Jone 17:12 - BAṈARA KO VAIRU AMA LEVELEVEO

¹² Ako so keru aṉa a mati eve keru miduku kale aṉata a mati vaile ṉoko ṉi ko pizato kale, koa ṉi ṉoṉo qatilema aṉa kale. Aṉata a mati vaile se ni puliala kala pado ta opa mumai, melai vo okai zuateni ko mumailo o kiada inio o mumai, tu ko Tabu ama Riki kikovevo ta tuvevo ko elo.

Jone 17:12 Σταυροειδείς Αναφορές

Jone 13:18

“Aṉata pui mea kiada mela ta soa maurumaurua mela kiala, ako aṉata amai nianiia se sidopu amu aṉa lula a bitoemani sole. Melai ko Tabu ama Riki ko kasekema ta tuvevo ko elou ko eri, ‘Voa maba o kuani aṉako sailao aṉa sase ta o jaṉarilou aṉa voko mauta kale’.

Jone 17:6

“Aṉata lula kasa a iṉa ṉo nia poqala maba poso kasi, se ṉoṉo qatileni komia peuru ma peuru ko maba poso kale azo. Seta lula ṉoko madu, ni ṉota ṉola puarime aṉa. Seta ke zorika ṉoko bazu,

Jone 18:9

Vota o rukuekake komia pesio poso tu vo o kasekalama quli kuleto ta tuvevo ko elou, ko eri, “Mama, sea poso ṉoṉo qatileni ta puliala kala pado ta a mumaeva,” ka kiolalama.

Jone 6:37

Sea kiadamu aṉavo Mama o katilo amu aṉa ta ke kilou aṉa kasi. Ni aṉata pui aba butuemou seke kilo amu aṉa kasi,

Iruruputo 1:25

tu vota apositolo jaria nabuluputo o elo Jiudasi ko zaekale, ako vo Jiudasi ta o epeini ni o keveni voko male ama zaekale sole,” kikelake.

Pilipai 2:9

Sokale avo inio vo Baṉara ta o matu rauraevake vo, raura kama zaekale kiadama zae azo, ni vota o kativake ko raura kama ṉi kiadama ṉi azo.

2 Tesalonaika 2:3

Meta pui zarievo kala tu vota o lipaemelo kama keve kale, ako koa Naṉiu ta pui erile kopa barolou sole, melai kota ko kilou kuleto kubo madu ke matu bikoirivou keru vo Baṉara ni o puratou keru vo matu ruqe ala maba, vo noqola tolailo o elo ala heli kale.

Hiburu 2:13

Ni vota mata eri kiolake, “Aṉata avai keruvou vo Baṉara.” Ni mata vota eri kiolake, “Aṉata abeta eva vo Baṉara o katileni sasarusu sase,” kiolake.

1 Jone 2:19

Ni se vo Karisito ko kana madu ta animeko poqala kale ke eveni inio. Melai seta lula ke vaemele ni seko vaemelo ta kasa ko ika ta seta pui maba anime kale amu inio. Ako seta tuvevo avole animeko poqala kale amu tea, seta anime kasi nio kebeta elo. Melai ke vaemele sole meqai nianiia ta sea kiadamu ta pui maba anime kale amu kepa eve.

Kelokelozato 19:12

Voko vilu ta uza ko urusana jaria urusoma, ni vota o kiake voko lezu topi kubo lekasa ko tarapae. O ṉi ta kovai rikiziovima ta o ṉavi o kiada inio o paqumuka ko.