Jone 15:8 - BAṈARA KO VAIRU AMA LEVELEVEO

⁸ So inio aṉavo Mama ta o ṉaṉaidara puilou, meko matu epamato kale, ni so inio meta aṉako disaipeli mela me elou.

Jone 15:8 Σταυροειδείς Αναφορές

Matiu 5:16

Meta soa talolo emo meko kalo kale maba poso kasi tu seta ke kelo meko uri ama iruruputo ni seta ke ilusivou mevo aukale ala Mama,” ma kiolake.

Matiu 5:44

Melai aṉata a bazuemela me, meta me roquevou mevo kana ni me mati vararaitou seke naquemelani me.

Matiu 9:8

Nio so keru sea maba poso ke kea keru ko quli ko ereivako quli, seta keta ṉake ni ke ilusivake vo Baṉara voko kativo kale ko urikato ni akoekato ko pizato ke ṉavi jari ala va kikelani.

Luke 6:35

Pui so me qalou, melai meta roquemomo meko kana poso ni uri erekomo sekasi. Katimomo ni pui meda ka kerukeruekou koko besibesi. So inio meme qovo ama reketekete ta matuma ko elou, ni so inio kasa me ikou ta meta vo Raura kala Baṉara ko meqora poso mela. Ako vota o roquema se ruqe amu se pui ke besiekani voko roquano sole.

Jone 13:35

Meta me roquekiniou muli inio, kiadama maba poso ta kekai nianiiovou kokale ta meta aṉako disaipeli mela inio kio.”

Jone 15:5

“Aṉata koa vaini siakona jaria lala ni meta koko kata poso jaria mela. Vo me azo o nasoilo ala aṉa tona, aṉata a elou vo tona, ni vota koa kata matu epamatoma jari o elou, ako meta pui me rovea ereko kama quli aṉa pide sole.

Jone 8:31

So sole Jisu ta eri kiolake se Jiu amu kasi seke tuvevo puekeni voko pesio, “Meta tuvevo avole me zorikou aṉako nianiiekato inio meta aṉako tuvevo ama disaipeli poso mela me elou,

1 Koriniti 10:31

Zio, melai koa kiadama quli meme erekako, ni meme quako ni me nozuekake quli kale, meta vai ṉaṉaidara puekomo vo Baṉara kiada keru.

1 Koriniti 6:20

Ako meta lula o tatabaraemeleni mela vovo Meqora ko voukale. So sole meta vai ilusikomo vo Baṉara meko saevo.

Pilipai 1:11

ni so inio vo Karisito ta o tauvemelou me ni meta me erekou kubo sidopu ama quli tu meta ṉaṉaidara me ivou ni me ilusivou vo Baṉara.

Taitasi 2:10

ni pui keta ma kuilikou seko quli. Melai seta kiada keru ta kasa ke ikou seko uri ni kerula elo, tu seta olaupo saṉa ke ikou animevo Pakio Baṉara ko nianiiekato seke erekako quli kale.

Taitasi 2:5

tu nia vairu ama rekoreko poso ta ke uria odizio ke ṉavi ni pui ke pauvezato, tu uria iruruputo ke elo pade kale seko lasive poso ko zorimo kale; so inio puliala ta ruqe kaseko o elou vo Baṉara kasi azo ko kuevako bazu.

1 Pita 2:12

Ako se maba poso pui ke tuvevo putani ta iniseana sole meko levoano kale. Ni se inio ke mela kuirikani meta ruqea mela kikelani. So sole meta kai saevomo ko uri ama saevo meko elo kale sekasi, tu seta ke kelou meko uri ama iruruputo. So inio koa ṉaniu vo Karisito o vaitou keru seta kevai ilusikou vo Baṉara koa meko uri ama iruruputo se erisaṉa ruqe ama quli ka kikelako.

1 Pita 4:11

Ni vo o bazubazuto ala ta okai bazubazutou vo Baṉara ko bazubazu. Ni kala o tauvezato ala ta okai tauvezatou koa pizato vo Baṉara o kativo ama. So keru meme ereka keru komia kiadama quli meta mevai rauraeka inio vo Baṉara. Vo Jisu Karisito inio o bokerimelani me tu me ereko ko quli, ni voko ikio ko ṉaṉaidara ni pizato paito pide ama. Emeni.