Jone 15:7 - BAṈARA KO VAIRU AMA LEVELEVEO

⁷ Ni meta me elou aṉa tona ni aṉako bazubazu ta ko elou me tona, inio meta me basekou ko me meqa zariako quli ni meta me qovou inio ko.

Jone 15:7 Σταυροειδείς Αναφορές

Matiu 7:7

“Pasekomo uri ama quli Baṉara kasi inio meta me qovou, vailikomo vokasi inio meta me qelou, tubitubitomo inio vota o mela veukou ko veutu.

Jone 14:13

Ni ko quli meme baseko ama aṉako ṉikale, aṉata a mela erekou ko, tu vo Mama ta o ṉaṉaidara puilou vovo Meqora kale.

Jone 15:16

Meta pui meba pitoele aṉa melai aṉata lula a bitoemele me tu meta me ziovou tu meta me matu epamatou meko tauvemo kale edolomu, ko noqola ko elo ama epa kale. Sokale inio vo Mama ta o katimelou ko quli meme baseko ama vokasi aṉako ṉikale.

Jone 16:23

Ni koa ṉaniu ko barolou keru inio meta pui meba lai kuimaekou aṉa kama quli ako meta zakaremua paqumato me elou sole. “Tuvevo avole aṉata a bazuemela me, aṉavo Mama ta o katimelou me kiadama quli meme baseko ama vokasi aṉako ṉikale.

Jone 8:31

So sole Jisu ta eri kiolake se Jiu amu kasi seke tuvevo puekeni voko pesio, “Meta tuvevo avole me zorikou aṉako nianiiekato inio meta aṉako tuvevo ama disaipeli poso mela me elou,

Jone 8:37

Aṉata a melai nianiia meta vo Ebarahami ko vikuvikula mela inio kio, melai meta mebe la abamata tu me vouvaelo aṉa, ako meta pui meba ṉeamukou aṉako nianiiekato sole.

Qelesia 4:2

Ni so keru voko silo ala keru, vota o zorimou se vo ke vati vailani. Melai so keru nea meqora o rapukou keru ni okai barolou keru koa sabere vovo mama ova kasekema inio o rupasiovou.

Qelesia 5:16

Ni aṉata mata eri kiala mekasi. Meta pizatomo kiada keru Tabu ala Auvana kale, nio meta pui meba erekou meko bulo kale ama ruqe ama kerukeru kokai zariako quli.

Kolosi 3:16

Meta kerukeruekomo vo Jisu Karisito ko raura kama bazu meko bulo poso kale matuvole kiada keru. Meta nianiiekikiniomo ni bazubazuekiniomo me ṉavio kude ko raura kama nianiio kale. Ilusivomo vo Baṉara azaazama tabu ama kera kale, ni kai keraomo koa kera poso vo Baṉara ko auvana ko katimelako me, meko bulo kale ama ilusivo kale vo Baṉara.

1 Jone 2:14

Ni aṉata a mela rikita meqora poso mela, ako me inio mevai nianiiani mela sole animevo Mama. Ni aṉata a mela rikita mama ni niania kamela, ako me inio mevai nianiiovini mela sole vo o eveni koko tanitanila kale. Ni so jari aṉata a mela rikita me vairu ama maba poso mela ako meta piza kamela sole, ni vo Baṉara ko bazu ta me tona, ni koqo me iveni mela sole vo Setani.

1 Jone 2:27

Ako vo Karisito ta o katimele me voa puaro sole, vo Tabu ala Auvana, ni voa puaro ta inevoana mekasi. Sole meta mata pui meba va zariovou kala edolola nianiiekato ko maba. Ako voa puaro o katimeleni ta obe nianiiekimela me sole. Ni voa puaro ta tuvetuve ala sole, melai pui lipalipa kala. So sole meta vinaimo Karisito kale, ako vovo puaro ta obe melati nianiiekata me tu meta me vinailou Karisito kale.

1 Jone 3:22

ni vo Baṉara ta o katimelou ko quli anime me baseko ama. Animeta me qovou ko, ako animeta me zorika sole vo Baṉara ko bazu, ni me ereka sole vo ko zolevako quli.

1 Jone 5:14

Ni animeta me barani putou animeko vararaito kale vo Baṉara ko tanama kale, ako tuvevo me iva ta vota ota mela viqou animeko paseto sama vararaito sole, koa paseto ko luluekou keru voko vatolo.