Jone 15:2 - BAṈARA KO VAIRU AMA LEVELEVEO

² Nio vota o kobueka ni o ṉamuka kiadama kata poso ko pui ko epamatako aṉa kasi azo, ni vota o puputika kiadama kata poso koko epamatako tu kota tova ko matu velokou.

Jone 15:2 Σταυροειδείς Αναφορές

Matiu 13:12

Ako voa maba vo lula o koani koa nianiio ta vo Baṉara ta o kativou mata kama, melai vo puliama sala ta vo Baṉara ta ota va parakikou koa silo pala nianiio kobe evako vo tona.

Matiu 13:33

Ni vo Jisu ta mata omai bazubazuekake ka pado podepodeti, ni eri kiolake, “Vo Baṉara ko lekasa puo ta eri jari. Kama pado rekoreko ta ko koa kama isiti ni ko kati valuvalueka matuma baeke palava ti kobeta koiva inio koa pado ama volevole,” kiolake.

Matiu 15:13

Nio vo Jisu ta eri kiolake, “Kiadama papapapa poso aṉavo aukale ala Mama pui opa papakema ta ko rabuilou muli.

Matiu 21:19

Ni vota o veake kala piqi ore koa keve ko ketaketa, ni vota ota olake tu opa tava kelo voko epa. Melai voa piqi ore ta puliama voko epa melai voko leko ko kiada ikio ota va keake, so sole vota eri va kiolake voa ore, “Ṉota pui mata ṉoba tova epamatou,” va kiolake. Nio so beva kiola keru inio voa piqi ore ta ota kajaoke.

Matiu 25:29

Ako vo uria kai iruruputo o evani vo o koako ta vovo lekasa ta mata o kativou vo mata kama, tu kota kubo kova elo. Melai vovo lekasa ta ota va kovou vo pui okai uria iruruputani voko puaro koa silo pala melai.

Matiu 3:10

Vo Baṉara ta omadeuvo kala maba jari, vo lula o inainaovani tu o rakirakiekou ko ore poso. Kiadama ore poso ko pui uri ama epa sama vota o roekou ni o risaekou uza kale. Omadeuvo so jari nio o imou vo Baṉara se maba poso pui sidopu ke erekani.

Matiu 3:12

Ako vo inio o titizimou kiadama maba poso, omadeuvo vo iruruputo ko maba jari, vo o pitasikani ko vuiti ko uri ama epa ni o padoekani ko voko modo sapera topi, melai koko turu ta ota ka siqaekani lalamato pidea bainoma uza kale,” kiolake.

Matiu 7:19

Ni kiadama ore ko pui ko uria epamatako ta ko roizaiva ni ko risaiva uza kale. Omadeuvo so jari nio vo Baṉara ta o koqotaemou kiadamu se pui uri ke erekani.

Maka 4:20

Melai kake maba poso ta koa sisu koko piako uri ama miduku kale jari. Nio se inio ke viqani koa bazu, ni ke tukiekani, ni kota kota epamata, ni kama koko epa ko rurururu ta zouke toni sisu sama, ni kama ta varimuja toni, ni kama ta omadeu paizana sama,” kiolake vo Jisu.

Luke 8:13

Ni koa rui koko piako buturuakoi ta se inio seke viqani ko bazu ni zoleilole ke koani ko. Melai kota pui ko matu saqora seko kerukeru kale, sole pui tu ko keuva. Seta ke tuvevo pueka puju ama taku, melai so keru ko zolizolito ko kueva keru, seta ke vaeka seko oqu.

Jone 15:1

Ni Jisu ta mata o mati pesiake voko disaipeli madu ni eri kiolake, “Aṉata tuvevo ama vaini siakona jaria lala ni aṉavo Mama ta vaini kiaro o kati vailani maba jari o kavani.

Jone 15:16

Meta pui meba pitoele aṉa melai aṉata lula a bitoemele me tu meta me ziovou tu meta me matu epamatou meko tauvemo kale edolomu, ko noqola ko elo ama epa kale. Sokale inio vo Mama ta o katimelou ko quli meme baseko ama vokasi aṉako ṉikale.

Jone 15:3

Ni vota lula o puputimele jari me koa bazubazu kale aṉa lula a qasekema mekasi.

Jone 15:6

Ni voa maba vo pui o evani aṉa tona ta o ṉamuiva omadeuvo koa kata ko pui ko epamatako jari ta ko ṉamuiva ni ko kajaova. Sai nio seta ke niaqueka soama kata poso ni ke risaeka uza kale ni ko siqaiva.

Jone 15:8

So inio aṉavo Mama ta o ṉaṉaidara puilou, meko matu epamato kale, ni so inio meta aṉako disaipeli mela me elou.

Jone 17:12

Ako so keru aṉa a mati eve keru miduku kale aṉata a mati vaile ṉoko ṉi ko pizato kale, koa ṉi ṉoṉo qatilema aṉa kale. Aṉata a mati vaile se ni puliala kala pado ta opa mumai, melai vo okai zuateni ko mumailo o kiada inio o mumai, tu ko Tabu ama Riki kikovevo ta tuvevo ko elo.

Romu 11:17

Kama kata poso koa mabamaba kama Olive ore ko ta kota lopai ni kama piru ama Olive ore ko kata ta kota nasoi ko tona ni Baṉara ta o qotupike. Ṉo pui Jiua laṉa inio koa piru ama Olive ore ko kata jaria laṉa ṉoṉo nasoivani ṉa vo Baṉara ko mabamaba kama Olive ore topi tu ṉo qovo voko matuma mauruto.

Romu 11:22

Kokale inio animeta me qea vo Baṉara ko roquemo se maba madu ni voko tapata imo se. Vota tapata o ima seke vaevani vo, melai voko roquano ta me tona—meqai noqoilou koa roquano tea. Melai meta pui me noqoilou tea, me melai meda kobuilou.

Romu 8:28

Animeta meqai nianiia ta kiadama quli vo Baṉara ta uria ereko o eva anime me roquevani mela vo kaqe ni anime o nokaemelani mela voko vatolo kale.

1 Koriniti 13:1

Esa aṉata a roveovou tu kai pesio se maba madu ni mateana madu ko pesio, melai puliama aṉako roquano tea, aṉata omadeuvo ko ota kama belo ko kelakelato jari nio.

Taitasi 2:14

Vota o katiziovi tu o vou anime kaqe, tu o mela tabariko animeko rupasio kiadama ruqe kale azo ni o saqaemelo anime tu o ṉaviko qoqono mela me elo ni dikidauputole me ereko ko uri.

Hiburu 12:15

Balauvomo tu puliala ta o liliziovou Baṉara ko pakiezato sama roquano kasi azo. Ni vailomo tu puliala ta o pasopasoilou, ako koko epamata keru ta ko pasopasoilo ta kubo tapata ko ereka seke tuvevo putani kasi ni ko niumaeka seko saevo.

1 Jone 2:19

Ni se vo Karisito ko kana madu ta animeko poqala kale ke eveni inio. Melai seta lula ke vaemele ni seko vaemelo ta kasa ko ika ta seta pui maba anime kale amu inio. Ako seta tuvevo avole animeko poqala kale amu tea, seta anime kasi nio kebeta elo. Melai ke vaemele sole meqai nianiia ta sea kiadamu ta pui maba anime kale amu kepa eve.

Kelokelozato 3:19

Aṉata a riqaema ni a jidopu puema sea kiadamu se aṉa a roquemani. So sole tuvevo putomo ni liliziomo meko sarueko poso kale azo.