Jone 15:1 - BAṈARA KO VAIRU AMA LEVELEVEO

¹ Ni Jisu ta mata o mati pesiake voko disaipeli madu ni eri kiolake, “Aṉata tuvevo ama vaini siakona jaria lala ni aṉavo Mama ta vaini kiaro o kati vailani maba jari o kavani.

Jone 15:1 Σταυροειδείς Αναφορές

Matiu 15:13

Nio vo Jisu ta eri kiolake, “Kiadama papapapa poso aṉavo aukale ala Mama pui opa papakema ta ko rabuilou muli.

Matiu 20:1

Nio vo Jisu ta mata eri kiolake sekasi, “Vo Baṉara ko lekasa puo ta eri. Kala tanala ta o lekoa omadeu vikale tu o vailimo kake maba poso, tu ke iruruputo voko vaini kiaro kale. Ni vota o meake kake.

Matiu 21:33

Ni Jisu ta mata eri kiolake sekasi, “Meta didianomo tu aṉata mata a melai bazueko kama pado podepodeti. Inevoana kala kiaruzo ko maba vo o papakani ko vaini voko kiaro kale, ni vota o qaramukake koa kiaro ko levoano, ni vota o erekake ka pado zae vo o zuzuekoa koi ko vaini ko epa ko ju, ni o lojoevake kala okate ala pade o lovelove kaqe. Koko tova inio voa maba ta oka zariake zio vaṉama peuru kale nio vota oma zariekake koa kiaro kake maba poso, ni vota ota olake vaṉama peuru kale. Melai vota o kovou ka kena koa kiaro kale ama epa seko korotato ke erekema kale

Maka 12:1

Ni vo Jisu ta mata o nianiiekimake se kama pado podepodeti kale ni eri kiolake, “Inevoana kala kiaruzo ko maba vo o papakani ko vaini voko kiaro kale, ni vota o qaramukake koa kiaro ko levoano, ni vota o erekake ka pado zae se keta ka zuzuekoa koi ko vaini ko epa ko ju, ni o lojoevake kala okate ala pade o lovelove kaqe. Koko tova inio voa maba ta oma zariekake koa kiaro kake maba poso, ni vota ota olake vaṉama peuru kale. Melai vota o kovou ka kena koa kiaro kale ama epa seko korotato ke erekema kale.

Luke 13:6

Nio Jisu ta omai bazuevake se nea podepodeti, ni eri kiolake, “Inevoana kala pado maba vo o papakeni kama pado piqi ore voko vaini kiaro kale. Ni kiadama sabere poso vota o olake vailikole koa piqi ore ko epa melai puliama ka pado ota ka keake.

Jone 1:17

Vo Baṉara ko lulama bazu ta ko katiziovi Mosese kale kude, melai roquano ni tuveano ta ko katiziake Jisu Karisito kale kude.

Jone 1:9

Voa Bazu ta tuvevo ala zakaremu, ni vota o kuevi peuru ma peuru kale, ni vota omai taloake kiadama maba poso.

Jone 15:2

Nio vota o kobueka ni o ṉamuka kiadama kata poso ko pui ko epamatako aṉa kasi azo, ni vota o puputika kiadama kata poso koko epamatako tu kota tova ko matu velokou.

Jone 6:32

Nio Jisu ta eri kiolake, “Tuvevo avole aṉata a bazuemela me, vo Mosese meko taite poso o katimema bereti ta pui aukale azo ama. Melai aṉavo Mama o katimelako bereti ta aukale azo ama.

Jone 6:55

Ako aṉako marabau ta ṉisa sailao, ni aṉako dara ta ṉisa ju.

Romu 11:17

Kama kata poso koa mabamaba kama Olive ore ko ta kota lopai ni kama piru ama Olive ore ko kata ta kota nasoi ko tona ni Baṉara ta o qotupike. Ṉo pui Jiua laṉa inio koa piru ama Olive ore ko kata jaria laṉa ṉoṉo nasoivani ṉa vo Baṉara ko mabamaba kama Olive ore topi tu ṉo qovo voko matuma mauruto.

1 Koriniti 3:9

Ako eqeta omadeu vati iruruputo qe vati evani qela vo Baṉara, ni me inio vo Baṉara ko matoa mela. Ni meta mata vo Baṉara ko pade o orumumelani mela inio.

1 Jone 2:8

Melai komia bazu aṉa a mela rikiekako tu meme ereko ama ta mata vairu ama ikio, ako ko kutumana ta kota paloasa ni tuvevo ama zakaremu ta lula kota taloa sole. Kota ko tuvevo pui Jisu kale ni kota tuvevo ko eva me ṉavi kale.