Jone 14:4 - BAṈARA KO VAIRU AMA LEVELEVEO

⁴ Meta meqai nianiia koa keve koko odiemelo ama me sai aṉa a zio ka kialakoi,” kiolake.

Jone 14:4 Σταυροειδείς Αναφορές

Luke 24:26

Noi nio pui qe paqumuka kota ko malezika tu vo Baṉara o pitoevani Pakio ta tapata o toraeka ni o vouva saita inio vota okai amaqeovou voko ṉaṉaidara?”

Jone 10:9

Aṉata veutu lala. Voa maba o amaqeani aṉa kale ta o pakiovou, ni vota amaqeo ni saqoroa kovo o elou ko saevo ko sailao.

Jone 12:26

Vo oka zariani la nabuluputo aṉa ta o luluelo aṉa, tu voa aṉavo nabulu ta o elou aṉa sase sai aṉa a eloa koi. Ni aṉavo Mama ta o rauraevou vo vo ola nabuluputo ala aṉa,” kiolake.

Jone 13:3

Nio Jisu ta lula o paqumukake ta vovo Mama ta lula o kativa vo ko pizato tu o ereko kiadakiadama quli, ni vota o kuevi Baṉara kasi azo ni vota mata ota tova vaitou Baṉara kasi kio.

Jone 14:2

Ako aṉavo Mama ko pade kale ta mota kama mamazo ko zae sakoi, ko noqola kama, ni aṉata a zio tu aba inainaeko ka pado zae sai tu me kaqe. Pui so tea aṉata pui nio aba melai bazueko ko.

Jone 14:28

Meta lula meda la viqala aṉako eri kio mekasi, ‘Aṉata ada ziovou, ni aṉata mata ada vaitou mekasi,’ kio. Meta me roquela aṉa tea meta meda zoleilou, ako aṉata a ziovou a Mama kasi, ni aṉavo Mama ta matula aṉa kasi azo sole.

Jone 14:3

Nio aṉa lula a mela inainaekou koa zae Saita inio aṉata a vaitou ni aṉata a odiemelou ni a baroekimelou me a ṉavi kasi, tu meta me elou sai aṉa a eloa koi.

Jone 14:5

Melai Tomasi ta eri kiolake vokasi, “Lekasa, eṉeta pui ṉeqai nianiia sai ṉoṉo zio ka kiṉolakoi, sole noni kale inio eṉeta ṉeqai nianiiovou koa keve tu eṉeta ṉe barolou sai?”

Jone 16:28

Aṉata a quevi aṉavo Mama kasi azo, ni a quevi koi komia peuru ma peuru kale, nio erisaṉa ta sipole inio a vaekou ko peuru ma peuru ni ada vaitou a Mama kasi,” kiolake.

Jone 3:36

Vo tuvevo o ivani vo Meqora ta noqola kama saevo sala, melai vo pui o zorivani vo Meqora ta pui opa kovou ko saevo, melai vo Baṉara ko korakorailo ta noqola ko elou vo tona kiada keru.

Jone 6:40

Ako aṉavo Mama oka zariako ta, kiadamu seke lelo amu aṉa vo Baṉara vo Meqora lala ni ke tuvevo puelo amu aṉa ta ke kovou ko noqola kama saevo, ako aṉata a jaevimou se sole noqola kama saevo kale tovama ṉaniu kale,” kiolake.