Jone 14:1 - BAṈARA KO VAIRU AMA LEVELEVEO

¹ Ni vo Jisu ta mata o bazuemake sea disaipeli madu, ni eri kiolake, “Meta pui duki ni tiṉoliṉoli kai elo ko quli aṉa lula a melati bazuekako quli. Meta vai kerumo vo Baṉara ni so jari meta lai kerumo aṉa.

Jone 14:1 Σταυροειδείς Αναφορές

Jone 11:33

Ni Jisu ta o keake koko zialo, ni mata o meake sea maba poso seke evani ko sase zialo, ni kota kota va tibaekake voko bulo, ni matu duki kota va ikake.

Jone 12:27

Ni Jisu ta mata eri kiolake, “Erisaṉa aṉata tumanioro ada eva ni aṉata niuniala ada eva. Noni kiavou esa? —‘Mama pakiela aṉa komia taku kale azo’ kiavou? Koe pui so kiavou, ako komi kio aqai kuevima, sole aṉata a zio komia tola sama taku kale.

Jone 12:44

Ni vo Jisu ta mata o kuevake ni oma puratake sea vaki, ni vota o velavelaoke ni eri kiolake, “Vo tuvevo o ilani aṉa ta o tuvevo pueva vo aṉa o soroeleni voko tuvevo puelo kale aṉa.

Jone 13:19

Aṉata a melai bazueka komi erisaṉa puliako ko ereilo, tu tova ko ereilou keru ko, ta meta tuvevo me ikou ko ‘Aṉa inio ko aṉa lala’ kio.

Jone 16:24

Kobeta baroa erisaṉa ta meta pui nio mevai paseka aṉavo Mama kama quli aṉako ṉikale. Meta pasekomo inio meta me qovou ni meko zoleilo ta ko melai avoziovou,” ma kiolake vo Jisu.

Jone 16:3

Se maba madu ta ke melai erekou ko quli ako seta pui kevai nianiiani aṉavo Mama ni aṉa sole.

Jone 16:6

Ni so inio aṉako melai bazueko komi quli ta duki kota mela ika meko bulo poso.

Jone 5:23

so sole kiadamu ta ke rauraelou aṉa vovo Meqora lala omadeuvo vo Mama ke rauraeva jari. Vo pui o rauraelani aṉa vovo Meqora lala ta pui o rauraevani aṉavo Mama, vo o soroeleni aṉa.

Jone 6:40

Ako aṉavo Mama oka zariako ta, kiadamu seke lelo amu aṉa vo Baṉara vo Meqora lala ni ke tuvevo puelo amu aṉa ta ke kovou ko noqola kama saevo, ako aṉata a jaevimou se sole noqola kama saevo kale tovama ṉaniu kale,” kiolake.

2 Koriniti 2:7

So sole erisaṉa ta koko male ikio ko me tu tava akoeko voko sarueko ni zuvarivo vo, tu pakievo vo koa voko matu duki elo kale azo.

Epesasi 1:15

Sokale avo inio aṉata a qerukeruemela me kiada keru aṉako vararaito kale, ni aṉata a qaseka aṉako uriavo vo Baṉara kasi mekale avo. Ni kiada keru aṉata soa vararaito a eve so keru a viqe keru azo meko vai oqu vo Lekasa Jisu ni meko roquemo kiadama vo Baṉara ko maba madu.

2 Tesalonaika 2:2

tu meta pui kapiavole niuniala me elou meko kerukeru kale ni pui tiṉoliṉoli meqai elou kama lipalipa kama bazu. Ako kake ta keta lipata ni eri kikela, eṉeta ṉeqai bazuta vo Tabu ala Auvana ko avozio kale ma eṉeko bazubazuto kale ma kama leta kale, ko animevo Lekasa Jisu okai vaitako Ṉaniu ta lula inio kota baroi kio sama bazu.

1 Pita 1:21

Vokale inio meta tuvevo me iva vo Baṉara, vo o zolaeveni vo Karisito voukale azo ni o kativeni ko ṉaṉaidara. So inio meta mevai oqua vo Baṉara ni meta me bataita meko tuvevo puto sama kerukerueko ko kilo ama mauruto meme qovo ama vokasi.