Jone 13:34 - BAṈARA KO VAIRU AMA LEVELEVEO

³⁴ Vairu ama bazu aṉata a qatimela me, ko eri: meta roquekiniomo muli. Omadeuvo aṉa lula a roquemela me jari, meta matu roquekiniomo muli.

Jone 13:34 Σταυροειδείς Αναφορές

Matiu 5:44

Melai aṉata a bazuemela me, meta me roquevou mevo kana ni me mati vararaitou seke naquemelani me.

Jone 15:17

So sole aṉata a bazuemela me, tu roquekiniomo muli.”

Jone 17:21

Mama! Aṉata a vararaita tu seta sea kiadamu ta omadeu ke elo. Aṉata a vararaita tu seta ke elo aniṉo tona, omadeuvo ṉoṉo eva jari aṉa tona, tu se peuru ma peuru kale ama maba poso ta ke kelou ni ke tuvevo puekou ko ṉo inio aṉa ṉo joroeleni ṉa kio.

Romu 12:10

Meta matu roquekiniomo muli me ṉavi ako meta lotu tamania mela sole, ni dikidauputole paṉaekiniomo me ṉavio kude.

Romu 13:10

Ṉota ṉo roquevou kala, nio ṉota pui ṉoba niumaevou vo; so sole vo o roquanani inio o zorikani koa pado ama Bazu kikolani.

Romu 13:8

Meta vouvaekomo kiadama meko lipulipu, melai roquekinio ko lipulipu ta kobeta saevou kiada keru. Ako vo o erekani soama roquano ko keve ta o lulueka ko Bazu kikolani sole.

Qelesia 5:22

Melai vo Tabu ala Auvana o puratikako kalo ta eri ama, roquano, zoleilo, bule, pataito niumaniumato kale, baiseo, uri ama kalo, kerula elo,

Qelesia 5:6

Ni eṉe omadeu ṉe evani ṉela Jisu Karisito sase ta ṉe baqumukani ṉela ta pui ko tauveṉela ko moveilo ni pui moveilo tu sidopu elo Baṉara ko kelokelozato kale. Ako qulepo ama quli ta oqu ikio sole, koa oqu ko kasa ko evako roquano kale.

Qelesia 6:10

Ni so keru anime meqai roveovo ama taku kale animeta me dauvemou kiadama maba madu ni me dauvemou matuvole se kevai oquani vo Jisu Karisito.

Qelesia 6:2

Meta tauvekiniomo meko tapata poso keru. Ni meta so me qalou, inio meta tuvevo avole me zorikou vo Karisito ko bazu.

Epesasi 5:2

Ni saevomo roquano kale, ni roquemomo edolomu, omadeuvo vo Karisito ta o roquemele anime jari ni vota pui opa kaitiziovi tu o vou anime kaqe. So inio vota matu uria tui ala katizato ni siqasiqa o eveni Baṉara kasi.

Kolosi 1:4

Ako eqeta lula qe viqa meko vai oqu vo Jisu Karisito ni meko roquemo kiadama vo Baṉara ko maba madu.

1 Tesalonaika 3:12

Animevo Lekasa inio o rapukikou meko roquekinio me ṉavio kude ni meko roquemo kiadama maba poso, tu kota ko kati ijatinia puekiniou eṉe ṉe imelania roquemelo me.

2 Tesalonaika 1:3

Ṉe visi poso ni ṉe qaka poso mela, eṉeta ṉe ilusiva vo Baṉara kiada keru mekale avo. Ni kota sidopu tu eṉeta ṉe ereko koa kalo ako meko vai oqu vo Baṉara ta kota rapuka sole ni meko roquekinio melai kobeta ola rapuko sole.

Hiburu 13:1

Mea lotu tamania me evani mela vo Karisito kale, meta pui epezo roquekinio.

Jemisi 2:8

Meta me zorikou tuvevo avole vo Baṉara ko lekasa puo ko bazu, koko kaseivako Tabu ama Riki kale, ko eri, “Meta roquemomo kiadamu omadeuvo me ṉavi me roquiva jari,” ko ikio ko sidopu ko ereko.

1 Pita 1:22

Meta lula bulebule me evani mela vo Baṉara ko tuveano ko zoriko kale, tu me roquemou meko lolo poso lipalipa pide ama roquano kale. So sole roquekiniomo muli tuvevo avole meko bulo kale.

2 Pita 1:7

ni meko baisemo meko lotu tamania madu, ni ko roquano.

1 Jone 3:11

Komi kio koa bazu anime me viqema koko tanitanila keru azo: animeta me roquekinio muli.

1 Jone 3:23

Ni komi quli kio vo Baṉara o melai bazuekako: animeta tuvevo me ivo vovo Meqora Jisu Karisito ni me roquekinio muli omadeuvo vo Jisu melati kiovevo jari.

1 Jone 4:21

Ni o ṉavi Jisu inio o katimele anime komia bazu, eri kikolako: vo o roquevo ala vo Baṉara ta mata o roquevou vovo lolo.

2 Jone 1:5

Ni aṉata a bazueṉa ṉoa rekoreko ṉa, ko eri: animeta me roquekinio muli. Komia bazu ta pui vairu ama bazu, melai kota koa omadeuma bazu ko mebe viqema koko tanitanila keru azo.