Jone 13:1 - BAṈARA KO VAIRU AMA LEVELEVEO

¹ Ni so keru ko Alokato ko Ṉojola lea kota barou kio keru, inio koa raisiraisi nio Jisu ta o papuake ni o vuatake voko disaipeli madu sase. Jisu ta lula okai nianiiake ta taku ta lula kota baroa tu vota o vaeko komia peuru ma peuru tu o vaito o Mama kasi aukale ama peuru kale. Koko tanitanila keru azo Jisu ta o roqueme voko pitasa maba madu seke eveni vo sase peuru ma peuru kale, ni erisaṉa vota kasa oma ikake voko roquano ko matu.

Jone 13:1 Σταυροειδείς Αναφορές

Matiu 26:45

Nio vota mata o vaitake o disaipeli madu kasi, ni o meake ko omadeuvo kebeta kake. Nio eri ma kiolake, “Noi nio, meta mebeta maroṉa ni mamaza kio? Keatini! Ko taku ta kota baroa ni aṉa maba a eveni lala ta a qatiziovou se ruqe ama maba madu ko ṉase topi.

Matiu 28:20

ni nianiie-kimomo se tu ke zoriko kiadama quli aṉa a melai bazuekema. Ni aṉata a elou me sase kiada keru, ti kobeta barolou komia peuru ma peuru ko paitopaito ko taku,” kiolake vo Jisu.

Luke 22:53

Aṉa inio abeta evani lala kiadama ṉaniu poso me sase Jelepade kale, ta pui me noqoela sai. Melai komi kio meko taku meqai iruruputako, ni kota ko kutumana ko pizato ko taku,” ma kiolake.

Luke 9:51

Ni koa taku Jisu ko vaito aukale ama ta sipole kota evake, nio vota parani putole o vatoekake tu o zio Jerusalema peuru kale, so sole vota o taniekake talio sai.

Jone 11:55

Ni se Jiu amu ko Alokato ko Ṉojola ko taku ta sipole kota baroake, nio kubo maba madu ta ke peatake peuru poso kale azo Jerusalema peuru kale tu seta ke bulebuleilo puliako baro koa ṉojola.

Jone 12:23

Nio Jisu ta o tiorizatake ni eri kiolake, “Erisaṉa ta kota baroa ko taku aṉa maba a eveni lala ko tu aṉata a qovo ko raura kama ṉaṉaidara.

Jone 13:29

Jiudasi ta seleni baeke o kati vailani, so sole sea disaipeli madu ta ke kerukerutake ta Jisu ta o soroeva vo tu vota opa tatabaraeko kama ṉojola ko quli esa, ma tu o katimo kama seleni se ozaoza kamu tauvemole esa, kikelake.

Jone 13:3

Nio Jisu ta lula o paqumukake ta vovo Mama ta lula o kativa vo ko pizato tu o ereko kiadakiadama quli, ni vota o kuevi Baṉara kasi azo ni vota mata ota tova vaitou Baṉara kasi kio.

Jone 13:34

Vairu ama bazu aṉata a qatimela me, ko eri: meta roquekiniomo muli. Omadeuvo aṉa lula a roquemela me jari, meta matu roquekiniomo muli.

Jone 14:28

Meta lula meda la viqala aṉako eri kio mekasi, ‘Aṉata ada ziovou, ni aṉata mata ada vaitou mekasi,’ kio. Meta me roquela aṉa tea meta meda zoleilou, ako aṉata a ziovou a Mama kasi, ni aṉavo Mama ta matula aṉa kasi azo sole.

Jone 14:31

melai aṉata a qalou a Mama lati kiovevo ko lulueko kale, tu kiadama maba poso peuru ma peuru kale amu ta kekai nianiiovou ta aṉata a roqueva a Mama, ni a zorika voko bazu. “Uri. Lojomo, tu meda zio komia zaekale azo,” kiolake.

Jone 16:28

Aṉata a quevi aṉavo Mama kasi azo, ni a quevi koi komia peuru ma peuru kale, nio erisaṉa ta sipole inio a vaekou ko peuru ma peuru ni ada vaitou a Mama kasi,” kiolake.

Jone 17:1

Ni Jisu mati pesio voko disaipeli madu ko tova inio vota o tadatake aukale vasi ni eri kiolake, “Mama, taku ta kota baroa, tu kasa pueka ṉovo Meqora lala ko ṉaṉaidara se maba poso kasi, tu aṉata a roveovou kasa pueko ṉoko ṉaṉaidara.

Jone 17:16

Omadeuvo aṉata pui komia ruqe ama peuru ma peuru ko lala jari, so inio se melai pui komia ruqe ama peuru ma peuru ko madu.

Jone 17:26

Aṉata lula kasa a iṉa ṉo sekasi, ni aṉata abeta ziovou kasa iṉo ṉo sekasi, tu seta ke roquemo edolomu omadeuvo ṉota ṉo roquela aṉa jari, tu aṉa melai a elou se tona,” kiolake vo Jisu.

Jone 17:5

Erisaṉa Mama, ṉota ṉaṉaidara ila ṉoko tanama kale, koa omadeuma ṉaṉaidara kale aṉako ko evema ṉo sase puliako peuru ma peuru ereilo.

Jone 18:4

Ni Jisu ta lula o paqumukake kiadama quli koko ereilo ama vokasi, so sole vo o kea keru seko kilo vota omai olake ni eri kiolake sekasi, “Lala inio meme vailiva?” kiolake.

Jone 19:28

Ni koko tova Jisu ta o paqumukake ta erisaṉa ta kota okota kiadama quli, sole eri kiolake, tu ko tuvevo pueko ko Tabu ama Riki kikovevo, “Kabare ada eva,” kiolake.

Jone 2:13

Ni koa taku ta sipole se Jiu amu ko Alokato ko Ṉojola ko taku, so sole Jisu ta ota olake Jerusalema.

Jone 6:4

Ni koa taku ta Alokato ko Ṉojola ko taku se Jiu amu ko ta sipole kota evake.

Jone 7:30

Nio ke viqe keru voko so kio inio sea tanatanamu ta ke noqoevo kikelake vo, melai puliala ta o roveake kamavo, ako voko taku ta pui nio ko baroake sole.

Jone 7:6

Nio Jisu ta eri kiolake sekasi, “Aṉako taku ta pui nio ko baroa. Meko taku ta kiada keru ti uri,

Jone 8:20

Jisu ta o kasekake koa kiadama quli vo o nianiiekate keru Jelepade kale, sai pikazato ko teamuteamu ke vaekakoi zama zaekale. Ni puliala se lotu tanatanamu azo se kekai kaikuapani voko nianiiekato ta o noqoevake vo ako voko taku ta pui nio ko baroake sole.

Romu 8:37

Pui, melai kiadama komi quli kale animeta me matu pizatou vo Karisito kale, vo anime o roquemelani!

1 Koriniti 1:8

Vo inio o pizatimelo ala me ti kobe kai barolou koa paitopaito ama ṉaniu kale tu meta puliama ruqe kopa melai kuiriziovou vo animevo Lekasa Jisu Karisito okai vaito ama ṉaniu kale.

Hiburu 3:14

Kerukeruekomo erisaṉa ta animea kiada mela ta vo Karisito kalea mela, pizaka noqoeko me elou ta koa kuleto ama tuvevo puto ti mebe kai barolou saevo ko paitopaito keru.

Hiburu 3:6

Melai Karisito ta kerula kala Meqora voko kati vailo kale vo Baṉara ko qoqono. Ni animeta mebeta parani putou ni me duvevo puekou ni me darekou ko uri ama quli anime me qovo ama, ta animeta kasa me elou ta anime inio voko qoqono mela.

Hiburu 6:11

Aṉata a mela matu zaria me tu mea kiada mela ta soa matu madoeko me elou ti kobeta barou koa taku ko paitopaito, so inio ko quli meme qovo ama ka kimelako ta tuvevo ko elou.

1 Pita 1:13

So sole meta uria inainaomo meko kerukeru kale tu me luluevou vo Lekasa Jisu, ni kati vailomo me ṉaviko saevo, ni vinaekomo kerukerueko koa pakiezato sama roquano vo Jisu Karisito o katimelo ama voko vaito keru.

1 Jone 4:19

Animeta me roqueva vo Baṉara, ako vo Baṉara inio o roquemele anime kuleto sole.

Kelokelozato 1:5

ni vo Jisu Karisito kasi azo ama, vo kerula kala bazubazuto ko maba, ni kaka kala Meqora vo kuleto o saeveni voukale azo, vo peuru ma peuru kale ama aikovakova poso azo raura kala. Vota o roquemela anime, ni voko voukale vota lula o rupasimela anime animeko sarueko kale azo