Jone 11:2 - BAṈARA KO VAIRU AMA LEVELEVEO

² (Koa Mere ikio koko raibikema ko uria tui ama lumu vo Lekasa ko kiti topi ni ko puqoekema koko toukale, ni kovo kaka Lazarasi ta ota matu verepake.)

Jone 11:2 Σταυροειδείς Αναφορές

Maka 14:3

Ni vo Jisu ta ota olake Betani peuru kale vo Saimone lulavo pokupoku ala o eveni ko pade kasi. Ni Jisu obeta vuata keru inio kama pado rekoreko ta ko kati olake kama pado teamuteamu sukasukati ama lumu sama, matu bulebule ama, ko matu uria tui ama nadi ka kikelako papapapa kale ko ereima, ni matuma tatabara sama, ni koa teamuteamu ta matu tatabara kama dikidoke ama lado alebasita ka kikelako. Ni koa rekoreko ta ko lobitikake koa teamuteamu ni ko raibikake koa lumu Jisu ko lezu topi.

Luke 7:13

Ni Jisu ta o keake ko ni o roquekake ko ni eri kiolake kokasi, “Pui zialo,” kiolake.

Luke 7:19

ni vota o soroekake nioqa vo Jisu kasi tu qopa ka kuimanao vokasi ko eri, “Jisu, ṉota bazueṉela eṉe, ṉo inio voa maba ṉa Jone o kaseveni vo eri va kioveni, mainio kala opa kilou va kioveni, kio? Ma eṉeta mata ṉe darevou kala edolola?” kiqolake.

Jone 11:21

Ni so keru Mata ko toraeve keru vo kota eri kikolake Jisu kasi, “Lekasa, ṉo lula koi tea aṉavo saqi ta pui nio opa vou!

Jone 11:3

Sole nioqa reko tamania kidi ta qova soroekake kama pado bazu vo Jisu, “Lekasa, ṉoṉo matu roquevani ṉovo baerebaere ta ota matu verepa,” kikolako.

Jone 11:32

Ni so keru Mere ko baroi keru sai Jisu o evakoi, ni ko vea keru vo, inio kota ko iqeiqeake voko kiti raki kasi ni eri kikolake, “Lekasa, ṉo lula koi tea aṉavo saqi Lazarasi ta pui nio opa vou!” kikolake.

Jone 12:3

Ni Mere ta kopa koake ko sukasukati ama lumu matu tatabara kama ko uria tui ama nadi ka kikelako papapapa kale ko ereima, matu bulebule ama, ni ko raibikake Jisu ko kiti topi, ni kota kota va puqoekake koko rosi ama toukale. Ni koa lumu ko tui ta kokai zaroake koa pado ama pade ko poro.

Jone 13:13

Meta Titisa ni Lekasa la kimela aṉa, ni kota tuvevo ko so me kimelani, ako so inio ko aṉa.

Jone 13:14

Sole eri nio. Aṉa, mevo Lekasa ni Titisa lala ta a busaekala meko kiti, so sole me melai pusaekomo kala mati kala ko kiti.