Jone 10:3 - BAṈARA KO VAIRU AMA LEVELEVEO

³ Vo veutu o kati vailani ta o nianiieva vo ni ova veuka vo ko tibulu, ni o ṉaviko sipi poso ta keta va viqa voko kora ota ma nokaeka keru seko ṉi poso tu o saqorimo qara kale azo.

Jone 10:3 Σταυροειδείς Αναφορές

Jone 10:14

Aṉata uri ala sipi ko vailo ko maba lala. A Mama olai nianiiani jari inio aṉata avai nianiia a Mama. Ni so jari inio aṉata amai nianiia aṉako sipi poso ni se melai kelai nianiia aṉa. So inio aṉata ama vouvou se.

Jone 10:16

Ni inisiana mata kake aṉako sipi poso se pui nio sipi ko qara kale ke evani. Se melai keta la viqou aṉako kora, ni aṉata a amaqimou se, tu sea kiadamu ta omadeu rovaṉa ke elou omadeu vailo ko maba ko vailo kale.

Jone 10:4

Voko se saqorimo ko tova, vota oma kuleta ni se sipi poso ta ke lulueva vo, ako seta ke nianiieka voko kora sole.

Jone 10:9

Aṉata veutu lala. Voa maba o amaqeani aṉa kale ta o pakiovou, ni vota amaqeo ni saqoroa kovo o elou ko saevo ko sailao.

Jone 6:37

Sea kiadamu aṉavo Mama o katilo amu aṉa ta ke kilou aṉa kasi. Ni aṉata pui aba butuemou seke kilo amu aṉa kasi,

Jone 6:45

Ako se poropita madu ta ke rikieke ko eri, ‘Kiadama maba poso, Baṉara ta o nianiiekimou!’ So sole kiadamu keta va viqani vo Mama ni ke koani ko nianiio vokasi azo ta ke kilou aṉa kasi.

Romu 8:30

Ni anime lula o edolimelani ta o nokaemelake, ni anime lula o nokaemelani, ta o sidopu puemelake, ni vota o zomanimelake voko ṉaṉaidara kale.

1 Koriniti 16:9

ako aṉata a qea matu uri ama rora koi tu a iruruputo, ni koi melai kubo kana poso kebeta eva sole.

Pilipai 4:3

Ni ṉo aṉavo tuvevo ala lolo ṉa aniqe omadeu iruruputo qe eveni qela melai aṉai zaria tu ṉota ṉo dauvekou nioqia omuqa reko, ako nioqa inio qo matu tauveqeleni sole aṉa ni Kelemeni ni mata kake seke iruruputeni aṉa sate kai bazuto vo Jisu Karisito ko Uri ama Bazu. Seko ṉi ta ko rikiziovi noqola saevo samu ko ṉi sama buka kale.

Kolosi 4:3

Ni vararaitomo tu vo Baṉara ta o tauveqelo eqe, tu vota o katiqelo eqe uri ama bazubazuto ko taku tu eqeta qekai bazubazuto vo Karisito lulavo mutamuta kale ko evema. Koa bazu kai bazubazuto kale inio aṉata abeta eva erisaṉa pirito pade kale.

2 Timoti 2:19

Melai vo Baṉara ko maba poso ko vinavina kama vola vo Baṉara lula o erekema ta puliala o rovea vezokiko, ni ko topi ta ko rikiziake komia pesio: “Vo Baṉara ta omai nianiia o ṉaviko madu” ni “Se eṉe inio ko vo Baṉara ko maba madu ṉela kikelani ta ke lilizio ko ruqe ama iruruputo ko ereko kale azo.”

1 Pita 1:12

Ni vo Baṉara ta kasa o ike se poropita madu kasi, ta seko bazubazuto ko iruruputo ta pui ke ṉaviko uri, melai kota meko ikio sole. Ako seta ke mela irurupute inio me so keru se kekai bazute keru lulavo ko tuveano ko meda ma viqako vairutu sea bazubazuto ko maba poso kasi, se kekai bazutani ko Uri ama Bazu vo Tabu ala Auvana ko tauvemo kale vo o kuevini aukale azo. Se mateana madu melai kekai matu zaria paqumuko komi quli.

1 Jone 4:6

Melai animeta vo Baṉara ko mela, ni se kevai nianiiani vo Baṉara ta ke didiemelou anime, melai se pui kevai nianiiani vo Baṉara ta pui kepa didiemelou anime. Ni Sokale inio animeta memai nianiiovou seke kasekani Tabu ala Auvana ko tuveano ni seke kasekani lipalipato ko auvana kasi azo ama bazu.

3 Jone 1:14

Melai sipole inio abe ṉai kilou soipiṉole, kiala nio omadeukoi qe uria pesipesitou.

Kelokelozato 20:15

Ni sea kiadamu se pui kota ma rikiziani seko ṉi saevo samu ko ṉi ko buka topi ta ke risaivake koa uza ko poro kale.

Kelokelozato 3:20

Ako keatini! Aṉata a lojoa veutu tona ni a dubitubita; so sole vo ota la viqo ala aṉako kora ta ola veukou ko veutu, nio aṉata a amaqeovou voko pade kale ni a zomanou vuato vo sase, ni vo melai o zomanou vuato aṉa sase.

Kelokelozato 7:17

ako voa Sipi Meqora, vo obeta papuani tianiama papupapu topi, ta sevo vailo ko maba oma elou, ni vota o odiemou se noqola kama saevo ko katimako ju sama orori kasi. Ni vo Baṉara ta ota ma zautekou seko vilu kale ama deumu.”