Jone 10:16 - BAṈARA KO VAIRU AMA LEVELEVEO

¹⁶ Ni inisiana mata kake aṉako sipi poso se pui nio sipi ko qara kale ke evani. Se melai keta la viqou aṉako kora, ni aṉata a amaqimou se, tu sea kiadamu ta omadeu rovaṉa ke elou omadeu vailo ko maba ko vailo kale.

Jone 10:16 Σταυροειδείς Αναφορές

Matiu 17:5

Nio so keru vo Pita obeta pesipesita keru, inio ko simanamana kama lei ta ko boulumake se ni seta ke viqake Baṉara ko kora koa leikale, ni eri kikolake, “Nei nio vo a ṉavivo Meqora, vo a matu roquevani. Vo inio vo aṉa ava matu zoleivani, tu tava viqomo vo ni luluekomo vo kiolani,” kikolake.

Luke 15:8

Ni mata eri ma kiolake vo Jisu, “Kama pado rekoreko toni Quriki seleni sama kota ka mumaima ka pado seleni koa toni kasi azo—noi nio koko kalo avo? Kota ko bainaekou ko juke, ni ko zarupikou ko pade ko poro, ni kota ko uria vailikou ti kobe kati inotou nio.

Jone 10:11

“Aṉata uri ala sipi ko vailo ko maba lala. Vo uri ala vailo ko maba ta oka vouvou ko sipi poso.

Jone 10:2

Melai voa maba vo o amaqeani sidopu avole veutu kale kude, vo inio se sipi poso o mati vailani maba.

Jone 10:27

Aṉako sipi poso ta keta la nianiieka aṉako kora, ni aṉata amai nianiia se, ni seta ke luluela aṉa.

Jone 10:3

Vo veutu o kati vailani ta o nianiieva vo ni ova veuka vo ko tibulu, ni o ṉaviko sipi poso ta keta va viqa voko kora ota ma nokaeka keru seko ṉi poso tu o saqorimo qara kale azo.

Jone 10:4

Voko se saqorimo ko tova, vota oma kuleta ni se sipi poso ta ke lulueva vo, ako seta ke nianiieka voko kora sole.

Jone 10:5

Seta pui kepa luluevou kala edolola maba, melai seta keta va soqoilou vo, ako seta pui ke nianiieka voko kora sole.”

Jone 11:52

ni pui seke kiada, melai voko voukale vota omadeu qoqono o imou kiadama vo Baṉara ko maba poso se lula ke birebireini.

Jone 17:20

“Pui ni ke kiada inio a mati vararaita ṉokasi, melai so jari seke tuvevo puelo amu aṉa niko bazu kale, ko ni kemai bazueko ama se.

Jone 6:37

Sea kiadamu aṉavo Mama o katilo amu aṉa ta ke kilou aṉa kasi. Ni aṉata pui aba butuemou seke kilo amu aṉa kasi,

Iruruputo 15:14

Saimone ta lula zakaremu o ike vo Baṉara o imevoa mati vailo se pui Jiu amu tu vota o movo kake tu seta o ṉaviko maba madu ke elo.

Iruruputo 18:10

ako aṉata ṉo sase abeta eva sole. Puliala ta opa niumaeṉou ṉo, ako kubo madu komia peuru kale amu ta aṉako maba poso sole,” kiolake.

Iruruputo 22:14

Ni vota eri la kiolake, ‘Se animeko taite poso vo Baṉara ta lula o pitoeṉe ṉo tu ṉota ṉoqai nianiiovou voko vatolo, nio ṉo veala vovo Sidopu ala Nabulu, ni ṉoda va viqala voko pesio.

Romu 11:25

A visi poso, ikoana kama pado mutamuta kama tuveano ko aṉa a mela zariako me tu kai nianiio, ako me baqumukou ko inio pui meqai abarou meko nianiio. Eri nio koa mutamuta kama tuveano; se Izireli amu ko pikipikinio puto ta pui noqola kama kopa elou, melai kota ko epezou so keru sea poso se pui Jiu amu ke kilo amu vo Baṉara kasi ke okotou keru.

2 Tesalonaika 2:13

A visi ni kaka poso, animevo Lekasa o roquemelani mela, eṉeta ṉe ilusiva vo Baṉara kiada keru mekale avo, ako so inio koko male sole. Ako vo Baṉara ta lula o pitoemele me peuru ma peuru ko tanitanila keru azo tu meta me bakio Tabu ala Auvana ko pizato kale, tu kota voko tabu ama maba poso ko imelo meko kai oqu kale voko tuveano.

Hiburu 13:20

Baṉara ta o saevive vo Lekasa Jisu voukale azo, vo raura kala anime o melati vailani omadeuvo sipi o kati vailani maba jari. Vota o saevive vo koa dara ko pizato kale, koko vinaekema koa leveleveo, vo o erekema anime kasi tu kota noqola pizato ko elou.

1 Pita 2:10

Ako lulavo meta pui vo Baṉara ko maba poso mela, ni meta pui meba kai nianiiovi vo Baṉara ko tauvezato sama roquano, melai erisaṉa meta voko mela, ni meta me qoa voko tauvezato sama roquano sole.

1 Pita 2:25

Ni lula meta omadeuvo ko mumamuma kama sipi jaria mela, melai meta lula me vaita tu me luluevou vo Jisu, vo o melati vailani me omadeuvo vo vailo ko maba ta o kati vaila jari voko sipi poso.

1 Pita 5:4

So inio meta me qovou koa ṉaṉaidara kama mamola ko pui kopa niumailo ama, Jisu animevo Raura kala Vailo ko Maba o katimelo ama vo o vaitou keru.

Kelokelozato 3:20

Ako keatini! Aṉata a lojoa veutu tona ni a dubitubita; so sole vo ota la viqo ala aṉako kora ta ola veukou ko veutu, nio aṉata a amaqeovou voko pade kale ni a zomanou vuato vo sase, ni vo melai o zomanou vuato aṉa sase.