Jone 10:1 - BAṈARA KO VAIRU AMA LEVELEVEO

¹ Ni Jisu ta eri kiolake sea vaki kasi, “Tuvevo avole aṉata a bazuemela me, voa maba vo pui o amaqeani sipi ko qara ko veutu kale kude, melai vo o koitani edoloma keve kude, vota kala kuilokuilo ala ni niumaniuma kala.

Jone 10:1 Σταυροειδείς Αναφορές

Matiu 7:15

Nio vo Jisu ta obeta olake bazubazuto ni eri kiolake sekasi, “Meta tama balauvomo se lipalipa kama poropita madu seke kuevani mekasi. Seko kupekupe ama kalo ta sipi ko inobe jari, melai seko omele ama kerukeru ta niumaniuma kama piru siele jari.

Jone 10:7

Sole Jisu ta mata eri kiolake, “Aṉata a bazuemela me tuvevo avole, aṉa inio ko sipi ko veutu lala.

Jone 3:3

Nio Jisu ta o vati tiorikake vo, “Tuvevo avole aṉata a bazueṉa ṉo, puliala maba ta opa roveovou kelo vo Baṉara ko lekasa puo puliako vo mata tova alilo,” kiolake.

Romu 10:15

Ni noni ko kalou inio ko bazu ta ko kaseilou puliala bazubazuto ko maba o soroilou ta? Omadeuvo ko Tabu ama Riki kikovevo jari, “Matu zolezole ama quli anime kasi seko kati kilo ko Uri ama Bazu!” kikolako.

Romu 16:18

Ako seke erekani soama quli ta pui keva nabuluputa animevo Lekasa Karisito sole, melai kota tupu ko zario ikio kebe ka nabuluputa. Seko uria viqo ama ni oluoluto sama pesio kale seta ke lipalipata tu ke lipalipaemo ni otao ke imo se pui malaṉaja kama maba madu.

Taitasi 1:11

Ṉota maba ṉoda ma dokolikou seko pesio, ako seta upotuqu ke ima sea pado ama saidi poso sole seko mai nianiiekiko kale ko quli ko pui ko male ama nianiiekato, seko takula ko kovo ko zario kale. Ni so kebe kava melai seta pui kekai qurata.

Hiburu 5:4

Puliala ta o ṉavi o pitoiva tu vota o raurailo tu ṉisa siama o elo. Melai o ṉavi Baṉara o kiada ko nokao kale inio vo maba ta ṉisa siama o eva, omadeuvo Eroni o ivevoa nokaevo jari.

1 Pita 1:10

Se poropita madu ta ke uria vailike ni ke madoeke kai nianiio komia pakio ko kalo. Se inio seke pidokikeni ko pakiezato sama roquano koko kuevako mekasi.

2 Pita 2:1

Lulavo se lipalipa kama poropita madu ta ke purate vo Baṉara ko maba madu ko tiania. Ni so jari nio se lipalipa kama nianiiekato ko maba poso ta ke puratou meko tiania, ni seta ke kati kilou moizavole kubo lipalipa kama bazubazu koko niumaemelo ama me. Ni seta keta vai zoliovou melai vo Jisu vo o tabarikeni seko rupasio seko sarueko ko piri kale azo, ni so inio seta ke oruṉikou seko tapata ni vo Baṉara ta kapiavole o niumaemou se.

2 Pita 2:3

Ako nia lipalipa kama nianiiekato ko maba madu ta keta mela zaria pala inio sole meko takula. Nio seta ke lipalipaemela pui tuvevo ama bazu kale. Melai Baṉara ta lula omai kuirika se. Ni seta pui kepa tava lapasou vo o niumaemo ala se.

1 Jone 4:1

A baerebaere poso, matu kubo lipalipa kama poropita madu ta iniseana komia peuru ma peuru kale. So sole meta pui meda ma utu tuvevo puekou seko bazu sea kiadamu seke kasekani ko Baṉara kasi azo ama bazu kikelani. Melai meta didiekomo ni uria kerukeruekomo koa bazu poso kikolani tu kai nianiimo ta kota ko kuevako ikio vo Baṉara kasi azo ma pui kio.